Luku 22:34 - FỊAFỊA BAỊBỤLỤ

³⁴ Jizọsị nwẹnị ḅẹẹ, “Pita, yẹrị ḍuko ị́ pịrịarị, mị ḍiin, ọḅọkọ paan ḅịa nwenii ị́ tẹra asakị kẹ ì piki tẹ ḍuko ḅa mịnẹ í ì nimi-a.”

Luku 22:34 Iomraidhean Croise

Matiyo 26:34

Jizọsị nwẹnị Pita ḅẹẹ, “À ḍuko ị́ pịrịarị, mịnẹ mị ḍin ḅụ tarị ọḅọkọ amụ paan-a ogbo, ị́ tẹra sakị kẹ ḅẹẹ ḅa mịnẹ í ì nimi-a!”

Matiyo 26:74

Anịtẹso Pita nwẹnị ḅẹẹ, “À ye karị ị̀ ḅụụ pịrị tẹ karakara mẹ ḍukoarị! Yee Tamụnọ fomu-ḅara ḅo ị̀ la, à paa iruoarị ḅẹḅẹ! Anị tomḅọ ḅe àrị ò nimi-a!” Anịtẹso anị gbọrụ sakị ḅụ ọḅọkọ nwẹnị paan,

Makị 14:30

Tẹ Jizọsị Pita ḅẹẹm, “À ḍuko ị́ pịrịarị, tẹrẹmẹ maaịn karama ọḅọkọ paan mị ḍin, ị́ tẹra sakị kẹ ḅẹẹ ḅa mịnẹ í ì nimi-a.”

Luku 22:33

Pita nwẹnị pakịrị, “KỊNỊNYANAḄỌ, anị kẹ ḅo ye ḅọrọ ikoli-o, fịị-o, à minini ị́ pịrị wararị!”

Luku 22:35

Anịtẹso Jizọsị nwẹnị ò ḍukamẹnjịapụ ma gbela, “Àrị ọ́ fịrịma pakama tẹ ọmịnị igbigi sụa akpa na, ye-sụa akpa na okuro na ọkị-a sakị mẹ ḅụ ọmịna ḅụụ fụkama ye emi?” Ịn nwẹnị pakịrị, “Gberie-sọ ofori.”

Luku 22:61

KỊNỊNYANAḄỌ ḅe nwẹnị vuunma pịkị tẹ bio-bioma Pita ḍiki, tẹ Pita nwẹnị KỊNỊNYANAḄỌ ḅe kẹ ọ̀ ḅẹẹ ye mẹ kẹ ḅiokoroma, “Tẹrẹmẹ ọḅọkọ paan mị ḍin, ị́ tẹra sakị kẹ í ì nimim mẹ pịkị ḅa.”

Jọnị 13:38

Jizọsị nwẹnị pakịrị, “Karakara-ḅara-ḅụ ị̀ tẹlẹma tẹ mịnẹ ị́ fịị ị̀ pịrị ḅẹ? À karakara mẹ ḍuko ị́ pịrịarị: tẹrẹmẹ owi-ọḅọkọ paan ị́ tẹra asakị kẹ ḅẹẹ ḅa mịnẹ í ì nimi-a.”

Jọnị 18:27

Pita nwẹnị siin ḅẹẹ, “Ọkọ-a” tẹ anị gbọrụ kirikiri ọḅọkọ nwẹnị paan.