Luku 23:2 - FỊAFỊA BAỊBỤLỤ

² tẹ saakị ḅẹrẹ ḍuko, ḍuko ọ̀ sịḅị gbana anịanga ḅụ; ini mẹẹ, “Wa ḅị tomḅọ ḅe kunm ori ẹkwẹn tẹ kẹ wamịna atomi sịḅị ḅio pikirimarị ogbo, mịnẹ ịn ḅarị ama igbigi oso Romu tomikiri mẹ daarị ḅọ ḅe pịrị ma, tẹ pịkị ḅẹẹarị mịnẹ ori anie Mẹsaya ḅe ḅioju, anie fiearị ye, amadaḅọ.”

Luku 23:2 Iomraidhean Croise

1 Amadapụ 18:17

Ehabụ Ịlayịja ẹrị tẹso, ọ̀ nwẹnị ọ̀ ḅẹẹ, “Mie ị́yẹrị yaa, Izirẹlị ḅụụ-fụkamaḅọ!”

Devidi-Anume 35:11

Si atomi ḅẹrẹ ḍuko ị̀ sịḅị sịn-arị: à ḅụụ ḅụ gberie-sọ nimi-a ye mie in ḍuko ị̀ ọgọnọ gbanarị.

Devidi-Anume 62:4

Ò simearị kụn nyana kiri mẹ ḅụ ọ̀ nụnụ iderima-ḅo kịngẹ mie ó ḅiiarị; iruo aị mie ọmịna tọrụ ḅẹlẹmarị. Boma ẹkwẹn mie ọ̀ kọn-arị, kụma ḅioḅẹngbọ ḅụ ọmịnị ò gboarị.

Jerimaya 20:10

À naarị ḅẹḅọ-ḅẹḅọ ḅeri-ḅio ḅeri-ḅio ḅarị, “Anga mamgba tẹmẹ-naịn-naịnmaye! Ó yee wa ọ̀ mịẹarị ye mẹ ḍuko sịḅịdapụ ma pịrị!” Ọkị mu ị̀ na kpeki tẹịn ikiapụ la sọ à ḅịkị-koro ḅẹ ḅara ḍikiarị. Ini mẹẹ: “Ẹbịsịya kịnị inetẹ ò tuu koroma ḅa”, “anịtẹso wa nwẹnị ò kun tẹ wamịna gbẹẹfị ḅii ḅa.”

Jerimaya 38:4

Anịtẹso fịrịmẹnjị-opuapụ ma nwẹnị amadaḅọ ḅe dama-mu tẹ ọ̀ ḅẹẹm, “Ḅị tomḅọ ḅe ọ̀ fịị nyanam. Ọ̀ mị-ḅara ẹkwẹn-arị ye, mịẹ-mịẹ tẹ opu ama mẹ ḅio simearị ọmụapụ ḅarị ḅiokpọ nyana-a, tẹ ọ̀ pịkị mị gberie mẹ kẹ opu ama mẹ ḅio kirikọnḅọ goḅọ-goḅọ mịẹarị. Ọ̀ ḅarasụa tomi ma pịrị-a; ye kẹ ịn lama kịngẹ mie ọ̀ ḅiiarị.”

Emọsị 7:10

Anịtẹso Amazaya, Bẹtẹlị ḅẹ agbamịẹḅọ ḅe nwẹnị fịrịma mu ḍuko Izirẹlị ḅẹ Amadaḅọ Jerobohamụ pịrị: “Tomi ma ogboku ḅụ Emọsị si ḅẹrẹ ḅịya ị́ pịrịarị. Ori ẹkwẹn ma bebe amakiri mẹ fama ḅa.

Zẹkaraya 11:8

À ḅarị inetẹ tẹra Anana-ḍikiḍikiapụ tẹ ì ḍiki-ḅioḅuarị apụ inema-a tẹ gbọrụ akalụ kịngẹ ḅụ fịrị ḅụ in siinm.

Matiyo 17:27

Kụma wa wamịna atomi ma ịganịma ḅẹ ḅịa. Mie ḅụ, tọrụ mu tẹ arị koromaa. Tarị arị mẹ fị tẹ ị́ nụnụ pakama-ḅo ḅarị inji ḅe ḅịḅị-ḅio í igbigi ẹrị ḅa, ì nye na ọmịna nye na oso la ḅarịye. Ọkị mu wa oso ḅẹ igbigi mẹ gbẹẹ.”

Matiyo 22:21

Ịn nwẹnị pakịrị, “Romu Tomikiri mẹ daarị ḅọ ḅe tọrụkuḅu na, ẹrẹ na.” Mie ḅụ Jizọsị ịn ḅẹẹm, “Ọkọ ḅẹḅẹ iḅim, ó sime Romu Tomikiri mẹ daarị ḅọ ḅe pịrị ye kẹ Romu Tomikiri mẹ daarịḅọ ḅe pịrịị, pịkị sime Tamụnọ pịrị ye mẹ kẹ Tamụnọ pịrị.”

