Luku 23:26 - FỊAFỊA BAỊBỤLỤ

²⁶ Ọmụapụ ma nwẹnị Jizọsị ọkị so, tẹ in muarị ogbo ịn nwẹnị ḅo Sayịmọnị nwẹn-sịn Sayịrini ḅẹ ḅọ na bịama, ó piri ọgọnọ-jụ sime tẹ pịkịma opu ama mẹ ḅio sọ-muarị. Ịn nwẹnị ò kun tẹ ẹngbẹsẹ-sịn mẹ kẹ ori apana gbana tẹ ori anị dogi tẹ Jizọsị ọḅụjụ mẹnjị.

Luku 23:26 Iomraidhean Croise

Matiyo 5:41

Tẹ ama ọkị tẹ ama koruarị ọmụapụ ḅẹ gbọrụḅọ nwẹnị ponoma ḅara kẹ ị́ ḅẹẹ mịnẹ ò nye dogi tẹ ori na gbọrụ tombi mẹnjị ḅẹḅẹ, ori na maa tombi mẹnjịị.

Luku 14:27

Ḅẹḅọ-ḅẹḅọ tẹ amịna ẹngbẹsẹ-sịn dogi tẹ ị̀ ọḅụ mẹnjị-a ḅọ inetẹ ì ḍukamẹnjịḅọ sọ ḅịa.

Luku 23:25

Ọ̀ nwẹnị anị ama-fiema na kịnị ḅaa na gotẹ ịn kẹ ikoli suu ḅọ ḅe pakama ịn pịrị, in ḅii ḅara ḅụ, tẹ Jizọsị saḅama ịn pịrị mịnẹ in mu ịna ḅiotọn ḅara kẹ ọ̀ mịẹ.

Luku 9:23

Tẹ ọ̀ nwẹnị inimgba ḅẹẹ, “Gbọrụḅọ nwẹnị ì ḍukamẹnjị ḅẹ-ḅiiarị ḅẹḅẹ, mịẹ ḅara, mịẹ ḅara sọ, mḅọ amịna ḅụụ kẹ ḅioḅọrọma tẹ ene ḅaa ene, ḅaa ene mḅọ amịna ẹngbẹsẹ-sịn saakị dogi, tẹ ì ḍuka ḅoo.

Fịrịmẹnjịapụ 13:1

Anịtọkụ ḅẹ sọsị mẹ ḅio ịkịankoroapụ na ye-tolumapụ na simem: Banabasị na Simiyọnị (ịn kẹ Kurukuruḅọ sịn ḅọ ḅe) na, Lusiyọsị (Sayịrini ḅẹ ḅọ ḅe) na, Maneni (anie Ẹrọdị, Galili da ḅọ ḅe na gbọrụ sakị in ḍikiḍiki pakama-ḅo ḅọ ḅe) na Sọlụ na.

Fịrịmẹnjịapụ 2:10

Firijiya na, Pamụfiliya na, Ijiputi na, Libiya na Sayịrini na ḅụ ḅo apụụ. Wamịna ḅụụ ḅe ja apụ Romu ḅụ ḅom,

Fịrịmẹnjịapụ 6:6

Kobiri ogbo mẹ ịn kẹ fịrịmẹnjịapụ ma pịrị tẹ ịn tẹkẹ tẹ ḅara kẹ ịna ọgọnọ gbanam.

Fịrịmẹnjịapụ 6:9

Kụma ịn kẹ Ḅarana sịḅị nyana tẹ apụ, sịn ama-warị ḅụ ḅo ja apụ ori na tụḅụrụm. Anị ogbo mẹ ḅụ Sayịrini na Alẹkịzanịdịrịya na ḅụ ḅo Juu-ḅẹ-apụ sọ simem. Ini na Silisiya na Esiya na ibe ma ḅụ ḅo Juu-ḅẹ-apụ na, nwẹnị saakị Sitivini na ye-nụnụa.