Luku 23:7 - FỊAFỊA BAỊBỤLỤ

⁷ Ò ḅo nimi tẹ mịnẹ Ẹrọdị suku-ḅio sime ama ḅụ ò ḅom ḅẹ sakị ò Jizọsị kẹ Ẹrọdị fịrịmam. Anị sakị mẹ ḅụ Ẹrọdị ḅe sọ Jeruselemu ḅụ simem.

Luku 23:7 Iomraidhean Croise

Matiyo 14:1

Anị sakị mẹ ḅụ Ẹrọdị, Galili da ḅọ ḅe nwẹnị Jizọsị gboloma ye naa.

Matiyo 14:3

Kẹ gotẹ ọkọ ḅẹẹarị, Ẹrọdị tẹrẹmẹ ḅo mị sakị la tọn tẹ ịn Jọnị ọlọ tẹ, ikoli kẹ ọ̀ sụa tẹ ọ̀ kẹ ikoli ḅio suu wararị. Ò miemẹ mịẹm ori iyimbere Filipu ta Ẹrodiyasị sịḅị gotẹ.

Matiyo 14:6

Tẹ Ẹrọdị iyi ene ḅẹ alalị nwẹnị koro, tẹ Ẹrodiyasị ada kọn wararị sẹkị nwẹnị bebe kobiri-ogbo mẹ tọrọkọ kpọma Ẹrọdị ḅioḅẹlẹma,

Makị 6:14

Anị sakị mẹ ḅụ Ama-da Ẹrọdị sọ anị gboloma aị mamgba naam, Jizọsị ereso mẹ wasama mu anga, anga la fama tẹ ẹrẹsị. Ja apụ ḅẹẹ simem, “Minji Sara Jọnị fị-ḅụ-saakị tẹẹ! Mie ẹrẹsị ọ̀ kụrọ nyana tẹ ḅụụ-buama-aị mịẹarị.”

Luku 13:31

Paa anị gbọrụ sakị mẹ ḅụ Farịsiiapụ ḅẹ ja apụ ḅo Jizọsị ḅẹẹm, “Ẹrọdị ị́ ḅaa ḅẹ ḍọkịarị, mịanga so tẹ jen anga muu.”

Luku 23:6

Payịleti miemẹ naa sakị ò gbelam, “Ḅị tomḅọ ḅe Galili ḅẹ ḅọ, aro?”

Luku 3:1

Tayịberiyasị Romu tomikiri mẹ da tẹ jei karama kụra ḅụ; Pọnịtịyọsị Payịleti anie Judiya ḅụ ḅẹrẹtọnḅọ, anie pịkị Ẹrọdị Galili da sime sakị, tẹ ori iyimbere Filipu, Ituriya na Tarakonayịtisi na iri mẹ ḅụ ḅẹrẹtọn-arị sakị, tẹ Lisaniyasị pịkị Abilini ḅẹ ḅẹrẹtọnḅọ,

Luku 9:7

Anịtẹso Ẹrọdị, Galili da ḅọ ḅe, paka aị mamgba naa sakị, arị kpọma ò ḅioḅẹngbọ pikirimam, anie jen-apụ ḅẹẹm mịnẹ Minji Sara Jọnị fị-ḅụ-saakị tẹ ẹrẹsị.

Fịrịmẹnjịapụ 4:27

Anie anị mịẹ ḅara, mị ama mẹ ḅio mie Ẹrọdị na, Pọnịtịyọsị Payịleti na, Ja asịẹ ḅẹ apụ ma na Izirẹlịapụ na kobiri ị́ Fịafịa Fịrịmẹnjịḅọ Jizọsị, tẹ ị́ kẹ Mẹsaya sọma ḅọ ḅe pịrị ye.