Luku 22:41 - FỊAFỊA BAỊBỤLỤ

⁴¹ Anịtẹso ọ̀ nwẹnị kẹlẹ ịna ḅụ sikima, tẹ kparakị tẹ tẹkẹ.

Luku 22:41 Iomraidhean Croise

Matiyo 26:39

Ọ̀ nwẹnị kẹlẹ mẹnjị tọrọkọ mu, tẹ amịna ḅụụ sẹma-kiri-gbin, tẹ iḅo tẹ tẹkẹ, “Ị̀ Ḍa, anị inetẹ mịẹ ḅarị ḅẹḅẹ, ị̀ ḅara ḅụ mị kururu kọpụ mẹ siin! Anịsọ à ḅii ḅara-a, kụma ị́yẹrị ḅii ḅara.”

Makị 14:35

Ọ̀ nwẹnị kẹlẹ mẹnjị tọrọkọ mu tẹ kiri koro tẹ tẹkẹ, mịnẹ anị inetẹ mịẹ ḅarị namịna, mimgbe ọ̀ ḅarị anị akụye mẹ da-a so tẹ.

Luku 18:11

“Farịsiiḅọ ḅe nwẹnị sikima ḅele tẹ tẹkẹ, ‘Tamụnọ, àrị ịmịẹtẹ kẹ ị́ ḅẹẹm, mịnẹ à ja tomi sime-ḅara sime-a — opu pọkọ-ḅẹngbọ sụa, ja apụ mingirima, anịanịa sẹfị ma ḅọrọ. Ịmịẹtẹ mịnẹ àrị anịanga simearị ama-igbigi da ḅọ ḅe na kịka-a.

Luku 18:13

“Kụma ama-igbigi da ḅọ ḅe nwẹnị sikima ḅele tẹ sịẹsime, tọrụ sọ ọ̀ saakị so ḍiki-a, kụma ọ̀ ḅara kẹ ekpe fomu tẹ ḅẹẹm, ‘Tamụnọ, ì ḍiki-tọrụ-kụrụkụrụụ, yẹrị si-ḅọọ!’

Fịrịmẹnjịapụ 20:36

Pọlụ ẹkwẹn fama tẹso, ọ̀ nwẹnị kparakị tẹ ini na tẹkẹ.

Fịrịmẹnjịapụ 21:5

Kụma wa ini na sime ḅẹ aḍin ma kara tẹso, wa nwẹnị so wa mu sime anga mu. Ịna ereme na ịna awọmẹ na inimgba ḅụụ sọ tẹ wa ḅọrọma ama mẹ ḅio toluma mu pọkụ la, tẹ wamịnị-mgba kparakị tẹ tẹkẹm.

Fịrịmẹnjịapụ 7:60

Ọ̀ nwẹnị kparakị tẹ kụrọma oloku, “KỊNỊNYANAḄỌ! Mị si mẹ kẹ ịn gbẹẹ ma.” Ò miemẹ ḅẹẹ tẹ nwẹnị fịị. Tẹ ini ọ̀ ḅaa ye mẹ ḅụ Sọlụ ḅịḅị sọ sọm.

Fịrịmẹnjịapụ 9:40

Pita nwẹnị ḅio mẹ ḅụ inimgba pakama, tẹ kparakị tẹ tẹkẹ; anịtẹso ọ̀ nwẹnị pịkị ḍụẹịn mẹ da tẹ ḅẹẹ, “Tabita, saakịị.” Tẹ á tọrụ finji tẹ Pita ẹrị tẹso, á nwẹnị tụkụ tẹ lẹgị.

Hiburu 5:7

Jizọsị tomikiri ḅẹ ḍumo ḅụ sime, sime sakị, oloku-oloku owu na, tọrụ owu-aminji sara na, mie ọ̀ kẹ Tamụnọ tẹkẹ, tẹkẹ tẹ ọ̀ ḅara ye ḅii ye, ori anie inetẹ fịị ḅụ ọ̀ ḅọrọma ḅẹ ḅọ ḅara ḅụ. Ọ̀ ḅụụ-lẹgịma tẹ tẹmẹ-la ḅara kẹ tẹkẹm ẹrẹsị Tamụnọ pịkị ọ̀ tẹkẹ naam.