Luku 22:36 - FỊAFỊA BAỊBỤLỤ

³⁶ Jizọsị nwẹnị ḅẹẹ, “Mịọkụ mẹ kụma igbigi sụa akpa-o, ye-sụa akpa-o nyanaḅọ anị ọkịị, tẹ okologie nyana-a ḅọ amịna ọgọnọ ḅẹ kapa dẹrị tẹ kẹ gberie fẹẹ.

Luku 22:36 Iomraidhean Croise

Matiyo 10:10

Ó muarị sakị, ye ḅii akpa sọ ọmịnị amụ tẹ mu ma, ọ́ pịkị ḍima kapa na okuro na ọkị ma; mkpara sọ ọmịnị ọlọ ma. Kọrịnama-kọrịḅọ ḅe kẹ anga ḅẹ ye mẹ ịn kẹ ọ̀ pịrị-a so so-a.

Luku 22:35

Anịtẹso Jizọsị nwẹnị ò ḍukamẹnjịapụ ma gbela, “Àrị ọ́ fịrịma pakama tẹ ọmịnị igbigi sụa akpa na, ye-sụa akpa na okuro na ọkị-a sakị mẹ ḅụ ọmịna ḅụụ fụkama ye emi?” Ịn nwẹnị pakịrị, “Gberie-sọ ofori.”

Luku 22:37

Yẹrị ḍuko ọ́ pịrịarị, mịnẹ Fịafịa Ḍiri mẹ ḍuko ye mẹ, ‘Ini ịn kẹ si-mịẹapụ mịẹ-mịẹ ḅara kẹ ọ̀ mịẹm,’ ḅẹẹ ye mẹ ị̀ ḅụụ paka ḅa, ị̀ ḅụụ kẹẹ ye mẹ paka ḅẹ ẹrẹsị.”

Luku 22:38

Tẹ ò ḍukamẹnjịapụ ma nwẹnị ḅẹẹ, “KỊNỊNYANAḄỌ, ḍikii, wa maa okologie nyana wararị mịanga.” Ori mẹẹ, “Anie boo wararị.”

Jọnị 15:20

À ḍuko ọ́ pịrị tẹ ye mẹ ọ́ nwẹn kẹ ḅiokoromaa. Gbọrụ omoniḅọ sọ amịna nyanaḅọ nẹngị nẹngị-a. Ịn ḅaa-ḅọkọ kẹ ị̀ ḍọkịm ḅẹḅẹ, ịn pịkị ḅaa-ḅọkọ kẹ ọmịnị sọ ḍọkị ḅa; ini ì tolumaye mẹ ḍuko ḅara mịẹm ḅẹḅẹ, ịn pịkị ọmịna nye ḍuko ḅara sọ mịẹ ḅa.

Jọnị 16:33

À miemẹ ḍuko ọ́ pịrị tẹ, mịẹtẹ ọmịnị ị̀ ḅụ oḅolo sime tẹ dein nyana ḅarị ḅara. Tomikiri ḅẹ atomi ọ́ kẹ tọrụsiẹrịma ḅa. Kụma ó ḅiokpọọ! À tomikiri mẹ nẹngịma tẹ!”

1 Tẹsalonịka 3:4

Kẹ gotẹ ọkọ ḍukoarị, wa ọmịnị na sime, sime sakị, wa ḍuko ọ́ pịrị wẹrị tẹ mịnẹ ịn ḅaa-ḅọkọ kẹ wa ḍọkị ḅa, tẹ ó nimi lama wararị ḅara ḅụ, kọkọ-kọkọ, wa ḍuko ye mẹ paka tẹ.

1 Pita 4:1

Kịrayịsị meni-oju ḅụ tọrụsiẹrịm ḅẹ sakị, ọmịnị sọ ọmịna aḅụụ mịẹ kụrọmaa, ọ̀ nyana kuroma mẹ nyana ḅụ, kẹ gotẹ ọkọ ḍukoarị meni-oju ḅụ tọrụsiẹrịarị ḅọ mẹ mḅọ ḅarị si na mịẹye nyana-a.