Luku 22:52 - FỊAFỊA BAỊBỤLỤ

⁵² Tẹ Jizọsị nwẹnị ò kun ḅẹ ḅo agbamịẹapụ ma na, Tamụnọ-warị mẹ ḍikiḍikiarị sịḅịdapụ ma na, ama ḅẹ omongiapụ ma na ḅẹẹ, “Ọmịnị ị̀ kẹ ama oloko sima tẹ mangị ḅọ sịn mụnọọ, tẹ okologie na mgbele na kẹ ḅo ị́ ḍọkịarị?

Luku 22:52 Iomraidhean Croise

2 Amadapụ 11:15

Anịtẹso Jehohada nwẹnị tọn ọmụ-ogbo mẹ kẹ sịḅịda ọmụ-alapụ ma pịrị, “Ọmịnị ọmịna ogboku ḅụ á pakama-ḅo tẹ okologie mẹ kẹ arị na á ḍuka ḅoḅọ-ḅoḅọ na ḅaa, kụma ọ́ KỊNỊNYANAḄỌ ḅe warị mẹ ḅio á ḅaa ma.”

Matiyo 26:47

Jizọsị paa ẹkwẹn-arị ogbo, Judasị ò Ḍukamẹnjị Oyi Maa apụ Finji ma ḅẹ gbọrụḅọ gbọrụ opu tomina-ogbo na ḅom; ịna ḅụ ja apụ okologie ọlọm, ja apụ pịkị mgbele dogim; agbamịẹapụ ma na omongiapụ ma na ịn kẹ fịrịmam.

Matiyo 26:55

Anịtẹso Jizọsị ẹkwẹn tomina-ogbo mẹ pịrịm, “Ọmịnị okologie na mgbele na ọlọ tẹ paka-ḅo ì kun ḅẹm aro, gbala yẹrị ama oloko kan tẹ mangịarị ḅọ ọkụ? Ene-ḅaaene-ḅaaene à kọkọ Tamụnọ-warị mẹ ḅio lẹgị-lẹgị tẹ ye toluma, tẹ ọmịnị ì kun-a.

Luku 22:37

Yẹrị ḍuko ọ́ pịrịarị, mịnẹ Fịafịa Ḍiri mẹ ḍuko ye mẹ, ‘Ini ịn kẹ si-mịẹapụ mịẹ-mịẹ ḅara kẹ ọ̀ mịẹm,’ ḅẹẹ ye mẹ ị̀ ḅụụ paka ḅa, ị̀ ḅụụ kẹẹ ye mẹ paka ḅẹ ẹrẹsị.”

Luku 22:4

Mie ḅụ Judasị nwẹnị mu agbamịẹapụ ma na Tamụnọ-warị mẹ ḍikiḍikiarị sịḅịdapụ ma na la tẹ ini na ò Jizọsị kẹ ịna ḅara-ḅio dẹrịma ḅẹ ḅara ḅiya.

Luku 22:51

Kụma Jizọsị nwẹnị ḅẹẹ, “Ḅarị jen kẹ miemẹ mịẹ ma!” Ọ̀ ḅara kẹ tomḅọ ḅe ḅeri mẹ lama tẹ ọ̀ gwọm.

Luku 22:53

Ene ḅaa tẹ Tamụnọ-warị mẹ ḅio ọmịnị ị̀ ẹrị-a ene ofori, tẹ ọ́ ḅọkọ ḍọkị tẹ ì kun-a. Mie ọmịna sakị, kanakana kụrọ ḅẹrẹtọn-arị sakị mẹ.”

Jọnị 17:12

Yẹrị na ini na emi sakị ị́ ẹrẹ mẹ ḅẹ kụrọ mẹ mie à kẹ in koko kpaịnma ye, anie ị́ kẹ ị̀ pịrị ẹrẹ mẹ. Àrị ịn wẹrị kpaịnmam, tẹ ịna ḅụ gbọrụḅọ sọ fa-a, sime fa pịrị gbọrụḅọ ḅe sikima, mịẹtẹ Fịafịa Ḍiri mẹ ḍuko ye paka ḅẹ ḅara.

Fịrịmẹnjịapụ 5:26

Mie ḅụ Tamụnọ-warị mẹ ḍikiḍikiarị apụ ma sịḅịdaḅọ ḅe nwẹnị ori atomi na mu dein ḅara kẹ fịrịmẹnjịapụ ma ọkị-ḅo, ịn ḅalafaam ịn kụrọ-ḅara kẹ ini na mịẹ kụma tomi ma ḅofa ḍụḅarị kẹ in gbin.