Luku 24:39 - FỊAFỊA BAỊBỤLỤ

³⁹ Ọmịnị ị̀ aḅara ma na ị̀ aḅụọ ma na ḍiki tẹ nimii mịnẹ yẹrị ḅioju. Ọ́ ḅara kẹ ị̀ lama ḍiki kụma ó nimi ḅa, ḍụẹịn nwẹn meni-oju sụa ḅara kẹ meni na mgbe na nyana nyana-a, ọmịnị inetẹ ẹrịarị ḅara ḅụ.”

Luku 24:39 Iomraidhean Croise

Nimi Tolumaḅọ 12:7

tẹ fọọn-fọọn-fọọn oju mẹ pịkịma kiri ḅio mẹ mu tẹ tarị anị sime-ḅara sime, tẹ tẹmẹ mẹ pịkịma-so anị pịrị Tamụnọ ḅe ḍọkụma-mu ḅa.

Kịẹn-aḅịḅị 16:22

Kụma Mozizi na Erọnị na nwẹnị ịna atọrụ-kuḅu kẹ ḅịkị kiri koro tẹ ḅẹẹ, “yei, Tamụnọ, oju-meni mamgba ḅẹ atẹmẹ ma ḅẹ Tamụnọ, kpọkpọ gbọrụ tomḅọ mịẹ si ḅụ ị́ ịganị nyana bebe tomina-ogbo mẹ pịrị ḅẹ?”

Luku 23:46

Tẹ Jizọsị nwẹnị oloku pakama gele pọkọ ḅụ, “Ḍa! Àrị ị̀ tẹmẹ kẹ ị́ ḅara sụam!” Ò mie ḍuko tẹso, ọ̀ nwẹnị fịị.

Luku 24:38

Ori nwẹnị in ḅii, “Tiye ọmịna ḅụụ-gbiripumarị? Ọmịna ḅio tiegotẹ maaịn-maaịn tọn-arị?

Luku 24:40

Ò mie ḍuko tẹso, ọ̀ nwẹnị ori aḅara na ori aḅụọ na kẹ in ḍie.

Jọnị 20:20

Ò miemẹ ḅẹẹ tẹso, ọ̀ nwẹnị ori aḅara na ori agaga na kẹ ịn ḍie. Ịn KỊNỊNYANAḄỌ ḅe ẹrị ye mẹ mịẹtẹ ò ḍukamẹnjịapụ ma kpọma ḅioḅẹlẹm.

Jọnị 20:25

Mie ḅụ osi Jizọsị ḍukamẹnjịapụ ma ḍuko ọ̀ pịrịm, “KỊNỊNYANAḄỌ ḅe wa ori ẹrị tẹẹ!” Tọmọsị nwẹnị ịn ḅẹẹ, “Àrị ori aḅara ḅụ ịnọ akiri ma ẹrị tẹ ị̀ ḅara-tụngbalị kẹ arị lama, tẹ pịkị ị̀ ḅara kẹ ori agaga ḅẹ ịnọ kiri mẹ lama sikima tẹ, gbala-gbala à minini ḅịa.”

Jọnị 20:27

Anịtẹso ọ̀ nwẹnị Tọmọsị ḅẹẹ, “Ị́ ḅara-tụngbalị kẹ mịanga suu, tẹ pịkị ị̀ aḅara ma ḍikii; anie ḅọrọ tẹ ḅẹḅẹ pịkị ị́ ḅara sụn-pakama tẹ kẹ ị̀ agaga ḅụ suu. Ḅarị jen kẹ ḅio maaịn maaịn tọnma, tẹ minini nyana-a!”

Fịrịmẹnjịapụ 1:3

Ọ̀ fịị tẹso, ḍin amesi ọ̀ nwẹn kẹ tọnwa sakị kẹ ḅụụ pakama-pakama in ḍiem, kẹ mịẹtẹ in nimi mịnẹ, piki-pikiye-ofori ḅara ḅụ, ò ḍumo wararị. Ini ori ẹrị tẹ ọ̀ pịkị ini na Tamụnọ Ama-da mẹ gboloma ye ḍukom.

1 Tẹsalonịka 5:23

Yee dein kẹ wa pịrịarị Tamụnọ ḅe ọ́ mịẹ fịafịama, ḅọkọ, ḅọkọ ḅụ, tẹ ọmịna bebe ḅụụ mẹ koko — tẹmẹ na, ḅioḅẹngbọ na oju na — tẹ wa Nyanaḅọ Jizọsị Kịrayịsị ḅo sakị mẹ ḅụ, gbọrụ siye sọ ó gboloma ḅịa ḅara.

Hiburu 12:9

Wamịna tomikiri ḅẹ aḍapụ wa datụkụma ḅẹ ye ḅụ wa fomuarị sakị, wa ịn mangịmarị. Nwẹnị ọkọ kụma ndẹẹ wa gotẹ anị ḅara nẹngị ḅara kẹ sịḅị-tuu wamịna tẹmẹ anga ḅẹ Ḍaḅọ ḅe pịrị tẹ ḍumo ḅịa ye!

1 Jọnị 1:1

Wa ḍumo pịrị ẹkwẹn mẹ gboloma ḍiri kẹẹ tẹ kẹ ọ́ fịrịmarị, anie tomikiri mẹ amụ tẹmẹ-a kụra-ḅio emi ye mẹ. Wa anị naa tẹ, pịkị wamịna atọrụngbọ kẹ anị ẹrị tẹ; inn, wa anị ḍikim, wamịna aḅara pịkị anị la tẹ.