Luku 23:41 - FỊAFỊA BAỊBỤLỤ

⁴¹ Wamịna nye kuram, wa mịẹ ḅo ye ḅẹ fomu-ḅara mie wa daarị ye, kụma ori ọ̀ gbọrụ siye sọ mịẹ-a.”

Luku 23:41 Iomraidhean Croise

2 Paka-aị 33:12

Ò ḅo ḅụụ-ḅalaḅala ḅụ sọ tẹso, ọ̀ nwẹnị KỊNỊNYANAḄỌ ọ̀ Tamụnọ ḅe ḍiki-ḅụụjịrị ḅii, tẹ gburo-gburoma ori aḍapụ ma Tamụnọ ḅe tọrọkọ ọ̀ ḅụụ iderima.

Ẹzịra 9:13

Mie-mẹmgba sọ, wamịna si amịẹaị na, mịẹ gbẹẹ-a gburo-gburotẹ aị gotẹ, mịẹ ḅo wamịna ọgọnọ gbana aị ma kẹ ḅo ye; ị́yẹrị wamịna Tamụnọ anị ẹrịarị tẹ wamịna mịẹ-irima ma gbẹẹ fomu-ḅara ḅụ ye siin tẹ kẹ wa fomum, tẹ nwẹn pembe apụ kọnma wa pịrịm;

Nehimaya 9:3

Ini ịna sime anga ḅụ sịẹsimem, tẹ KỊNỊNYANAḄỌ ịna Tamụnọ ḅe oloko mẹ ḅẹ ḍiri mẹ gom, ene mẹ kẹ inia akiri ḍiya ḅẹ gbọrụ pakịrị ḅụ, tẹ inia akiri ḍiya mẹ ḅẹ jen gbọrụ pakịrị kẹ si gom, tẹ sunsin KỊNỊNYANAḄỌ ịna Tamụnọ ḅe pịrịm

Danẹlị 9:4

À KỊNỊNYANAḄỌ ị̀ Tamụnọ ḅe tẹkẹ tẹ ị̀ atomi ma asi ma ḍuko-pakamam. À ḅẹẹm, “KỊNỊNYANA-TAMỤNỌ, Ị́ ḍụḅam, tẹ wa ị́ kụn-arị. Í ḅioḅẹngbọ kẹ ḅụụ ḅụ gbana na-iḅi ḅara sime ị́ ọḅọkụ mẹ pịrịarị tẹ kuno-kuno-a ḅẹlẹma kẹ ị́ ḅẹlẹma tẹ í oloko kokoarị apụ ma ḍiearị.”

Matiyo 27:19

Payịleti paa ḅẹrẹtọn anga mẹ ḅụ lẹgị wararị ogbo, oku ọ̀ ta ḅara ḅo ọ̀ la tẹ ḅẹẹm: “Ị́ ḅara kẹ anị mịẹye-ofori tomḅọ ḅe gboloma ye ḅụ suu ma, kẹ gotẹ ọkọ ḅẹẹarị, ḅịẹịn ḍiin, ḍawọ jụ ḅụ, ò gotẹ àrị ẹrị tọrụsiẹrị ḅakam.”

Matiyo 27:24

Payịleti nwẹnị ḅo ẹrị, mịnẹ ọ̀ mịẹ ḅẹ ye ḅarị ofori, tẹ tomi ma pịkị ama fiema ḅẹ-yearị ḅẹ sakị, ọ̀ nwẹnị tomi ogbo mẹ tọrọkọ minji ọkị tẹ kẹ amịna aḅara sịkịrị tẹ ḅẹẹ, “Ḅị tomḅọ ḅe fịị ḅụ ị̀ ḅara ofori! Ọmịnị mie anị dogi-ḅo ye!”

Matiyo 27:4

Ori mẹẹ, “À si mịẹ tẹ, à si mịẹ-a tomḅọ kẹ dẹrịma tẹ ini ọ̀ ḅaa ḅẹ-yearị!” Ịn nwẹnị pakịrị, “Anie tọ-ḅara kẹ wa gboloma? Anie ị́ ḅẹrẹ!”

Matiyo 27:54

Ọmụ-alaḅọ ḅe na ori na sime ọmụapụ ma na, tẹ Jizọsị koru sime apụ ma, kiri jike ye mẹ na, paka jen ye goyegoye ẹrị tẹso, ịn ḅalafa lama tẹ ḅẹẹm, “Karakara-ḅara-ḅụ ḅieḅe anie Tamụnọ Tụḅọ!”

Luku 23:40

Anịtẹso osi-ḅọ ḅe nwẹnị ò ḍiki ịganị, “Ị́ Tamụnọ ḍiki ḅalafa-a aro? Í kọkọ ori na gbọrụ fomu-ḅara daarị.

Luku 23:42

Tẹ ọ̀ nwẹnị Jizọsị ḅẹẹ, “Jizọsị, sisi í ḅo ị́ ama ọkị daa ḅẹ sakị, ị̀ kẹ ḅiokoromaa!”

1 Tẹsalonịka 2:10

Ọmịnị ḅarana nimi tẹ ḍuko ḅa, anie Tamụnọ sọ nimi ḅara, mịnẹ wa kẹ ọmịnị Kịrayịsị minini apụ ma na anga ḅara mẹ kpaịn tẹ, kura, tẹ ḅụụ ḅụ ḍuko ḅẹ ye ofori ḅara.

Jemụsị 4:7

Anie ḅụ, ọ́ sịḅị-tuu Tamụnọ pịrịị. Ọ́ ḍụkụ Ekwesu ḅe pịrị ma, ori ọmịna ḅụ mangị-so ḅa.

1 Pita 1:19

aniemẹ anie yela agba tẹ Kịrayịsị mịẹ ye mẹ, anie ḅẹkụ ḅụụ ḅụ ofori anana tụḅọ kẹ mịẹ agba ọkụ.

1 Pita 2:23

Ini ọ̀ gọlị sakị, ọ̀ gọlị kẹ pakịrị-a; ọ̀ tọrụsiẹrị sakị ọ̀ kịnị ẹrẹma-a, kụma ori ò ḅiokpọ kẹ Tamụnọ ḅụụ gbanam, anie Karakara mịẹ Ḅẹrẹkọnḅọ ḅe.