Luku 22:8 - FỊAFỊA BAỊBỤLỤ

⁸ Jizọsị Pita na Jọnị na fịrịma tẹ ịn ḅẹẹm, “Ó mu tẹ Saḅaḅọrọ-Alalị fịye mẹ tẹlẹma tẹ wa ḅo fị.”

Luku 22:8 Iomraidhean Croise

Matiyo 3:15

Kụma Jizọsị ọ̀ pakịrịm, “Yee anị mị-ḅara sime mịọkụ ḅụ. Gbala mị ḅọkọ ḅụ mie wa ḅọrọ tẹ Tamụnọ ḅiiarị wa mịẹ ḅẹẹ aị mamgba mịẹ fama ḅarịye.” Mie ḅụ Jọnị nwẹnị kẹ ọ̀ sara.

Luku 1:6

Ini maa apụ mamgba Tamụnọ tọrọkọ iḅi ḍumo kọnm, anie ịn pịkị KỊNỊNYANAḄỌ ḅe oloko mamgba koko kpaịnma ḅara.

Luku 22:9

Ịn nwẹnị ò gbela, “Í ḅiiarị wa mu tọ-anga anị tẹlẹma?”

Fịrịmẹnjịapụ 3:1

Gbọrụ ene ḅụ,, tẹra so ḅẹ tẹkẹ kọn, kọn sakị ḅụ, Pita na Jọnị na Tamụnọ-warị mẹ ḅio tẹkẹ ḅẹ mum.

Fịrịmẹnjịapụ 3:11

Tomḅọ ḅe kẹ Pita na Jọnị na ḅụ so ḍụkụ-a ḅara mẹ nwẹnị tomi ma ḅụụ-buama, tẹ ịn nwẹnị mangị ịn dama-mu, ini ịn kẹ “Sọlọmọnị Sịḅị kikima Anga” nwẹn-sịn anga mẹ ḅụ, simearị ogbo.

Fịrịmẹnjịapụ 3:3

Pita na Jọnị na sọ-muarị tẹ ori ini ẹrị tẹso, ọ̀ nwẹnị ịna ḅara ye ḅii.

Fịrịmẹnjịapụ 4:13

Juu-ḅẹ-apụ ma Sịẹ-Kobiri mẹ ḅo nimim mịnẹ Pita na Jọnị na, ḍiri ẹrị-a apụ tẹ ḅiokpọ tẹ gasị-gasịma ye ḍukoarị ye mẹ nwẹnị ịna aḅụụ buama, tẹ ịn nwẹnị lekiri mịnẹ in Jizọsị na mẹnjị simem.

Fịrịmẹnjịapụ 4:19

Kụma Pita na Jọnị na nwẹnị ịn pakịrị, “Ọmịnị ḅarana kọn ọmịna aḅụụ pịrịị, ndẹẹ maaịn ma ḅụ kuraye Tamụnọ tọrọkọ — ọmịna ḅịḅị poki mụnọọ, Tamụnọ ḅịḅị poki?

Fịrịmẹnjịapụ 8:14

Fịrịmẹnjịapụ ma nwẹnị Jeruselemu ḅụ sime tẹ naa mịnẹ Sameriya ḅẹ apụ ma Tamụnọ ẹkwẹn mẹ daa-ọkị tẹ; mie ḅụ ịn nwẹnị Pita na Jọnị na kẹ ịn fịrịma.

Galesiya 2:9

Jemusị na, Pita na, Jọnị na tẹ Sịḅịdapụ nwẹn ḅẹẹ apụ ma sọ lekiri tẹ mịnẹ Tamụnọ mị fịrị mẹ saakị sikima ị̀ pịrịm; mie ḅụ ịn nwẹnị mọnị kẹ Banabasị na ị̀ na pịrị, tẹ kẹ elekima mịẹ, mịnẹ wamịnị maa apụ mị kọrịnama mẹ kọrị gbolomaa. Wa nwẹnị ḅịḅị-kẹ-ogbosọ mịnẹ Banabasị na ị̀ na Ja asịẹ ḅẹ apụ ogboku kọrịnama mẹ kọrịị, ini nwẹnị Juu-ḅẹ-apụ ogboku kọrị ḅa.