Luku 23:5 - FỊAFỊA BAỊBỤLỤ

⁵ Kụma ini nwẹnị paa ịgbanị kụrọma tọrọkọ-tọrọkọ muarị, “Ḅị tomḅọ ḅe tolumaye mẹ bebe Judiya mẹmgba ḅụ ama-fiema saakị tẹ tomi ma ogboku. Galili ḅụ mie ọ̀ saakị ye, mịọkụ ò ḅo mịanga la tẹ.”

Luku 23:5 Iomraidhean Croise

Devidi-Anume 22:16

Si atomi ogbo ì gbori wararị, gbala nọmụ obiri amẹẹ ọkụ, tẹ in ḅo ị̀ bịan-sịẹ tẹẹ: ini ị̀ aḅara na ị̀ aḅụọ na kanịarị.

Devidi-Anume 57:4

Si kẹ kịnị tọn-arị apụ ma ì gbori-ikelema tẹ, anie tomi pẹị, pẹị ọkụkụ ma kịkarị apụ ma. Ịna aka ma ḅẹkẹrẹ ma na ḍịn ma na kịkarị ịna aḅẹlẹ ma okologie ma oḅu ḅara oḅuarị.

Devidi-Anume 69:4

À mịẹ ye ofori tẹ ì ḍiki-ḅioḅuarị apụ ma kịẹn-ḅịḅị ị̀ sịḅị-ḅẹ-inume kịẹn-ḅịḅị nẹngịm. Si kẹ ị̀ tọn-arị apụ ma iruo aị ḍuko ị̀ ọgọnọ gbanarị; ịn kụrọ wararị tẹ ị̀ ḅaa ḅẹ-ḅiiarị. Ini ì ponoma tẹ arị yẹrị furu-a aị pakama-ḅo ịn pịrịm.

Matiyo 11:1

Jizọsị mịna ịn mịẹ ḅẹ aị ma ḍuko ò Ḍukamẹnjị Oyi Maa apụ Finji ma pịrị fama tẹso, ò nwẹnị anịjụ so, tẹ mu anị na kpeki osi ama ma ḅụ ye-toluma tẹ pịkị Tamụnọ ẹkwẹn kọn.

Matiyo 2:1

Judiya ḅẹ Bẹtịlịhẹmụ ama ḅụ mie Jizọsị iyi ye. Anị sakị mẹ ḅụ Ẹrọdị anie Judiya ḅẹ amadaḅọ. Tẹ Jizọsị iyi tẹ amụ ala-a ogbo tomi nwẹnị ịrụa saakịarị pakịrị anga mẹ ḅụ sime tẹ sunsin ọ̀ pịrị ḅẹ tẹ Jeruselemu ḅo. Arị atomi ma lolia-ḍikiapụ.

Matiyo 27:24

Payịleti nwẹnị ḅo ẹrị, mịnẹ ọ̀ mịẹ ḅẹ ye ḅarị ofori, tẹ tomi ma pịkị ama fiema ḅẹ-yearị ḅẹ sakị, ọ̀ nwẹnị tomi ogbo mẹ tọrọkọ minji ọkị tẹ kẹ amịna aḅara sịkịrị tẹ ḅẹẹ, “Ḅị tomḅọ ḅe fịị ḅụ ị̀ ḅara ofori! Ọmịnị mie anị dogi-ḅo ye!”

Matiyo 4:23

Jizọsị mu Galili ikelema-koro ḅụ sime ama-awarị ma ḅio ye-toluma tẹ pịkị Tamụnọ ama-da tẹ ḅẹrẹtọn-arị mẹ ḅẹ Iḅi Oku mẹ ḍuko ma-ḅọrọm, tẹ pịkị kịrị-kịrị ḅụụ kụrọ-a apụ na obi apụ na gwọm.

Makị 1:14

Ịn Jọnị kun ikoli suu tẹso, Jizọsị Galili mu tẹ Tamụnọ ḅara ḅo Iḅi-Oku mẹ ḍukom.

