Luku 23:40 - FỊAFỊA BAỊBỤLỤ

⁴⁰ Anịtẹso osi-ḅọ ḅe nwẹnị ò ḍiki ịganị, “Ị́ Tamụnọ ḍiki ḅalafa-a aro? Í kọkọ ori na gbọrụ fomu-ḅara daarị.

Luku 23:40 Iomraidhean Croise

2 Paka-aị 28:22

Mị gbọrụ Amadaḅọ Ahazi ḅe, ọ̀ ḅụụ-fụka sakị ḅụ sọ ọ̀ paa KỊNỊNYANAḄỌ ḅe ḅụụ minini nyana-a tarị ḅara nẹngịm.

Devidi-Anume 36:1

Si-sịḅịḅio-sụa tomḅọ ḅe ḅioḅẹngbọ suku-ḅio ḅụ si ẹkwẹn ọ̀ pịrịarị: ọ̀ Tamụnọ sịkị tẹ gbọrụ kụn sọ kẹ ọ̀ pịrị-a.

Jerimaya 5:3

Tụkụmaye, KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi ḅara sime ḍumo ẹrị ḅẹ-ḅiiarị. Ọ̀ kụrọma ye kẹ ó fomum, kụma ọ́ bala-a; Ori ọ́ gbẹẹ-kọsịmam, kụma ọ́ ḍụkụ tẹ ye ḍawọ-a. Ọ́ kọngọ-kụrọma tẹ ọmịna asi ḅụ pịkị ḍụkụ-a.

Lẹvitikọsị 19:17

“Ó ḅioḅẹngbọ, ḅioḅẹngbọ kẹ ọmịna mịnaḅọ ḍiki-ḅioḅu ma, kụma ọmịnị, ọmịnị na kpeki tẹ angarị ḅọ na ḅịḅị-ọkịyaa, anieofori ó ḅofa mḅọ gotẹ si mịẹ.

Matiyo 20:9

Sọnọ aso ḅụ saakị kọrịnama kọrị apụ ma, gbọrụḅọ seleḅa igbigi mie ịn kẹ ịn gbẹẹ-ye.

Matiyo 8:26

Jizọsị nwẹnị pakịrị, “Ó tiegotẹ mị ḅara mẹmgba kẹ tẹmẹ-naịn-naịnarị? Ọ́ nyana minini boowa la ḅara ḍiki!” Anịtẹso ọ̀ nwẹnị saakị tẹ tọn fẹrụ mẹ na, ọnụngọ mẹ na pịrị tẹ arị daasịẹ, tẹ tọrụ mẹ nwẹnị yaụ-sime lama.

Luku 12:5

À kẹ ó ḍie ḅa ó ḍiki-ḅalafaa ḅẹ ḅọ; ọ́ Tamụnọ ḍiki-ḅalafaa, anie ḅaa tẹ pịkị kụrọ nyana tẹ kẹ ẹlị ḅio gbin suu ḅẹ ḅọ ḅe. Ọmịnị ì mininii, ori anie ó mangịma ḅarị ḅọ!

Luku 23:39

Anịanga sololo wararị si-mịẹapụ ma ḅẹ gbọrụḅọ ọ̀ mịẹ-sima simatẹ ḅẹẹm, “Ị́yẹrị kọkọ Mẹsaya ḅe? Ị́ ḅụụ ḅọrọma tẹ wa kẹ sụa ḅọrọma!”

Luku 23:41

Wamịna nye kuram, wa mịẹ ḅo ye ḅẹ fomu-ḅara mie wa daarị ye, kụma ori ọ̀ gbọrụ siye sọ mịẹ-a.”

Ẹfisọsị 5:11

Gbọrụ ḅọkọ ḅụ sọ tomi mịẹarị papaa amịẹaị ḅụ ọ́ ḅara kẹ suu ma, anie sime kanakana pịrị amịẹaị ma. Anie nakara ọmịnị arị kẹ ḅo bele lamaa.

Mịẹfinji 15:4

KỊNỊNYANAḄỌ, tụḅọ í mangịma ḅịa? Tụḅọ í opu mẹ ḍuko-pakama ḍụkụ ḅịa? Ị́yẹrị ngẹrị anie fịafịa ḅọ. Tomikiri ḅẹ asịẹ mamgba ḅo tẹ sunsin ị́ pịrị ḅa, kịnị mamgba í iḅi amịẹaị ma ẹrị tẹ ẹrẹsị.”

Mịẹfinji 16:11

tẹ in So-ḅio ḅẹ Tamụnọ ḅe worim, ịna fụka aị ma na ịnọ ma na gotẹ. Kụma ịna asi etela ma ḅụ ịn pịkị-a.