Luku 23:25 - FỊAFỊA BAỊBỤLỤ

²⁵ Ọ̀ nwẹnị anị ama-fiema na kịnị ḅaa na gotẹ ịn kẹ ikoli suu ḅọ ḅe pakama ịn pịrị, in ḅii ḅara ḅụ, tẹ Jizọsị saḅama ịn pịrị mịnẹ in mu ịna ḅiotọn ḅara kẹ ọ̀ mịẹ.

Luku 23:25 Iomraidhean Croise

Ẹsịta 3:11

Tẹ amadaḅọ ḅe nwẹnị Emanị ḅẹẹ, “Igbigi mẹ, na tomi ma na sọ ịn kẹ ị́ pịrị tẹ, ị́ ḍikitẹ kẹ ini na mịẹ na-iḅi ḅara kẹ ini na mịẹ.”

Matiyo 27:26

Anịtẹso Payịleti nwẹnị Barabasị ḅụ ḅara-siin ịn pịrị, tẹ Jizọsị fomu kọsịma tẹrẹmẹ ọ̀ daḅọrọma ịn pịrị, mịnẹ ini ọ̀ kẹ mu ẹngbẹsẹ-sịn ḅụ ḅakụụ.

Makị 15:15

Payịleti tomina-ogbo mẹ ḅụụ-ḅẹlẹ ḅẹ ye mịẹ ḍọkịm gotẹ, ọ̀ Barabasị ḅụ ḅara-siin ịn pịrịm. Anịtẹso ò Jizọsị fomu tẹ ọ̀ saḅama ịn pịrịm ini ọ̀ kẹ ẹngbẹsẹ-sịn ḅụ ḅakụụ.

Luku 23:2

tẹ saakị ḅẹrẹ ḍuko, ḍuko ọ̀ sịḅị gbana anịanga ḅụ; ini mẹẹ, “Wa ḅị tomḅọ ḅe kunm ori ẹkwẹn tẹ kẹ wamịna atomi sịḅị ḅio pikirimarị ogbo, mịnẹ ịn ḅarị ama igbigi oso Romu tomikiri mẹ daarị ḅọ ḅe pịrị ma, tẹ pịkị ḅẹẹarị mịnẹ ori anie Mẹsaya ḅe ḅioju, anie fiearị ye, amadaḅọ.”

Luku 23:24

Mie ḅụ Payịleti nwẹnị in ḅii ḅẹrẹ ḅịḅị mẹ pẹlẹ Jizọsị ọgọnọ gbana.

Luku 23:26

Ọmụapụ ma nwẹnị Jizọsị ọkị so, tẹ in muarị ogbo ịn nwẹnị ḅo Sayịmọnị nwẹn-sịn Sayịrini ḅẹ ḅọ na bịama, ó piri ọgọnọ-jụ sime tẹ pịkịma opu ama mẹ ḅio sọ-muarị. Ịn nwẹnị ò kun tẹ ẹngbẹsẹ-sịn mẹ kẹ ori apana gbana tẹ ori anị dogi tẹ Jizọsị ọḅụjụ mẹnjị.

Luku 23:5

Kụma ini nwẹnị paa ịgbanị kụrọma tọrọkọ-tọrọkọ muarị, “Ḅị tomḅọ ḅe tolumaye mẹ bebe Judiya mẹmgba ḅụ ama-fiema saakị tẹ tomi ma ogboku. Galili ḅụ mie ọ̀ saakị ye, mịọkụ ò ḅo mịanga la tẹ.”

Jọnị 18:40

Ịn nwẹnị oloku kẹ ọ̀ pakịrị, “Gbala-gbala ḅieḅe-a! Barabasị mie wa ḅiiarị ḅọ!” Ḅị Barabasị ḅe anie oloko bala-a ḍumo kọn-arị opu furuḅọ.

Jọnị 19:16

Anịtẹso Payịleti nwẹnị Jizọsị saḅama ịn pịrị, ini ọ̀ kẹ mu ẹngbẹsẹ-sịn ḅụ ḅakụụ. Mie ḅụ ịn nwẹnị Jizọsị ọkị.

Fịrịmẹnjịapụ 3:14

Ori ḅe fịafịa na iḅi na ḅọọ, kụma ọmịnị ọ̀ sịkịtẹ Payịleti ḅara kịnị-ḅaḅọ rẹ ḅiim, mịnẹ ori ọ̀ ḅụụ ḅara-siin ọ́ pịrị tẹ ò mu ọ̀ mịẹarị aị ma mịẹ ma-mu.

1 Samụẹlị 12:13

Anịsakị mịọkụ ọmịnị amadaḅọ ḅe, oriḅe tẹ ọ́ sẹlẹ-ọkị tẹ ḅọ ḅe ḍikii, oriḅe tẹ ó ḅii ḅọ ḅe, ḍikii, KỊNỊNYANAḄỌ ḅe gbọrụ amadaḅọ kẹ ọ́ pịrị tẹẹ.