Luku 22:61 - FỊAFỊA BAỊBỤLỤ

⁶¹ KỊNỊNYANAḄỌ ḅe nwẹnị vuunma pịkị tẹ bio-bioma Pita ḍiki, tẹ Pita nwẹnị KỊNỊNYANAḄỌ ḅe kẹ ọ̀ ḅẹẹ ye mẹ kẹ ḅiokoroma, “Tẹrẹmẹ ọḅọkọ paan mị ḍin, ị́ tẹra sakị kẹ í ì nimim mẹ pịkị ḅa.”

Luku 22:61 Iomraidhean Croise

Jobu 33:27

tẹ tomina tọrọkọ nume-suu tẹ ḅẹẹ, ‘À si mịẹm, tẹ kuraye mẹ pịkị iḅom, tẹ ini anị kẹ ị̀ gbẹẹ-a;

Izikẹlị 16:63

Mịẹ-irima-aị mamgba tẹ ị́ mịẹ tẹ aị ma à wẹrịso ị́ pịrị ḅa, kụma ị́ arị kẹ ḅiokoroma tẹ ḅụụ-jịrị ḅaka tẹ ḅarị ị́ ḅịḅị sọ finji ḅịa.” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Hosiya 11:8

Izirẹlị, ndẹẹ à gotẹ ị́ ḅụ ḅara-siin ḅẹ ḅara? Ndẹẹ àrị inetẹ ị́ kẹ gbin koroma so ḅẹ ḅara? Àrị à kẹ Adima mịẹ ḅara kẹ inetẹ í guluguluma ḅẹm aro? Anịanịa Zeboyimu na mịẹ ḅara kẹ ị́ na mịẹ? Ì ḅioḅẹngbọ ḍụkụ tẹ àrị anị mịẹ ḅịa! À nyana ị́ pịrị ḅẹlẹma kụrọ ḅakam.

Matiyo 26:34

Jizọsị nwẹnị Pita ḅẹẹ, “À ḍuko ị́ pịrịarị, mịnẹ mị ḍin ḅụ tarị ọḅọkọ amụ paan-a ogbo, ị́ tẹra sakị kẹ ḅẹẹ ḅa mịnẹ í ì nimi-a!”

Matiyo 26:75

tẹ Pita nwẹnị Jizọsị ḍuko ọ̀ pịrị ḅọrọma tẹ ye mẹ kẹ ḅiokoroma: “Tẹrẹmẹ ọḅọkọ paan, ị́ tẹra sakị kẹ ḅẹẹ ḅa mịnẹ í ì nimi-a.” Ọ̀ nwẹnị mẹnjị paka tẹ tẹmẹ-la ḅara kẹ owu.

Makị 5:30

Anị gbọrụ sakị ḅụ Jizọsị nimim mịnẹ kụrọ ọ̀ ḅụụ ḅio mẹnjị paka tẹ, anie ḅụ tomina-ogbo mẹ ḅio ọ̀ pịkị ọḅụ ḍiki tẹ gbelam, “Tụḅọ ḅara kẹ ị̀ kapa lama?”

Luku 10:41

KỊNỊNYANAḄỌ ḅe nwẹnị á pakịrị, “Mata, Mata! Ị́ kpọma tọnwa aị gotẹ ḅalaḅala tẹ,

Luku 22:34

Jizọsị nwẹnị ḅẹẹ, “Pita, yẹrị ḍuko ị́ pịrịarị, mị ḍiin, ọḅọkọ paan ḅịa nwenii ị́ tẹra asakị kẹ ì piki tẹ ḍuko ḅa mịnẹ í ì nimi-a.”

Luku 22:60

Kụma Pita pakịrịm, “Owiḅọ, í ḍukoarị ye tiye-o, tiye-o yẹrị à nimi-a!” Anị gbọrụ sakị ḅụ, ọ̀ paa ọkọ ḅẹẹarị kụma ọḅọkọ paan tẹẹ.

Luku 22:62

Pita nwẹnị mẹnjị paka tẹ tẹmẹ-la ḅara kẹ owu.

Luku 7:13

KỊNỊNYANAḄỌ ḅe árị ẹrị sakị ori á ḍiki tọrụ-kụrụkụrụ lamam. Tẹ ọ̀ nwẹnị á ḅẹẹ, “Owu ma, ị́ na.”

Luku 7:19

fịrịma mịnẹ in mu KỊNỊNYANAḄỌ ḅe gbela, “Ḅo ḅẹ tẹ Jọnị ḍuko ḅọ ḅe mụnọọ wa paa jụmọ ḍiki ḅẹ?”

Jọnị 13:38

Jizọsị nwẹnị pakịrị, “Karakara-ḅara-ḅụ ị̀ tẹlẹma tẹ mịnẹ ị́ fịị ị̀ pịrị ḅẹ? À karakara mẹ ḍuko ị́ pịrịarị: tẹrẹmẹ owi-ọḅọkọ paan ị́ tẹra asakị kẹ ḅẹẹ ḅa mịnẹ í ì nimi-a.”

Fịrịmẹnjịapụ 5:31

Tamụnọ ori iwoma mu amịna ama-ḅara anga lamam, Sịḅịdaḅọ na Ḅọrọmaḅọ na ḅara ḅụ, tẹ nwẹnị kiri kẹ Izirẹlịapụ pịrị ịn kẹ si ḅụ pịkị tẹ Tamụnọ ịna asi wẹrịso ịn pịrị.

Ẹfisọsị 2:11

Ọmịnị Ja asịẹ ḅẹ apụ ma, ọmịnị iyi ḅara ḅụ — Juu-ḅẹ-apụ ma kẹ ọ́ sịn-arị ye anie, “tarị-ḅụụ sin-a apụ”, tẹ nwẹnị “tarị-ḅụụ sin apụ” kẹ ịna aḅụụ sịn-arị (anie tomi kẹ ịna ameni-oju ma mịẹarị ye gboloma ye) — ọ́ ḅọrọ tẹ sakị ḅụ ó sime-ḅara kẹ ḅiokoromaa.

Mịẹfinji 2:5

Ị́ ḅịkị mu koro tẹ anga ḍikii! Í asi ḅụ pịkị tẹ tarị-tarị ị́ kọn-kọn ḍumo kọọn. Ị́ ị́ asi ma ḅụ pịkị-a ḅẹḅẹ, à ḅo ị́ tọnjọ-gbanaye mẹ sịẹ kiri ḅụ anị saakị siin ḅa.