Luku 24:30 - FỊAFỊA BAỊBỤLỤ

³⁰ Ọ̀ lẹgị sime tẹ ini na ye fị ḅẹ tẹso, ori nwẹnị fịturu mẹ ọkị, tẹ anị boma tẹ paịn tẹ kẹ ịn pịrị.

Luku 24:30 Iomraidhean Croise

Matiyo 14:19

Ọ̀ nwẹnị tọn tomi ma pịrị mịnẹ ini osuka mẹ ọgọnọ lẹgị-simee; anịtẹso ọ̀ nwẹnị ịna ḅara fịturu sọnọ akpo ma na inji maa mgbọ ma na daa-ọkị, tọrụ saakị so da, tẹ ịmịẹtẹ kẹ Tamụnọ ḅẹẹ. Ọ̀ nwẹnị fịturu kpo-kpo ma paịn-paịntẹ kẹ ò ḍukamẹnjịapụ ma pịrị, tẹ ini nwẹnị kẹ tomi ma pịrị.

Matiyo 15:36

Anịtẹso ọ̀ fịturu sọnọma akpo ma na inji mẹ na ọkị tẹ ịmịẹtẹ kẹ Tamụnọ ḅẹẹ tẹ arị paịn-paịntẹ kẹ ò ḍukamẹnjịapụ ma pịrị, tẹ ini nwẹnị kẹ tomi ma pịrị.

Matiyo 26:26

In ye mẹ fịarị ogbo, Jizọsị nwẹnị fịturu ọkị, tẹ ịmịẹtẹ kẹ Tamụnọ ḅẹẹ tẹ, anị paịn tẹ kẹ ò ḍukamẹnjịapụ ma pịrị. Ori mẹẹ, “Ọmịnị ọkị tẹ fị, mie ì oju mẹ.”

Makị 14:22

In ye fịarị ogbo, Jizọsị fịturu kpoo ọkị tẹ ịmịẹtẹ ḅẹẹ tẹkẹ kọnm. Ọ̀ nwẹnị paịn tẹ kẹ ò ḍukamẹnjịapụ ma pịrị, tẹ ḅẹẹ, “Ọ́ daa, mie ì oju.”

Makị 6:41

Anịtẹso Jizọsị fịturu sọnọa akpo ma na, inji maa amgbọ ma na ọkị tẹ tọrụ saakị so da tẹ ịmịẹtẹ kẹ Tamụnọ ḅẹẹm. Ọ̀ fịturu kpo, kpo ma paịn-paịntẹ kẹ ò ḍukamẹnjịapụ ma pịrịm in ḍie tomi ma pịrịị. Ọ̀ pịkị inji maa mgbọ ma sọ ḍie inimgba pịrịm.

Makị 8:6

Ọ̀ tọn tomina-ogbo mẹ pịrị tẹ ịn kiri-ḅio lẹgị-simem. Anịtẹso ọ̀ nwẹnị fịturu sọnọma akpo ma ọkị, ịmịẹtẹ kẹ Tamụnọ ḅẹẹ, arị paịn, tẹ kẹ ò ḍukamẹnjịapụ ma pịrị ịn ḍie tomi ogbo mẹ pịrịị, tẹ ò ḍukamẹnjịapụ ma ọkọ mịẹm.

Luku 22:19

Anịtẹso ọ̀ nwẹnị fịturu pakịrị ọkị, ịmịẹtẹ kẹ Tamụnọ ḅẹẹ, tẹ anị paịn tẹ kẹ ịn pịrị, tẹ ḅẹẹ, “Mie ì oju tẹ ịn kẹ ó gotẹ pịrị ye mẹ. Ó mie mịẹ tẹ kẹ ị̀ kẹ ḅiokoromaa.”

Luku 24:29

kụma ini ọ̀ dasịẹmam; ini mẹẹ, “Wamịnị na sime; ene gbaịn ḅẹ tẹ, ala-a anị furu ḅa.” Mie ḅụ ọ̀ nwẹnị ini na sime ḅẹ mu.

Luku 24:35

Arị maa apụ ma nwẹnị saakị etela ye paka ḅara, paka ḅara ḍuko, mu ọ̀ fịturu paịn tẹ ini anị kẹ KỊNỊNYANAḄỌ ḅe lekiri anga la.

Luku 9:16

Jizọsị nwẹnị fịturu sọnọ akpo ma na inji amẹngbọ ma na ọkị tẹ tọrụ saakị so ḍiki, tẹ arị gotẹ ịmịẹtẹ kẹ Tamụnọ ḅẹẹ, ọ̀ nwẹnị arị paịn tẹ kẹ ò ḍukamẹnjịapụ ma pịrị mịnẹ in ḍie tomi ma pịrịị.

Jọnị 6:11

Jizọsị nwẹnị fịturu mẹ ọkị tẹ ịmịẹtẹ kẹ Tamụnọ ḅẹẹ, tẹ anị ḍiya tomi ma pịrị, ịn lẹgị-sime anga mẹ ḅụ. Anie ọ̀ pịkị kẹ inji mẹ sọ mịẹ ḅara, tẹ inimgba in ḅii ḅara, ḅii ḅara ọkịm.

Fịrịmẹnjịapụ 2:42

Tẹ ịn nwẹnị mu-mu tẹ fịrịmẹnjịapụ ma ḅara ye ḍawọ, tẹ pịkị ini na sọ tẹ ịn mịẹ ye mịẹ ye mịẹ, gboloma fịye mẹ na tẹkẹ na ḅụ sọ.

Fịrịmẹnjịapụ 2:46

Ene gbarịma-a ḅara ịn nwẹn kẹ Tamụnọ-warị mẹ ḅio gbọrụ ogbo ḅẹ apụ ḅara kẹ kobirim, tẹ nwẹnị ini anga awarị ḅụ ye fị, ḅioḅẹlẹ na ḅụụ-iderima aḅioḅẹngbọ na ḅụ.

Fịrịmẹnjịapụ 27:35

Pọlụ ọkọ ḅẹẹ tẹso, ọ̀ nwẹnị fịturu ọkị, tẹ ịmịẹtẹ kẹ Tamụnọ ḅẹẹ tẹ inimgba tọrọkọ anị paịn fị.