Luku 22:42 - FỊAFỊA BAỊBỤLỤ

⁴² Ori mẹẹ, “Ḍa, ị́ ḅụụ-ḅẹlẹm ḅẹḅẹ ị̀ ḅụụ mị ḅụụ-fụka mẹ saakị siin. Anị sime-ḅara sime-ḅara sọ, à ḅẹrẹtọn ị́ pịrị-a, ị́ ḅụụ-ḅẹlẹ ḅara mịẹẹ.”

Luku 22:42 Iomraidhean Croise

Devidi-Anume 40:8

Ị̀ Tamụnọ, àrị ị́ ḅụụ-ḅẹlẹ ye mịẹ mẹ ḅẹlẹmarị! Í tolumaye mẹ à kẹ ì ḅioḅẹngbọ koko wararị.”

Ayịzaya 51:17

Jeruselemu, saakị! Ị́ ḅụụ jike tẹ saakị sịẹ! Í fomu-ḅara da kọpụ mẹ ḅio ḅuu tẹ anie KỊNỊNYANAḄỌ ḅe ori ịganị ḅụ kẹ ị́ pịrị ḅuu ye mẹ; í ḅuu tẹ anị ị́ mịẹ tẹ ị́ pụmbụma-pụmbụmam.

Ayịzaya 51:22

KỊNỊNYANAḄỌ ọmịna Tamụnọ ḅe ọ́ ḍụarị tẹ ḅẹẹarị, “Ị̀ ịganị ḅụ à kẹ ọ́ pịrị kọpụ mẹ arị ọmịna ḅara anị ọkị soarị. Ọ́ ḅarị jen kẹ ó ḅuu tẹ pụmbụma-pụmbụmarị iru mẹ ḅuu nyana-a.

Jerimaya 25:15

KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ị̀ ḅẹẹm, “Mie iru mọngị, ị̀ ịganị anị ḅio ḅin wararị. Anị ọkị tẹ kẹ arị ị́ kẹ fịrịmarị asịẹ mamgba muu, tẹ ịn mịẹ tẹ ini anị ḅio ḅuu.

Matiyo 11:25

Anị sakị mẹ ḅụ Jizọsị ḅẹẹm, “Ḍa, So na Kiri na Nyanaḅọ! Arị ịmịẹtẹ kẹ ị́ ḅẹẹm, ị́ mịna aị ma kẹ ye ḍawọ ḍịn-a apụ ma rẹ ḍie tẹ arị kẹ ye-nimi wararị tẹ ye ḍawọ ḍịn tẹ apụ ma ḅọịma ye mẹ ẹrẹsị.

Matiyo 11:26

Ọkọọ, Ḍa, mị-ḅara mie ị́ ḅii ḅara, mịnẹ anị ọkọ pakaa!

Matiyo 20:22

Jizọsị nwẹnị owiapụ-awọmẹ ma pakịrị, “Ó ḅiiarị ye mẹ sime-ḅara ó nimi-a. Ọmịnị inetẹ yẹrị ḅuu ḅẹ-yearị tọrụsiẹrị mọngị mẹ ḅio simearị ye mẹ ḅuu ḅẹ?” Ịn nwẹnị pakịrị, “Wa inetẹ ḅa.”

Matiyo 26:39

Ọ̀ nwẹnị kẹlẹ mẹnjị tọrọkọ mu, tẹ amịna ḅụụ sẹma-kiri-gbin, tẹ iḅo tẹ tẹkẹ, “Ị̀ Ḍa, anị inetẹ mịẹ ḅarị ḅẹḅẹ, ị̀ ḅara ḅụ mị kururu kọpụ mẹ siin! Anịsọ à ḅii ḅara-a, kụma ị́yẹrị ḅii ḅara.”

Matiyo 26:42

Jizọsị nwẹnị jen gbọrụ sakị kẹ mẹnjị sọ-mu tẹkẹ, “Ị̀ Ḍa, ị̀ ḅara ḅụ ị́ nwẹnị mị kururu kọpụ mẹ sin ḅẹ ọkụ ofori, arị anị ḅio sime ye ḅuu sikima, ḅẹḅẹ ị́ tọn ye mịẹ.”

Matiyo 26:44

Jizọsị nwẹnị sin ịn koroma so, tẹ mẹnjị mu tẹra sakị karama ye kẹ tẹkẹ, tẹ paa gbọrụ ẹkwẹn mẹ kọn.

Matiyo 6:10

yee ị́ Ama ḅọ; yee í minini ye tomikiri ḅụ mịẹ, So-ḅio anị sime-ḅara.

Makị 14:36

Ọ̀ nwẹnị tẹkẹ tẹ ḅẹẹ, “Ḍa, ị̀ Ḍa, í inetẹ mịẹ ḅịa ye ofori. Mị akụye kọpụ mẹ saakị ḅelema ị̀ ḅụụ. Anịsọ yẹrị ḅiiarị ye-a, kụma ị́yẹrị ḅiiarị ye mịẹ.”

Luku 23:34

Jizọsị nwẹnị ḅẹẹ, “Ḍa, ịna si-wẹrịso ịn pịrị! Ịn mịẹarị ye in nimi-a.” Ịn nwẹnị okoḅa sara tẹ ori akapa ḍiya ọkị.

Jọnị 18:11

Jizọsị nwẹnị Pita ḅẹẹ, “Í ogie kẹ anị paka-ḅo lubulu mẹ ḅio suu! Í kuromarị ị̀ Ḍa kẹ ị̀ pịrị wararị tọrụsiẹrị kọpụ mẹ ḅio simearị ye mẹ à ḅuu ma?”

Jọnị 4:34

Jizọsị nwẹnị ịn ḅẹẹ, “Ì fịye anie ị̀ kẹ fịrịma ḅọ ḅe ḅii ye mịẹ, tẹ ọ̀ kẹ ị̀ pịrịm à kọrị ḅẹ kọrịnama mẹ kọrị fama.

Jọnị 5:30

Àrị inetẹ ị̀ kụrọ kẹ gberie-sọ mịẹ ḅịa; Tamụnọ ị̀ ḅẹẹ ḅara, ḅẹẹ ḅara mie à ḍikitẹ ḅẹrẹkọn-arị ḅara gotẹ karakara ḅẹrẹ mie à kọn-arị ye, gbala àrị ì ḅiotọn ye mịẹ ḅẹ ḍọkị-a, kụma ị̀ kẹ fịrịma ḅọ ḅe ḅụụ-ḅẹlẹ ye ngẹrị mie à mịẹarị ye.

Jọnị 6:38

gbala à So-ḅio koro ḅo tẹ ì ḅiotọn ye mịẹ ḅẹ ẹrẹsị ḅo-a, kụma ị̀ kẹ fịrịma ḅọ ḅe ḅii ye mịẹ mie à gotẹ ḅo ye.

Fịrịmẹnjịapụ 21:14

Wa ḍuko ye, ḍuko ye ori ọkị-a sakị, wa ọ̀ wẹrịso tẹ ḅẹẹm, “Yee KỊNỊNYANAḄỌ ḅẹ tọn ye mịẹ.”