Luku 24:32 - FỊAFỊA BAỊBỤLỤ

³² Tẹ ịn nwẹnị jụmọ-jụmọ ḅẹẹ, “Etela wa nwẹn mẹnjịma ḅoarị tẹ ọ̀ Fịafịa Ḍiri mẹ puu-finji wa pịrịarị sakị wamịna ḅioḅẹngbọ koko ḅẹlẹ ḅụra?”

Luku 24:32 Iomraidhean Croise

Devidi-Anume 104:34

Yee ì nume ọ̀ ḅụụ ḅẹlẹ ye sọ, ì ḅioḅẹlẹ ọ̀ ḅara ḅụ ḅoarị ẹrẹsị.

Devidi-Anume 39:3

tẹ ḅụụ-ḅalaḅala nwẹnị ị̀ nẹngịma, à kuroma mu laa anga laa anga, ị̀ ḅụụ-fụka mẹ pịkị owi ọkọ lam; à ḅarị inetẹ inema-a tẹ gbelam:

Egberima-Ẹkwẹn 27:17

Tomi jụmọ-jụmọ ḅara ye ḍawọarị, anie jen ikulele jen ikulele farịarị ḅara mẹ.

Egberima-Ẹkwẹn 27:9

Sẹntị na kụnụ-olo na ị́ mịẹ tẹ í ḅioḅẹlẹ tarị ḅara nẹngịarị, kụma ḅụụ-fụka ḅo tẹ í kuroma ḅẹ dein mẹ kan-siin-arị.

Ayịzaya 50:4

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe kẹ ì toluma tẹ à ḍuko ḅẹ ye mịẹ tẹ arị ịnyọ ḅụụ ḅụ fa tẹ ḅọ mẹ mịẹ kụrọma ḅẹ ḅara. Dede goyegoye ori ị̀ mịẹ tẹ à ḅio-sẹsẹarị, ọ̀ kẹ ì toluma ḅẹ ye na ḅẹ ḅara gotẹ.

Jerimaya 15:16

Ị́ ẹkwẹn ị̀ pịrịm, tẹ arị ẹkwẹn-ḅịḅị goyegoye pokim. À sime ị́ pịrịm, Kụrọmamgba nyana KỊNỊNYANA-TAMỤNỌ, tẹ anie ḅụ ị́ ẹkwẹn ḍereku na ḅioḅẹlẹ na kẹ ì ḅioḅẹngbọ ḅinmam.

Jerimaya 20:9

Kụma à ḅẹẹarị sakị, “À KỊNỊNYANAḄỌ ḅe kẹ ḅioḅọrọma ḅa tẹ ḅarị jen kẹ ori ẹrẹ ḅụ ẹkwẹn ḅịa,” anịtẹso í oku mẹ fịnị kịka tẹ ị̀ ḅụụ ḅio kọrịarị. À ḅụụkụrọma tẹ anị ọlọ-sịẹmarị ị̀ ḅụụ ḅio, kụma à ḅarị inetẹ jen kẹ anị da ọḅụ pịrị-a.

Jerimaya 23:29

Ì oku mẹ kọrị-fịnị na kịkarị, anị pịkị kẹ ịkụ ḅakụ-ḅakụ pakịrị-pakịrị puuarị amana sọ na kịkarị.

Makị 4:34

Ori egberi gbaa-a ḅara kẹ ẹkwẹn ịn pịrị ḅẹ ḅii-a, kụma ori ngẹrị ò ḍukamẹnjịapụ ma na sime anga, ò ye goyegoye ḍuko finji ịn pịrịm.

Luku 24:45

Anịtẹso ọ̀ nwẹnị ịna aḅioḅẹngbọ ma finji, ịn Fịafịa Ḍiri mẹ fiearị ye naa ḅẹ ḅara,

Jọnị 6:63

Tamụnọ Tẹmẹ ḅe mie ḍumo pịrịarị, tomḅọ kụrọ mịẹ ḅẹ gberie-sọ ofori. À kọn ọ́ pịrị tẹ ẹkwẹn ma mie Tamụnọ ḍumo pịrị Tẹmẹ kẹ ḅoarị.

Fịrịmẹnjịapụ 28:23

Mie ḅụ ịn nwẹnị Pọlụ na ene pẹlẹ, tẹ ene mẹ laa tẹso, ini ikutẹ ḅara kẹ Pọlụ sime anga mẹ sọ ḅinm, tẹ dede-ḅio ọkị mu ḅoḅiri la ọ̀ nwẹn kẹ Tamụnọ Ama-da mẹ sime-ḅara puu-finji tẹ anị ḅẹ ẹkwẹn kọn ịn pịrịm. Ọ̀ pịkị Mozizi Oloko mẹ na ịkịankoroapụ ma na kẹẹ koroma aị ma na kẹ tọnma, tọnma tẹ mịẹtẹ in Jizọsị gbolomaye mẹ minini ḅẹ ḍọkịm.

Hiburu 4:12

Tamụnọ ẹkwẹn mẹ ḍumo wararị, anị pịkị kụrọ nyana tẹ kẹ ye mịẹarị, anị oḅu maa tọrụ sụa okologie nẹngịm. Anị inetẹ pẹlẹ sọ-mu la ḅịa anga ofori, so mu tomḅọ ḍumo mẹ na mḅọ tẹmẹ na ḅo bịama wararị anga la, mu pịkị anda na iko na gboloma wararị anga sọ laarị. Anị mie tomḅọ ḅioḅẹngbọ ḅụ simearị aị na mḅọ ḅiiarị aị na, kuromarị aị ma na kọn-arị.