Luku 11:53

Jizọsị anịanga koroma so tẹso, Oloko toluma apụ ma na Farịsiiapụ ma na nwẹnị saakị akụ tẹmẹ ḅụ ò ḍuko aị ma na tụḅụrụ, tẹ nwẹnị kịrị-kịrị aị kẹ ò ḅii,

Luku 23:23

Kụma tomi ma paa oloku-oloku kụrọmarị mịnẹ mịẹ ḅara, mịẹ ḅara in Jizọsị ḅe kẹ ẹngbẹsẹ-sịn ḅụ ḅakụụ, nwenii kunoma ḅụ ini oloku-oloku tẹ ḅii ḅara anị nwẹnị ọkọ ḅọrọ.

Luku 23:6

Payịleti miemẹ naa sakị ò gbelam, “Ḅị tomḅọ ḅe Galili ḅẹ ḅọ, aro?”

Jọnị 1:43

Anị ḅẹ ene-ḅaa ḅụ Jizọsị nwẹnị tọn mịnẹ ọ̀ Galili mu ḅa tẹ ọ̀ nwẹnị Filipu ẹrị, tẹ ọ̀ ḅẹẹ, “Ì ḍuka-ḅoo.”

Jọnị 19:15

Ịn nwẹnị oloku saḅama, “Ọ̀ ḅaa! Ọ̀ ḅaa! Ọ̀ kẹ ẹngbẹsẹ-sịn ḅụ ḅakụụ!” Payịleti nwẹnị in gbela, “Ó ḅiiarị àrị ọmịna amadaḅọ kẹ ẹngbẹsẹ-sịn ḅụ ḅakụ?” Agbamịẹapụ ma nwẹnị pakịrị, “Romu tomikiri mẹ daarị ḅọ ḅe kịngẹ mie amadaḅọ tẹ wa nyana ḅọ!”

Jọnị 2:11

Mie Jizọsị tarị mịẹ ḅụụ-buamaye mẹ, Galili ḅẹ Kena ḅụ mie ori anị mịẹ tẹ kẹ ori ebube ḍie-pakama ye, tẹ ò ḍukamẹnjịapụ ma nwẹnị ò minini.

Jọnị 7:41

Osi apụ mẹẹ, “Ori anie Mẹsaya ḅe!” Kụma kirikọn-apụ mẹẹ, “Mẹsaya ḅe ọ̀ Galili ḅụ paka-ḅo ḅịa!

Jọnị 7:52

Ịn nwẹnị pakịrị, “Iḅim, anie ị́yẹrị sọ Galili ḅụ ḅo wararị ya? Fịafịa Ḍiri mẹ ḍawọ ḍikii, í nimi ḅa mịnẹ ịkịankoroḅọ Galili ḅụ paka-ḅo ḅo-a.”

Fịrịmẹnjịapụ 10:37

Anị opu mịẹye mẹ tẹ bebe Izirẹlị sịẹ mẹ kana-koro ye mẹ, anie Jọnị minji sara Oku mẹ ḅọrọ tẹso, Galili ḅụ saakị ye mẹ, ó nimi tẹ.

Fịrịmẹnjịapụ 23:10

Nụnụa mẹ kụrọ mu la ḅara mịẹtẹ ọmụapụ sịḅịdaḅọ ḅe ḅalafaam, ịn Pọlụ kanị-kọsịma ḅarị ḅoto. Mie ḅụ ọ̀ nwẹnị ọmụapụ fịrịma in mu tomi ma ḅara Pọlụ pụkọ-pakamaḅo tẹ ọ̀ kẹ ọmụapụ sime anga mẹ muu.

Fịrịmẹnjịapụ 5:33

Sịẹ-Kobiri mẹ miemẹ naa sakị, anị ini ịganịma la ḅara ḅụ, ịn fịrịmẹnjịapụ ma ḅaa ḅẹ ḍọkịm.

Fịrịmẹnjịapụ 7:54

Sịẹ-Kobiri mẹ ḅẹ apụ ma Sitivini poki sakị, ori ẹkwẹn mẹ kpọma ini ịganịma lamam, tẹ ịn nwẹnị aka-fanga ọ̀ pịrị.

Fịrịmẹnjịapụ 7:57

Sịẹ-Kobiri mẹ ḅẹ apụ ma nwẹnị oloku pakama tẹ ḅara kẹ ịna aḅeri gbaịn. Anịtẹso, gbọrụ ḅụ ḅụ, inimgba anị-gbọrụ-kirikiri mangị mu ọ̀ lam,