Matiyo 27:11

Jizọsị nwẹnị Romu ḅẹ apụ ma Ḅẹrẹtọnḅọ ḅe tọrọkọ sịẹ sime, tẹ ọ̀ nwẹnị ye kẹ ò gbela. Ò gbelam, “Juu-ḅẹ-apụ amadaḅọ ḅe?” Jizọsị nwẹnị pakịrị, “Anie yẹrị ḍuko ḅara.”

Makị 12:17

Anie ḅụ Jizọsị ḅẹẹm, “Iḅim, ọkọ ḅẹḅẹ, sime Romu Tomikiri mẹ daarịḅọ ḅe pịrị ye kẹ Romu Tomikiri mẹ daarịḅọ ḅe gbẹẹ, tẹ sime Tamụnọ pịrị ye kẹ Tamụnọ gbẹẹ.” Tẹ ịn nwẹnị Jizọsị gotẹ ḅụụ-gbiripu.

Makị 15:2

Payịleti ò gbelam, “Juu-ḅẹ-apụ amadaḅọ ḅe ị́yẹrị?” Jizọsị nwẹnị pakịrị, “Anie ị́yẹrị ḅẹẹarị ḅara.”

Luku 23:14

tẹ ịn ḅẹẹ, “Ọ́ ḅị tomḅọ ḅe kẹ ḅo sakị ọmịnị mẹẹ ò tomi ma toluma irimarị. Ọmịna tọrọkọ àrị ò pekele-ḍiki la ḅara ḅụ, àrị ọ̀ ḅụụ ọ́ kẹ ọ̀ sịḅị sẹịn aị ma ḅe gberie-sọ ẹrị-a.

Luku 23:5

Kụma ini nwẹnị paa ịgbanị kụrọma tọrọkọ-tọrọkọ muarị, “Ḅị tomḅọ ḅe tolumaye mẹ bebe Judiya mẹmgba ḅụ ama-fiema saakị tẹ tomi ma ogboku. Galili ḅụ mie ọ̀ saakị ye, mịọkụ ò ḅo mịanga la tẹ.”

Jọnị 18:29

Mie ḅụ Payịleti nwẹnị paka ịn dama-mu tẹ gbela, “Ó tiye kẹ ḅị tomḅọ ḅe sịḅị sẹịn-arị?”

Jọnị 18:30

Ini kẹ ọ̀ pakịrị ye anie, “Ọ̀ mịẹ si ofori kụma wa ọ̀ kẹ ḅo ị́ pịrị ḅịa.”

Jọnị 19:12

Payịleti miemẹ naa sakị ọ̀ ḅụụkụrọma tẹ Jizọsị ḅụụ ḅara-siin tẹ ò so ḅẹ ḅọkọ ḍọkịm. Kụma tomina-ogbo mẹ oloku saḅama ọ̀ pịrịm, “Ị́ ọ̀ ḅụụ ḅara-siin tẹ ò so-soo, ị́yẹrị ḅarị Romu tomikiri mẹ daarị ḅọ ḅe ikiaḅọ-a. Amịna ḅụụ kẹ amadaḅọ sịn ḅọ, sịn ḅọ anie kọngọ kụrọma Romu tomikiri mẹ daarị ḅọ ḅe pịrịarị ḅọ!”

Fịrịmẹnjịapụ 24:13

Mịọkụ ịn kẹ ị̀ ọgọnọ gbanarị aị ma ḅụ ini inetẹ ḍuko pakama-ḅo ḅẹ gberie-sọ ofori.

Fịrịmẹnjịapụ 24:5

Ḅị tomḅọ ḅe, wa ḍọkị-ẹrịm, ori sụntẹ ḅụụ-fụkama ḍin lama tẹ lala-si tomḅọ; bebe tomikiri mẹ ḅụ ọ̀ la anga, la anga ò Juu-ḅẹ-apụ ma gbiri-gbirimarị, ori pịkị Nazarẹtị ḅẹ apụ ogbo mẹ sịḅịdapụ ma ḅẹ gbọrụḅọ.

Romu 13:7

Anie ḅụ ọmịnị ịna ḅara ọlọ ye emi-emii, ọ́ kẹ ịn gbẹẹ, tomḅọ sịḅị, sịḅị osoarị igbigi-o, tomḅọ nyana-ye ḅụ mḅọ kẹ ama gbẹẹ ḅẹ ye-o, ọ́ gbẹẹ, tẹ pịkị mangịma na kụn na sọ kẹ inimgba pịrịị.