Luku 24:26 - FỊAFỊA BAỊBỤLỤ

²⁶ Anị mịẹ na-iḅi ye-a, mịnẹ Mẹsaya ḅe mịna ḅụụ-fụka ma da-tolu-ḅọrọ ḅo ori ebube ḅio sọ?”

Luku 24:26 Iomraidhean Croise

Suku-saakị 22:6

Ebira-amụ nwẹnị kẹ dọkịma-agba mẹ mịẹ ḅẹ sanga mẹ ọkị tẹ anị kẹ Ayịzịkị ori owiḅọtụḅọ ḅe sịḅị gbana; tẹ ori nwẹnị ọ̀ ḅara-ḅio fịnị mẹ na, ogie mẹ na ọlọ. Mie ḅụ ini maa apụ ma gbọrụ ḅụọ kẹ mum.

Danẹlị 9:26

Anị sakị mẹ ḅẹ kunoma ḅụ ịn Tamụnọ sẹlẹ pakama-ḅo sịḅịdaḅọ ḅe ḅaa ḅa inoma ḅọkọ ḅụ. Opu ama mẹ na Tamụnọ-warị mẹ na kụrọtẹ ḅẹrẹtọnḅọ ama koro ọmụ-ogbo arị kan-sara ḅa. Kunoma mẹ ḅo ḅarị ḅara ẹgẹnẹ-minji seri sọ ḅara, ọmụ na guluguluma na ọkị-ḅoarị Tamụnọ tẹlẹma wẹrị ḅara ḅụ.

Zẹkaraya 13:7

Kụrọmamgba nyana KỊNỊNYANAḄỌ ḅe ḅẹẹarị, “Mono ḅụ saakị, okologie, tẹ owu kẹ namakọrị ị̀ pịrịarị anana-ḍikiḍikiḅọ ḅe paka! Ọ̀ ḅaa, tẹ anana ma gala-gala ḅa. Yẹrị owu kẹ ị̀ atomi paka ḅa,

Luku 24:44

Anịtẹso ọ̀ nwẹnị ịn ḅẹẹ, “Ma ma anie àrị ọmịnị na simearị sakị à ḍuko ọ́ pịrị-pịrị aị ma, mịnẹ Mozizi Oloko mẹ na, ịkịankoroapụ ma na, Nume Ḍiri mẹ na, ị̀ ḅụụ ḅụ kẹẹ ye goyegoye paka fama ḅa.”

Luku 24:46

tẹ ịn ḅẹẹ, “Mie anị kẹẹ ḅara: Mẹsaya ḅe tọrụsiẹrị ḅa, tẹ tẹra aḍin karama ene ḅụ ọ̀ fị-ḅụ-saakị ḅa,

Luku 24:7

‘In Tomḅọ Tụḅọ ḅe saḅama si-mịẹapụ pịrị ḅa, ini ọ̀ kẹ ẹngbẹsẹ-sịn ḅụ ḅakụ ḅa, tẹ tẹra aḍin sakị ḅụ ọ̀ saakị tẹ ḍumo ḅa.’ ”

Jọnị 2:22

Mie ḅụ Jizọsị ḅo fị-ḅụ-saakị tẹso, mie ò ḍukamẹnjịapụ ma ò ḍuko ye mẹ kẹ ḅiokoroma yee; tẹ ịn nwẹnị Fịafịa Ḍiri mẹ na Jizọsị ḍuko ye na minini.

Jọnị 20:9

(Ọkị mu anị sakị mẹ la sọ ịn paa amụ Fịafịa Ḍiri mẹ fie ye mẹ naa-a mịnẹ mịẹ ḅara, mịẹ ḅara sọ Jizọsị fị-ḅụ-saakị ḅa.)

Fịrịmẹnjịapụ 17:3

Ọ̀ kẹ in ḍiem mịnẹ Fịafịa Ḍiri mẹ ḅio ò goo-goo ịn pịrị aị ma ḍuko ḅara ḅụ, Mẹsaya ḅe tọrụsiẹrị tẹ pịkị fị-ḅụ-saakị ḅa. Tẹ Pọlụ nwẹnị ḅẹẹ, “Ḅị Jizọsị ḅe tẹ à ḍuko pakama ọ́ pịrịarị ḅọ ḅe anie Mẹsaya ḅẹẹ.”

Hiburu 12:2

Ó yee wa tọrụ kẹ Jizọsị ọgọnọ gbana; ọ̀ ḅụụ mie wamịna minini mẹ saakị tẹ pịkị mu kunomaye. Ori, ori ẹngbẹsẹ-sịn mẹ gotẹ ọḅụ da-a! Anie nakara, tọrọkọ-jụ sime ọ̀ pịrị ḅioḅẹlẹ mẹ ẹrẹsị ẹngbẹsẹ-sịn ọgọnọ ḅẹ fịị ḅụụ-jịrị mẹ ọ̀ kẹ ye-sịn-a, tẹ mịọkụ Tamụnọ ọ̀ kẹ amịna emine mẹ ḅẹ ama-ḅara anga lẹgịma tẹ.

1 Pita 1:11

Ịn pịkị ḍọkị-nimi ḅẹm, sakị mẹ na, anị ḅo ḅẹ ḅara na. Mị sakị mẹ mie Kịrayịsị Tẹmẹ ḅe tẹ ịna ḅụụ ḅio sime ḅọ ḅe ḅara kẹ tọkịma sime ye, tẹ ịn nwẹnị Kịrayịsị ye-inema alama ḅụ ẹrị ḅẹ atọrụsiẹrị ma na arị ḍuka ma-ḅo ḅarị ebube mẹ na ḅẹ ịkịan kuro.

1 Pita 1:3

Ó yee wa ịmịẹtẹ kẹ Tamụnọ pịkị wa Nyanaḅọ Jizọsị Kịrayịsị Ḍa ḅe ḅẹẹ! Ori opu ọkụrụkụrụ mẹ ẹrẹsị ori ịwọ ḍumo kẹ wa pịrịm, fịị ḅụ Jizọsị Kịrayịsị saakịma ḅụ. Miemẹ ḍumo wararị ḅiokpọmaye kẹ wamịna ḅụụ ḅio ḅinmam,