Luku 23:51 - FỊAFỊA BAỊBỤLỤ

⁵¹ Ịn pẹlẹ Jizọsị pịrị si ḅẹrẹ mẹ na ịn kẹ ọ̀ mịẹ aị ma na ḅụ ọ̀ ḅịḅị sọ-a; tẹ Judiya sịẹ mẹ ḅụ ịn kẹ Arịmatiya sịn ama mẹ ḅụ ọ̀ pakam, tẹ ọ̀ pịkị Tamụnọ Ama-da mẹ koru simem.

Luku 23:51 Iomraidhean Croise

Suku-saakị 49:18

Ị́ ḅọrọma mẹ mie à koruarị ye, yei KỊNỊNYANAḄỌ.

Paka-so 23:2

Tomina-ogbo ḍuka mu siye mịẹ ma; anịanịa ogbo-ogbo ḅẹrẹkọn-siri ḅụ ḅẹrẹ pịkị iḅo ḅẹm ẹrẹsị tomina-ogbo na gbọrụ jụ ḅọrọ tẹ ogbo-sịẹ ma.

Egberima-Ẹkwẹn 1:10

Ị̀ tụḅọ, si-mịẹapụ í toluma irimarị ḅẹḅẹ, ḍụkụ ma.

Ayịzaya 8:12

“Tomi ma ḅụ sọma ịn tọn tẹ mịẹ ḅẹ ḍọkịarị aị ma ḅụ, pịkị in gotẹ ḅalafaarị aị ma ḍiki-ḅalafa ma.

Matiyo 27:57

Anị ḅo ḅoḅiri-so la sakị gbọrụ ngọ-kọnḅọ, Arịmatiya ama ḅụ sime tẹ ḅo la tẹ, ori ẹrẹ Josẹfụ, ori sọ Jizọsị ḍukamẹnjịḅọ.

Makị 15:43

Arịmatiya ḅẹ Josẹfụ, Sịẹ-Kobiri mẹ ḅẹ opuḅọ, ò ḅioju sọ Tamụnọ Ama-da sakị mẹ koru simem, nwẹnị ḅiokpọ tẹ Payịleti dama-mu tẹ Jizọsị oju akpakpa mẹ ḅii.

Luku 2:25

Anị sakị ḅụ Jeruselemu ḅụ ịn kẹ Simiyọnị sịn gbọrụ owiḅọ simem. Ḅị ḅọ ḅe karakara iḅi tomḅọ, tẹ Tamụnọ ḍiki-ḅalafarị ḅọ, ọ̀ pịkị Izirẹlị ḅọrọma ḅẹ sakị mẹ koruarị. Fịafịa Tẹmẹ ḅe ọ̀ ḅụụ sime

Luku 2:38

Anị gbọrụ sakị mẹ ḅụ árị sọ nwẹnị ḅo la, tẹ ịmịẹtẹ kẹ Tamụnọ ḅẹẹ, pịkị tụḅọ ḅe gboloma ye ḍuko Tamụnọ Jeruselemu ḅọrọma ḅarị mẹ koruarị apụ mamgba pịrị.

Luku 23:42

Tẹ ọ̀ nwẹnị Jizọsị ḅẹẹ, “Jizọsị, sisi í ḅo ị́ ama ọkị daa ḅẹ sakị, ị̀ kẹ ḅiokoromaa!”

Luku 23:52

Ori anie mu Payịleti ḅara Jizọsị oju mẹ ḅii ọkị ye.

1 Samụẹlị 1:1

Ramatahimu-zofimu ḅụ Iferemu tụndụ ọgọnọ ḅẹ opu sịẹ mẹ ḅẹ gbọrụ owiḅọ simem. Oriḅe ẹrẹ anie Ẹlịkena, Jerohamụ owiḅọtụḅọ, pịkị Elihu taa-owiḅọtụḅọ, pịkị Tohu ile-owiḅọtụḅọ, pịkị Zufu ọsịkịsịkị-owiḅọtụḅọ, Iferemu furo-ḅẹ-ḅọ ḅe.