Luku 23:16 - FỊAFỊA BAỊBỤLỤ

¹⁶ Ọkọẹrẹsị àrị ò fomu tẹ ọ̀ ḅụụ ḅara-siin ḅa.”

Luku 23:16 Iomraidhean Croise

Ayịzaya 53:5

Kụma wamịna asi ma mie ye gotẹ ọ̀ la yee, wamịna mịẹ si mịẹ ye ẹrẹsị ini ò fomu kọsịmam. Ọ̀ da fomu-ḅara mẹ ḅụ wa ḅọrọtẹ gwọọm, ịn kẹ ḅei-ḅeima ò fomu tẹ ọ̀ daa-ọkị aị ma mịẹ tẹ wamịna ḅụụ iḅim.

Matiyo 27:26

Anịtẹso Payịleti nwẹnị Barabasị ḅụ ḅara-siin ịn pịrị, tẹ Jizọsị fomu kọsịma tẹrẹmẹ ọ̀ daḅọrọma ịn pịrị, mịnẹ ini ọ̀ kẹ mu ẹngbẹsẹ-sịn ḅụ ḅakụụ.

Makị 15:15

Payịleti tomina-ogbo mẹ ḅụụ-ḅẹlẹ ḅẹ ye mịẹ ḍọkịm gotẹ, ọ̀ Barabasị ḅụ ḅara-siin ịn pịrịm. Anịtẹso ò Jizọsị fomu tẹ ọ̀ saḅama ịn pịrịm ini ọ̀ kẹ ẹngbẹsẹ-sịn ḅụ ḅakụụ.

Luku 23:17

Saḅaḅọrọ-Alalị goyegoye ḅụ Payịleti gbọrụ ikoliḅọ ḅụụ ḅara-siin ịn pịrị pịrịm.

Luku 23:22

Payịleti nwẹnị tẹrẹị karama sakị kẹ ịn ḅẹẹ, “Ọ̀ ḅọrọ tọ si mịẹ? Yẹrị kụma àrị inetẹ ọ̀ mịẹ tẹ fịị gbẹẹ si ḍọkị ḅo ḅịa. Yee àrị ò fomu tẹ ọ̀ wẹrịso.”

Luku 6:37

“Ọ́ jen-apụ ḅụụ si ḍọkị ma, Tamụnọ sọ ọmịna ḅụụ si ḍọkị ḅịa. Ó jen tomḅọ si fama tẹ ḅẹẹ ma, Tamụnọ sọ ó si fama tẹ kẹ ọ́ ḅẹẹ ḅịa; ó si-wẹrịso ja apụ pịrịị, Tamụnọ sọ ọmịna si-wẹrịso ḅa.

Fịrịmẹnjịapụ 16:37

Kụma Pọlụ oloko kun sịḅịdapụ ma ḅẹẹm, “Wa mịẹ tẹ ịn ḍọkị-ḅo gbọrụ siye sọ ofori, tẹ wamịnị Romu furo awọmẹ-o anịsọ ịn wa kẹ ama-ogbo ḅụ fomum! Anịtẹso ịn wa kẹ ikoli-warị ḅio gbin suum. Mịọkụ ịn ḅọị ḅara kẹ wa pakama ḅẹ ḍọkịarị. Gbala-gbala, ọkọsime ye mịẹ ḅịa! Romu ḅẹ fịrịmẹnjị-opuapụ ma ḅarana mịanga ḅo tẹ wa pakamaa.”