Luku 22:44 - FỊAFỊA BAỊBỤLỤ

⁴⁴ Opu akụ ọ̀ tẹmẹ ponoma ḅara anie ọ̀ pịkị kụrọma tẹmẹ-la ḅara kẹ tẹkẹ ḅara, tẹ imo nwẹnị ọmbie sara ḅara kẹ jim-jimma ọ̀ ḅụụ pẹlẹ-pẹlẹ kiri ḅio sara.

Luku 22:44 Iomraidhean Croise

Ayịzaya 53:10

KỊNỊNYANAḄỌ ḅe mẹẹ: À ḅiim mịnẹ ọ̀ tọrụsiẹrị; Ọ̀ fịị mẹ kẹ si-wẹrịso dogi-ḅo ḅẹ agba tẹ mịẹ ye. Tẹ anie ḅụ ori ò furo-ḅẹ-apụ ma ẹrị ḅa; Ọ̀ nangwọ ḍumo kọn ḅa, tẹ ọ̀ ḅụụ ḅụ mie à mịẹ ḅẹ tẹ tọn ye mẹ ḅọrọtẹ mịẹ tẹ ye sọ ḅarịye.

Kururu Owu-apọkọ 1:12

Ọmịnị mamgba tẹ mẹnjị-mẹnjị-ḅọrọarị apụ, anị ọmịna aḅụụ gberie-sọ la-a mọ? Ọ́ paa ḍikii, tẹ ẹrịị, ì kururu mẹ pembe kururu ḅọrọ emi ḅẹḅẹ aniemẹ tẹ ḅo ị̀ ọgọnọ gbana ye mẹ, aniemẹ tẹ KỊNỊNYANAḄỌ ḅe kẹ ọ̀ ḅalafama ịganị ene ḅụ, ì fomu ye mẹ.

Luku 22:45

Ọ̀ tẹkẹ tẹ saakị mu ò ḍukamẹnjịapụ ma la sakị, ḅioḅẹngbọ si na ḅụụ-lọkọ na ḅụ in mono wararị.

Jọnị 12:27

“Mịọkụ ì ḅioḅẹngbọ ị̀ ḅụụ-fụkama tẹ, à tiye ḍuko ḅẹ? À ḅẹẹ ḅẹ mụnọọ, ‘Ḍa, ḍụkụ tẹ miemẹ ị̀ ḅụụ paka ma?’ Kụma anị mie à gotẹ ḅo ye, mịẹtẹ à mị tọrụsiẹrị mẹ da tolu-ḅọrọ ḅarị ḅara.

Romu 8:32

Karakara-ḅara-ḅụ Tamụnọ rẹ ọkọ sime ye mịẹ ḅịa, ori ọ̀ Tụḅọ sọ ọlọ-sịẹma-a, tẹ ọ̀ kẹ agbamịẹ wamịnị-mgba pịrịm. Ori amịna Tụḅọ kẹ wa pịrị ḅọ ḅe, tiye kụma ọ̀ kẹ ọ̀ ḅụụ papaa sụa wa pịrị ḅịa?

Hiburu 5:7

Jizọsị tomikiri ḅẹ ḍumo ḅụ sime, sime sakị, oloku-oloku owu na, tọrụ owu-aminji sara na, mie ọ̀ kẹ Tamụnọ tẹkẹ, tẹkẹ tẹ ọ̀ ḅara ye ḅii ye, ori anie inetẹ fịị ḅụ ọ̀ ḅọrọma ḅẹ ḅọ ḅara ḅụ. Ọ̀ ḅụụ-lẹgịma tẹ tẹmẹ-la ḅara kẹ tẹkẹm ẹrẹsị Tamụnọ pịkị ọ̀ tẹkẹ naam.