Luku 22:43 - FỊAFỊA BAỊBỤLỤ

⁴³ Tẹ So-ḅio enjẹlị nwẹnị koro ḅo tẹ ḅụụ kẹ ò ḍie tẹ ịnyọ kẹ ọ̀ pịrị.

Luku 22:43 Iomraidhean Croise

Danẹlị 11:1

Ori anie ḅarasụa na ḍụa na fịrị mẹ ḅara ḅụ sime ḅọ.

Matiyo 26:53

Í nimi-a, àrị inetẹ ị̀ Ḍa ḅe tẹkẹ tẹ ori anị gbọrụ kiri oyi maa enjẹlị ọmụ-ogbo finji nẹngị ye kẹ fịrịma tẹ in ḅo ḅarasụa ị̀ pịrị ḅẹ ḅara?

Matiyo 4:11

Anịtẹso Ekwesu ḅe nwẹnị Jizọsị koroma-so, tẹ enjẹlị apụ nwẹnị ḅo ḅarasụa Ọ̀ pịrị.

Matiyo 4:6

Ekwesu ḅe nwẹnị ọ̀ ḅẹẹ, “Ị́yẹrị kọkọ Tamụnọ Tụḅọ. Ḍosi-koroo!” Gbala Fịafịa Ḍiri mẹ ḅẹẹ wararị: Tamụnọ tọn ori enjẹlị apụ pịrị ḅa, ini ịna aḅara ḅụ ị́ tịrẹ ḅa, tẹ ị́ aḅụọ kịngẹ sọ ḍụḅarị bịan ḅịa.

Luku 22:32

Kụma Sayịmọnị, à tẹkẹ ị́ pịrị tẹẹ, mịẹtẹ í minini ḅịkị ḅịa ḅara. Ị́ pịkịma-ḅo tẹ ḅẹḅẹ, ị́ amịnapụ ma mịẹ kụrọmaa.”

Fịrịmẹnjịapụ 14:22

Ịn nwẹnị ịnyọ kẹ minini apụ ma pịrị tẹ ịna ḅiokpọma mịnẹ ịn karakara ḅara kẹ mininiye mẹ ḅụ sịẹ kụrọọ. In ye kẹ in toluma tẹ ḅẹẹm, “Mịẹ ḅara mịẹ ḅara sọ, tọnwa ḅụụ-fụka ḅio mie wa tolu-ḅọrọ mu Tamụnọ Ama-da yọ mẹ sọ ḅarịye.”

Fịrịmẹnjịapụ 18:23

Ori anịanga kẹlẹ sime tẹso, ọ̀ nwẹnị Galesiya na Firijiya na iri ma mu tẹ ịnyọ kẹ minini apụ mamgba pịrị.

Ditẹrọnọmị 3:28

Kụma tọn Jọsụwa pịrịị, ò ḅiokpọmaa, ịnyọ kẹ ọ̀ pịrịị; kẹ gotẹ ọkọ ḅẹẹarị, ori mie mị atomi ma kẹ sịḅịda tẹ kẹ saḅa ḅarịye, anịsakị ori mie ama mẹ tẹ ị́ ẹrị ḅarịye mẹ ḅio ịn kẹ suu tẹ ịn nyana ḅarịye.

1 Timoti 3:16

Gbọrụḅọ-sọ inetẹ pịkị ḅịa mịnẹ wamịna Tamụnọ etela mẹ ḅụ gbọrụ kikima wararị opu ye emi: Tomina sime-ḅara ḅụ ọ̀ paka-ḅom, Tẹmẹ ḅe ọ̀ karakara mẹ ḍie-pakamam, enjẹlị apụ Ori ẹrịm. Sịẹ-sịẹ ma ogboku ini ò ḍuko-pakamam, bebe tomikiri mẹ ḅụ tomi ò mininim, tẹ Tamụnọ ọ̀ kẹ iwo so mum.

Hiburu 1:14

Nwẹnị ọkọ kụma, enjẹlị ma ḅọrọ tọ apụ? Ini ma anie fịrịmẹnjị Tamụnọ pịrịarị atẹmẹ, tẹ ọ̀ kẹ fịrịma tẹ ḅarasụa ḅọrọma nyana ḅẹ apụ pịrịarị apụ.

Hiburu 1:6

Kụma Tamụnọ ọ̀ tarị tụḅọ kẹ tomikiri fịrịmarị sakị ọ̀ ḅẹẹm, “Tamụnọ enjẹlị mamgba sunsin ọ̀ pịrị.”

Hiburu 2:17

Miemẹ fiearị ye anie ḅọkọ, ḅọkọ mamgba ḅụ ori ori amịnapụ ma na kịka fama ḅẹm, mịẹtẹ ò ḅioḅẹngbọ-kẹ-sịrẹrẹ-niḅi tẹ pịkị ọkụrụkụrụ nyana wararị Sịḅịda-Agbamịẹḅọ sọ ḅẹ ḅara, Tamụnọ fịrị mẹ ḅụ, mịẹtẹ Tamụnọ tomina asi wẹrịso ḅarị ḅara.