Luku 22:70 - FỊAFỊA BAỊBỤLỤ

⁷⁰ Inimgba nwẹnị ḅẹẹ, “Anị kụma Tamụnọ Tụḅọ ḅe wararị ya?” Ọ̀ nwẹnị ịn pakịrị, “Ọmịnị sọ ḅẹẹ tẹ yẹrị ori.”

Luku 22:70 Iomraidhean Croise

Devidi-Anume 2:12

Ọmịnị oju sẹkịma mu ọ̀ tọrọkọ iḅoo; ọkọ-a kụma ori ịganị ala-a saakị ḅa, tẹ ó ḅiotọn-a sakị kẹ fịị ḅa. Ḅioḅẹlẹ sime ọ̀ ḍọkụma-ḅo tẹ ọ̀ gbaịn-arị apụ ma pịrịm.

Devidi-Anume 2:7

Amadaḅọ ḅe ḅẹẹm, “À KỊNỊNYANAḄỌ ḅe ḍuko ye mẹ ḍuko wasama ḅa. Ori ị̀ ḅẹm, ‘Ị́yẹrị ì owiḅọtụḅọ, mịmgba à ḅo ị́ ḍa sọ tẹẹ.

Matiyo 26:25

Judasị, Jizọsị kẹ dẹrịma ḅọ ḅe, nwẹnị ẹkwẹn pakama tẹ gbela: “Ye-tolumaḅọ, karakara-ḅara-ḅụ ị́ ị̀ ḅẹẹ-a?” Jizọsị nwẹnị pakịrị, “Anie ḍuko ḅara.”

Matiyo 26:64

Jizọsị nwẹnị ọ̀ pakịrị, “Anie ị́yẹrị ḍuko ḅara. Kụma à ḍuko ọmịnị-mgba pịrịarị: mị sakị mẹ ḅụ saakị mu ó Tomḅọ Tụḅọ ḅe ẹrị ḅa, ọ̀ Kụrọmamgba Nyanaḅọ ḅe ama-ḅara anga lẹgị-sime wararị, tẹ So-tọrụ ḅụ oḅuto ọgọnọ sime tẹ ḅoarị!”

Matiyo 27:11

Jizọsị nwẹnị Romu ḅẹ apụ ma Ḅẹrẹtọnḅọ ḅe tọrọkọ sịẹ sime, tẹ ọ̀ nwẹnị ye kẹ ò gbela. Ò gbelam, “Juu-ḅẹ-apụ amadaḅọ ḅe?” Jizọsị nwẹnị pakịrị, “Anie yẹrị ḍuko ḅara.”

Matiyo 27:43

Ọ̀ kọkọ Tamụnọ kẹ ḅiokpọma tẹ pịkị ọkị wararị mịnẹ ori Tamụnọ Tụḅọ. Anie ḅẹḅẹ, iḅim, ó yee wa ḍiki mịọkụ Tamụnọ ḅo ọ̀ ḅọrọma ḅarị ḅoto!”

Matiyo 27:54

Ọmụ-alaḅọ ḅe na ori na sime ọmụapụ ma na, tẹ Jizọsị koru sime apụ ma, kiri jike ye mẹ na, paka jen ye goyegoye ẹrị tẹso, ịn ḅalafa lama tẹ ḅẹẹm, “Karakara-ḅara-ḅụ ḅieḅe anie Tamụnọ Tụḅọ!”

Matiyo 3:17

Anịtẹso gbọrụ pọkọ nwẹnị So-ḅio sime tẹ ḅẹẹ, “Ḅie ì ḅẹlẹma Tụḅọ ḅee, ọ̀ ḅụụ à ḅioḅẹlẹ nyanam.”

Matiyo 4:3

Anịtẹso Ekwesu ḅe nwẹnị ọ̀ dama-ḅo tẹ ọ̀ ḅẹẹ, “Ị́yẹrị kọkọ Tamụnọ Tụḅọ. Tọn mịna ḍụḅarị apakịrị ma pịrị tẹ arị fịturu kpo kpo sọ.”

