Luku 22:30 - FỊAFỊA BAỊBỤLỤ

³⁰ Ị̀ Ama mẹ ḅụ ọ́ fị-na-ḅuu-na ḅa ị̀ dẹbịlẹ ọgọnọ, tẹ ọ́ pịkị ọrụ emine, emine ḅụ lẹgị tẹ ḅẹrẹtọn ḅa Izirẹlị oyi maa furo finji ma ḅụ.

Luku 22:30 Iomraidhean Croise

2 Samụẹlị 19:28

Kẹ gotẹ ọkọ ḅẹẹarị, ị̀ ḍa warị mẹmgba anie tomi tẹ ịn fịị pẹlẹ pịrị tẹ apụ famam, ị́yẹrị ị̀ nyanaḅọ ḅe tọrọkọ; kụma ị́ yẹrị ị̀ fịrịmẹnjịḅọ kẹ inima tẹ ị́ dẹbịlẹ ḅụ fịye fịarị apụ ma ogbo-ḅio wẹrịm. Anịtẹrẹmẹ tọ jen ye sime ị̀ pịrị na-iḅi tẹ àrị owu ị́yẹrị ị̀ nyanaḅọ ḅe pịrị ḅẹ?”

Devidi-Anume 49:14

in sime fị pịrịm, anana sime fị pịrị ḅara; tẹ fị ḅo in ḍikiḍikiarịḅọ sọ ḅa. Karakaraye-mịẹapụ ma ịn nẹngịma ḅa, anie ịna oju ma sarasarama ḅụrụ-kọsịarị sakị ịna sime yọ mẹ Ḍuḅu ḅio mẹ ḅụ ḅele fa wararị in sime-sime ama mẹ ḅụ.

Matiyo 19:28

Jizọsị nwẹnị ịn ḅẹẹ, “À mịẹtẹ ọmịnị inetẹ nimi ḅa, mịnẹ Ḅo-ḅarị Ịwọ sakị mẹ, tẹ Tomḅọ Tụḅọ ḅe ori ebube emine ọgọnọ lẹgị ḅarị sakị mẹ ḅụ, ọmịnị ì ḍukamẹnjị oyi maa apụ finji ma sọ, ọkọ kẹ ọrụ emine, emine ọgọnọ lẹgị tẹ Izirẹlị ḅẹ oyi, maa afuro finji ma kọn ḅa.

Matiyo 5:3

“Ḅioḅẹlẹ sime ịn tẹmẹ ḅụ igoin wararị ḅara nimi apụ ma pịrịm; ini ma ịn Tamụnọ Ama-da suku-ḅio sọ tẹẹ!”

Matiyo 8:11

Ó nimi mịnẹ bebe tomikiri mẹ ḅụ tọnwa-apụ ḅo tẹ Ebira-amụ na, Ayịzịkị na, Jekọbụ na ḅụ sọ tẹ lẹgị tẹ ye fị ḅa, Tamụnọ Ama-da ḅo laa sakị.

Luku 12:37

Ịn Nyanaḅọ ḅo la tẹ in mono-a tẹ koruarị ye ẹrị kụma anị opu ḅioḅẹlẹma ye sọ arị afịrịmẹnjịapụ ma pịrị ḅa! À ḍuko ọ́ pịrịarị, ori ori ọgọnọ ḅẹ kapa sin koroma tẹ ịn ḅẹẹ tẹ ịn lẹgị tẹ ye fị ḅa, tẹ ori rẹ fịrịmẹnjị ịn pịrị ḅa.

Luku 14:15

Fịye mẹ suku lẹgị sime gbọrụḅọ nwẹnị miemẹ naa, tẹ Jizọsị ḅẹẹ, “Tamụnọ Ama-da yọ mẹ ḅẹ dẹbịlẹ mẹ suku ye fị ḅarị apụ ma, ḅioḅẹlẹ sime ịn pịrị wararị!”

2 Timoti 2:12

Wa inema tọrọkọ mu, muu, wa pịkị ori na sọ tẹ ḅẹrẹtọn ḅa. Wa ò piki ḅẹḅẹ, ori sọ wa piki ḅa.

Jemụsị 1:1

Jemusị, Tamụnọ na KỊNỊNYANAḄỌ Jizọsị Kịrayịsị na fịrịmẹnjịḅọ ḅe ḅara ḅo ḍiri mẹ: Ḅii-ḅịḅị sime Tamụnọ atomi ma tẹ bebe tomikiri mẹ ḅụ gala-gala wararị apụ mamgba pịrịị.

Mịẹfinji 19:9

Anịtẹso enjẹlị ḅe ḅẹẹm, “Miemẹ kẹẹ koromaa: Ịn sịn Anana Tụḅọ ḅe ere-ịya-alalị mẹ mu apụ ma ḅioḅẹlẹ sime ịn pịrịm.” Tẹ enjẹlị ḅe pịkị ị̀ ḅẹẹm, “Mịna ẹkwẹn ma anie Tamụnọ kọn karakara ẹkwẹn.”

Mịẹfinji 3:21

Owu-ḅara-iḅi nyana apụ ma à kụrọ kẹ ịn pịrị tẹ ini ị̀ na palịa ḅa ì emine ọgọnọ ḅụ, anie yẹrị sọ owu-ḅara-iḅi nyana tẹ mịọkụ ị̀ Ḍa na palịa wararị ḅara, ori emine ọgọnọ ḅụ.

Mịẹfinji 4:4

Ja sii ini emine finji ọkọrọ mịẹ tẹ emine mẹ ikelema-koro tẹ si inia omongiapụ finji arị ọgọnọ lẹgị, tẹ pịna-pịna akapa ḅiri tẹ golu ama-da sun sure wararị.