Luku 22:40 - FỊAFỊA BAỊBỤLỤ

⁴⁰ Tẹ ori anịanga la tẹso, ọ̀ nwẹnị ịn ḅẹẹ, “Ọ́ tẹkẹẹ, mịẹtẹ ọ́ daaḍiki ḅio sọ ḅịa ḅara.”

Luku 22:40 Iomraidhean Croise

1 Paka-aị 4:10

Jabẹsị nwẹnị Izirẹlịapụ tẹkẹarị Tamụnọ ḅe sịn tẹ ḅẹẹ, “Yei Tamụnọ àrị ị́ sịn-arị mịẹ tẹ ị́ ị̀ boma tẹ ị̀ ama mẹ mịẹ ḍụḅama, mịẹ tẹ ị́ ḅara mẹ ị̀nịna sime tẹ ye kẹ ị̀ lama ḅẹ ye ḅụ ì koko, mịẹtẹ anị ye kẹ ḅarị ị̀ lama ḅịa ḅara!” Tamụnọ nwẹnị ò ḅii ye mẹ kẹ ọ̀ pịrị.

Devidi-Anume 119:133

Ị́ wẹrịtẹ minini tẹ ḅara ḅụ, ḍụkụ tẹ à ḅịkị ma; ḍụkụ tẹ siye ị̀ nẹngịma ma.

Devidi-Anume 17:5

Sakị mamgba àrị í etela ḅụ mẹnjị tẹ tẹ amụ à pịkị anị ḅụ iri-a.

Devidi-Anume 19:13

Pịkị tọrụ-gelegele mịẹarị asi ḅụ ị̀ wẹrị ḅelemaa; ḍụkụ tẹ arị ḅẹrẹtọn ị̀ pịrị ma. Anịsakị à kara-gbasị tẹ si mịẹ ye ḅụ paka-ḅo ḅa.

Matiyo 6:13

Ḍụkụ tẹ wa mu kụrọtẹ daaḍiki ḅio sọma, kụma Si-ḅọ ḅe ḅara-ḅio wa ḍụa pakama-ḅo.”

Luku 11:4

Wamịna asi wẹrịso wa pịrịị, wamịnị sọ wẹrịso si kẹ wa mịẹ ḅọ, mịẹ ḅọ pịrị-pịrị ḅara. Tẹ ḍụkụ tẹ wa mu kụrọtẹ daaḍiki ḅio sọ ma.

Luku 22:46

Tẹ ori ịn ḅẹẹm, “Ó tiegotẹ monoarị? Ọ́ saakị tẹ tẹkẹẹ, ó ḅofa daaḍiki ḅio sọ.”

1 Pita 4:7

Ye mamgba ḅẹ kunoma kpeki tẹ. Ọ́ ḅụụ ọlọ tẹ ẹbị ḅara simee, mịẹtẹ ọmịnị inetẹ tẹkẹ ḅẹ ḅara.

Mịẹfinji 3:10

Ị́ à tọnm inema ḅẹ ḅara mẹ mịẹ tẹ ẹrẹsị, arị ị́ koko kpaịnma ḅa, ḅo tomikiri mẹ gbaịn ḅarị ḅụụ-fụka tẹ tomikiri ḅẹ atomi mamgba daaḍiki ḅarịye mẹ ḅụ.