Luku 24:19 - FỊAFỊA BAỊBỤLỤ

¹⁹ Ori nwẹnị gbela, “Tọ aị?” Ini mẹẹ, “Nazarẹtị ḅẹ Jizọsị ḅụụ paka aị ma. Ḅị tomḅọ ḅe ịkịankoroḅọọ, tẹ Tamụnọ na tomi mamgba na ọkịm ọ̀ kụrọ nyanam, ori ẹkwẹn na ọ̀ kọrịnama na ḅụ.

Luku 24:19 Iomraidhean Croise

Matiyo 21:11

Tomina-ogbo-ogbo ma nwẹnị pakịrị, “Ḅieḅe anie ịkịankoro Jizọsị ḅe, tẹ Galili ḅẹ ama Nazarẹtị ḅụ sime tẹ ḅo ḅọ ḅee!”

Makị 1:24

“Nazarẹtị ḅẹ Jizọsị, ị́ wamịnị na tọ mịẹye nyana gboloma? Í ḅo wa ḅaa guluguluma ḅẹ tẹ mịanga? Àrị í nimi wararị — ị́yẹrị anie Tamụnọ fịafịa oku-mẹnjịḅọ!”

Luku 24:18

Ini ḅẹ gbọrụḅọ, ori ẹrẹ Kilopasị, nwẹnị ò gbela, “Mị bebe Jeruselemu mẹ ḅụ ị́yẹrị ngẹrị ḅọrọ igoniḅọ mụnọọ, tẹ mịna boowa aḍin ḅụ paka aị ma nimi-a?”

Luku 7:16

Ḅalafa nwẹnị inimgba ḅụụ ḅio sọ, tẹ ịn nwẹnị Tamụnọ tokini, ḅẹẹ mịnẹ, “Opu ịkịankoroḅọ paka-ḅo tẹ wamịna ogboku! Tamụnọ ori atomi ḅọrọma ḅẹ ḅo tẹ.”

Jọnị 3:2

Gbọrụ ḍin ḅụ ọ̀ Jizọsị dama-mu tẹ ọ̀ ḅẹẹm, “Rabayị, wa nimim anie Tamụnọ ḅarana kẹ fịrịma ye-tolumaḅọ. Gbọrụḅọ-sọ inetẹ ị́ mịẹarị ḅụụ-buama-aị ma mịẹ ḅịa Tamụnọ mḅọ na emi sikima tẹ.”

Jọnị 4:19

Ẹrẹḅọ ma nwẹnị ḅẹẹ, “Ị̀ Nyanaḅọ, àrị ẹrịarị ḅara ịkịankoroḅọ.

Jọnị 6:14

Tomi ma ḅo Jizọsị mịẹ ḅụụ-buamaye mẹ ẹrị sakị ini mẹẹ, “Piki-pikiye-ofori ḅara ḅụ ḅieḅe anie tomikiri ḅo ḅẹ Ịkịankoroḅọ ḅee!”

Jọnị 7:52

Ịn nwẹnị pakịrị, “Iḅim, anie ị́yẹrị sọ Galili ḅụ ḅo wararị ya? Fịafịa Ḍiri mẹ ḍawọ ḍikii, í nimi ḅa mịnẹ ịkịankoroḅọ Galili ḅụ paka-ḅo ḅo-a.”

Fịrịmẹnjịapụ 10:38

Nazarẹtị ḅẹ Jizọsị ḅe gbolomaye mẹ, anie Tamụnọ ọ̀ Fịafịa Tẹmẹ ḅe na kụrọ na kẹ ori ọgọnọ ọsụma sara ye mẹ sọ, ó nimi tẹ. Ò mu la-a anga ofori, tẹ iḅi mịẹ, pịkị Ekwesu ḅe kẹ omoni sọma sime apụ ma gwọm, Tamụnọ ori Jizọsị ḅe na emi ẹrẹsị.

Fịrịmẹnjịapụ 2:22

Ì pembema Izirẹlịapụ, ọmịna ẹkwẹn-aḅịḅị ma pokii! Nazarẹtị ḅẹ Jizọsị ḅe tomḅọọ, tẹ Tamụnọ kụrọ ọ̀ ḅụụ simem ḅẹ ye mẹ ḅụụ-buama-aị na, ḅụụ-gbiripuma aị na, tẹ Tamụnọ ọ̀ ḅụụ ḅọrọtẹ kọrị aị ma, anị ḍie pakama banabanama tẹ. Ọmịnị-mgba miemẹ nimi wararị, gbala ọmịna ogboku anie miemẹ paka ye.

Fịrịmẹnjịapụ 7:22

Ijiputi ḅẹ nimi tẹ ịn kẹ ò toluma kọnma ye ofori. Ori ẹkwẹn na ori amịẹaị na ḅụ ori pịkị opu tomḅọọ.”

Ditẹrọnọmị 18:15

KỊNỊNYANAḄỌ ọmịna Tamụnọ ḅe ì pembe gbọrụ ịkịankoroḅọ saakị pakama-ḅo ọ́ pịrị ḅa ọmịna ogbo-ḅio, ọmịna amịnapụ ma ḅụ ori mie ó poki ḅarịye.