Luku 23:34 - FỊAFỊA BAỊBỤLỤ

³⁴ Jizọsị nwẹnị ḅẹẹ, “Ḍa, ịna si-wẹrịso ịn pịrị! Ịn mịẹarị ye in nimi-a.” Ịn nwẹnị okoḅa sara tẹ ori akapa ḍiya ọkị.

Luku 23:34 Iomraidhean Croise

Suku-saakị 50:17

‘Ó Josẹfụ ḅẹẹ, àrị ị́ tẹkẹm ị́ owiapụ-amịnapụ mịẹ-irima mẹ na, ịna si mẹ na wẹrịsoo, gbala ịn siye kẹ ị́ mịẹm ẹrẹsị.’ Anịsakị mịọkụ wa ị́ tẹkẹm, ị́ aḍapụ ma Tamụnọ ḅe afịrịmẹnjịapụ ma mịẹ-irima mẹ wẹrịsoo.” Ịn ḍuko ọ̀ pịrị tẹso, Josẹfụ nwẹnị tẹmẹ-la ḅara kẹ owu.

Devidi-Anume 22:18

Ini ị̀ akapa gotẹ okoḅa sararị: tẹ arị ḍie ọkịarị ịna ogboku.

Ayịzaya 53:12

Tẹ anie ḅụ à kụn nyana kẹ ọ̀ pịrị ḅa, kụrọ nyanatẹ opu atomi ogboku ḅụ. Ò minini tẹ ò ḍumo saakị pịrịm, tẹ si-mịẹapụ ḅụ paka-paka ye ọ̀ ḅụ pakam. Ọ̀ nwẹnị tọnwa si-mịẹapụ kiri ọkị tẹ tẹkẹ mịnẹ Tamụnọ ịna si-wẹrịso ịn pịrị.

Matiyo 11:25

Anị sakị mẹ ḅụ Jizọsị ḅẹẹm, “Ḍa, So na Kiri na Nyanaḅọ! Arị ịmịẹtẹ kẹ ị́ ḅẹẹm, ị́ mịna aị ma kẹ ye ḍawọ ḍịn-a apụ ma rẹ ḍie tẹ arị kẹ ye-nimi wararị tẹ ye ḍawọ ḍịn tẹ apụ ma ḅọịma ye mẹ ẹrẹsị.

Matiyo 11:26

Ọkọọ, Ḍa, mị-ḅara mie ị́ ḅii ḅara, mịnẹ anị ọkọ pakaa!

Matiyo 5:44

Kụma mịọkụ yẹrị ọ́ ḅẹẹarị: ó si kẹ ọ́ tọn apụ ḅẹlẹmaa, tẹ tẹkẹ ḅaa-ḅọkọ kẹ ọ́ ḍọkịarị apụ pịrịị,

Makị 15:24

Anịtẹso ịn nwẹnị ọ̀ kẹ ẹngbẹsẹ-sịn ḅụ ḅakụ, tẹ ori akapa ḍiema ọkị ịna ogboku, ịn tarị ọrụḅọ-ọrụḅọ ọkị ḅẹ ye nimi ḅẹ gotẹ apịan sụam.

Luku 22:42

Ori mẹẹ, “Ḍa, ị́ ḅụụ-ḅẹlẹm ḅẹḅẹ ị̀ ḅụụ mị ḅụụ-fụka mẹ saakị siin. Anị sime-ḅara sime-ḅara sọ, à ḅẹrẹtọn ị́ pịrị-a, ị́ ḅụụ-ḅẹlẹ ḅara mịẹẹ.”

Jọnị 17:9

“Ini mie à tẹkẹ pịrịarị ye. À tẹkẹ tomikiri mẹ pịrị-a, kụma ị́ kẹ ị̀ pịrị tẹ apụ ma, gbala ini ma in sime ị́ pịrịm.

Jọnị 19:11

Jizọsị nwẹnị pakịrị, “Tamụnọ kẹ í pịrị kụrọ mie ị́ kọn-arị ị̀ ḅụụ ḅụ. Mie ḅụ ị̀ kẹ ḅo ị́ ḅara-ḅio suu ḅọ ḅe si ḍụḅa tẹịnm.”

Fịrịmẹnjịapụ 16:28

Pọlụ nwẹnị kụrọma oloku, “Ye kẹ ị́ ḅụụ lama ma! Wa kara wararị mịanga!”

Fịrịmẹnjịapụ 3:17

“Tẹ mịọkụ, ị̀ amịnapụ, à nimim, mịnẹ ọmịnị na ọmịna sịḅịdapụ ma na kẹ Jizọsị mịẹ ye mẹ, nimi-a ḅụ ọ́ mịẹm.

Fịrịmẹnjịapụ 7:60

Ọ̀ nwẹnị kparakị tẹ kụrọma oloku, “KỊNỊNYANAḄỌ! Mị si mẹ kẹ ịn gbẹẹ ma.” Ò miemẹ ḅẹẹ tẹ nwẹnị fịị. Tẹ ini ọ̀ ḅaa ye mẹ ḅụ Sọlụ ḅịḅị sọ sọm.

Romu 12:14

Ọ́ Tamụnọ tẹkẹ ḅaa-ḅọkọ kẹ ọ́ ḍọkịarị apụ pịrịị, mịnẹ ori in bomaa. Inn, boma ngẹrị, wori-a.

1 Kọrịntị 2:8

Tomikiri ḅụ ḅẹrẹtọn-arị apụ ma ḅẹ gbọrụḅọ-sọ mị nimi mẹ nimi-a. Ini anị nimi namịna ini ebube KỊNỊNYANAḄỌ ḅe kẹ ẹngbẹsẹ-sịn ọgọnọ ḅakụ-a so tẹ.

1 Kọrịntị 4:12

wa kụrọ kọrịnama kẹ ḅuu ponoma ḅaarị. Ịn wa woriarị sakị, wa ịn bomarị; ịn ḅaa-ḅọkọ kẹ wa ḍọkịarị sakị, wa inemarị;

1 Timoti 1:13

karakaraye, ḅọrọtẹ sakị ḅụ, àrị ọ̀ ḅụụ siye ḍuko, ḅaa-ḅọkọ kẹ ọ̀ ḍọkị, tẹ ọ̀ mịẹ simam ḅẹsọ. Kụma Tamụnọ ì ḍiki sịḅị-kụrụkụrụm, à minini nyana-a tẹ nimi-a ḅụ anị mịẹm ẹrẹsị.

1 Pita 3:9

Ó si kẹ si gbẹẹ ma; ọ́ pịkị ó wori apụ wori ọkị ma; anie nakara, boma rẹ kẹ anị gbẹẹ, gbala boma mie Tamụnọ ọ́ sịn sakị ọ̀ kẹ ọ́ pịrị ḅẹ tẹ minini ye ẹrẹsị.