Makị 14:62

Jizọsị nwẹnị pakịrị, “Yẹrịị, tẹ ọmịnị-mgba Tomḅọ Tụḅọ ḅe ẹrị ḅa, ọ̀ Kụrọmamgba Nyanaḅọ ḅe ama-ḅara anga lẹgị tẹ So-tọrụ ḅẹ oḅuto na koro-ḅoarị!”

Makị 15:2

Payịleti ò gbelam, “Juu-ḅẹ-apụ amadaḅọ ḅe ị́yẹrị?” Jizọsị nwẹnị pakịrị, “Anie ị́yẹrị ḅẹẹarị ḅara.”

Luku 22:71

Tẹ ịn nwẹnị ḅẹẹ, “Wa ḅarị ọ̀ ḅịḅị ye naa ja apụ ḍọkị-a! Wa ḅarana ḅeri kẹ ò ḍuko ye naa tẹ!”

Luku 23:3

Payịleti nwẹnị ò gbela, “Ị́yẹrị anie Juu-ḅẹ-apụ ma amadaḅọ ḅe?” Jizọsị nwẹnị pakịrị, “Ị́yẹrị ọkọ ḅẹẹarị!”

Luku 4:41

Oru pịkị tọnwa atomi ḅụụ ḅio som, tẹ oru ma kararama-oloku-oloku tẹ ḅẹẹm: “Ị́yẹrị anie Tamụnọ Tụḅọọ!” Jizọsị nwẹnị tọn oru ma pịrị mịnẹ ini ẹkwẹn ma; ò gotẹ ọkọ ḅẹẹ ye in nimim mịnẹ ori anie Mẹsaya ḅe.

Jọnị 1:34

Jọnị ḅẹẹm, “Àrị ọkọ kẹ anị ẹrị tẹ ḅẹ sakị à ḍuko ọ́ pịrịarị mịnẹ Ori anie Tamụnọ Tụḅọ ḅee.”

Jọnị 1:49

Natanịyẹlị nwẹnị pakịrị, “Ye-tolumaḅọ, ị́yẹrị anie Tamụnọ Tụḅọ ḅee; ị́yẹrị anie Izirẹlị Amadaḅọ ḅee.”

Jọnị 10:30

Ḍaḅọ ḅe na ị̀ na gberie.”

Jọnị 10:36

ndẹẹ mịọkụ ọmịnị inetẹ ḅẹẹ ḅẹ mịnẹ Ḍaḅọ ḅe sẹlẹ-ọkị tẹ kẹ tomikiri fịrịma ḅọ ḅe Tamụnọ fie-simarị à ḅẹẹm, ‘yẹrị Tamụnọ Tụḅọ’ gotẹ?

Jọnị 18:37

Mie ḅụ Payịleti nwẹnị ò gbela, “Anie fiearị ye ị́yẹrị amadaḅọ, anị ya?” Jizọsị nwẹnị ọ̀ pakịrị, “Ị́ ḅịḅị ḅụ anị paka-ḅo tẹ, mịnẹ yẹrị amadaḅọọ. Mị gberie mẹ kịngẹ mie à gotẹ mị tomikiri mẹ ḅụ iyi ye, tẹ karakara mẹ gboloma ye kẹ ẹkwẹn ḅẹ ḅara. Sime karakara mẹ pịrị ḅọ, pịrị ḅọ mie ì pokiarị ḅọ.”

Jọnị 19:7

Tomina-ogbo mẹ nwẹnị pakịrị, “Wamịna oloko ḅẹẹ ḅara ḅụ ọ̀ fịị-a so ḅịa, ọ̀ Tamụnọ Tụḅọ kẹ amịna ḅụụ sịn tẹ ẹrẹsị.”