Luku 23:43 - FỊAFỊA BAỊBỤLỤ

⁴³ Jizọsị nwẹnị ọ̀ ḅẹẹ, “À minini ị́ pịrịm, mịmgba na ị̀ na Paradayịsị ḅio sọ ḅa.”

Luku 23:43 Iomraidhean Croise

Devidi-Anume 32:5

Anịtẹso àrị ị̀ asi ma ḍuko finji ị́ pịrịm; à mịẹ-irima aị ma à kikima ye ofori: À tọn pẹlẹm àrị arị ḍuko-pakama ị́ pịrị ḅa, tẹ ị́ nwẹnị ị̀ asi mamgba wẹrịso ị̀ pịrị.

Devidi-Anume 50:15

Ḅụụ-fụka ḅo ọ́ la sakị ọmịnị ị̀ sịn; àrị ọ́ ḅọrọma tẹ ọmịnị ì tokini ḅa.”

Ayịzaya 53:11

Ọ̀ tọrụsiẹrị ḅọrọtẹ so sakị, ọ̀ pịkị siin jen kẹ ḍereku ḅa; tẹ ò ḅo nimi ḅa mịnẹ ọ̀ papaa tọrụsiẹrị-a. Ị̀ karakara fịrịmẹnjịḅọ, ḅụụ ḅụ à tọrụ-ḅẹlẹ nyanarị ḅọ ḅe, tọnwa-apụ fomu-ḅara da ịn pịrị ḅa, tẹ ọ̀ sịḅị ẹrẹsị à si-wẹrịso ịn pịrị ḅa.

Ayịzaya 65:24

Ini ị̀ tẹkẹarị sakị ịna ḅịḅị amụ tuu-a ogbo arị ịna atẹkẹ pakịrị ḅa.

Mayịka 7:18

Yei KỊNỊNYANAḄỌ, ị́ kịka jen tamụnọ ofori; ị́ atomi ma ḅụ fịị-a tẹ ḍumo apụ ma, í si-wẹrịso ịn pịrị famam. Ị́ ịganị ḅụ sime gbamaso-a; kụma í jike-a ḅẹlẹma kẹ wa ḍie mẹ, ị́ ḅụụ-ḅẹlẹ ye sọm.

Luku 19:10

Fa apụ ḍọkị tẹ ịn ḅọrọma mie Tomḅọ Tụḅọ ḅe gotẹ ḅo ye.”

Luku 23:42

Tẹ ọ̀ nwẹnị Jizọsị ḅẹẹ, “Jizọsị, sisi í ḅo ị́ ama ọkị daa ḅẹ sakị, ị̀ kẹ ḅiokoromaa!”

Jọnị 14:3

Tẹ à sọ-mu tẹ sime-yọ mẹ tẹlẹma ọ́ pịrị tẹ ḅẹḅẹ, à pịkịma-ḅo ọmịnị ọkị ị̀ ḅụụ pịrị ḅa, mịẹtẹ ọmịnị à sime anga sime ḅarị ḅara.

Jọnị 17:24

“Ḍa! Ị́ ịn kẹ ị̀ pịrị tẹ, à ḅiiarị mịnẹ ini à simearị anga sime, ini ì ebube mẹ ẹrị ḅarị ḅara, anie ḅarana kẹ ị̀ pịrị ebube mẹ, anie ị́ ị̀ ḅẹlẹmarị tẹrẹmẹ tomikiri mẹ tẹmẹm gotẹ.

2 Kọrịntị 5:8

Wa ḅiokpọ lama wararị, tẹ mie wa angarị meni-oju ḅẹ ḍumo mẹ ḅụ so mu KỊNỊNYANAḄỌ ḅe na anga wamịna ḅụụ-ḅẹlẹ tẹịn ḅa.

Filipayị 1:23

Anị ḅo kịnị ama-ḅara na ere-ḅara na kẹ ị̀ nụnụarị ye kịka tẹ. À ḅii lamarị à mị tomikiri ḅẹ ḍumo mẹ koroma so mu Kịrayịsị na sime, anie iḅi osi ye nẹngị lamam;

Hiburu 7:25

Tẹ anie ḅụ, ori inetẹ ọ̀ ḅụụ ḅọrọ Tamụnọ ḍọkụma-ḅoarị apụ ḅọrọmarị mịọkụ na, ḅẹẹ-sakị ḅẹẹ-sakị na ḅụ, ò ḍumo gbamasoarị tẹ sakị mamgba Tamụnọ tọrọkọ ịn ḍụarị ẹrẹsị.

Mịẹfinji 2:7

“Í ḅeri nyana tẹ kẹ ye naarị ḅẹḅẹ, Tẹmẹ ḅe ḍuko sọsị ma pịrịarị ye mẹ pokii. “Owu-ḅara-iḅi nyana apụ ma à kụrọ kẹ ịn pịrị tẹ ịn Tamụnọ Ḍụọ mẹ ogboku so-pakarị ḍumo sịn mẹ ḅẹ mgbọlụ mẹ fị ḅa.