Luku 22:3 - FỊAFỊA BAỊBỤLỤ

³ Anịtẹso Ekwesu nwẹnị Judasị ḅụụ ḅio sọ, ori anie ịn kẹ Isikarịyọtị sịn ḅọ ḅe, pịkị Jizọsị Ḍukamẹnjị Oyi Maa apụ Finji ma ḅẹ gbọrụḅọ.

Luku 22:3 Iomraidhean Croise

Devidi-Anume 41:9

Ị̀ iḅi tẹịn ikiaḅọ ḅe, tẹ à kẹ ḅiokpọma tẹịn ḅọ ḅe, ị̀ na ị̀ fịye fị-fị ḅọ ḅe sọ, pịkị tẹ ị̀ na tụḅụrụ tẹẹ.

Matiyo 10:4

Sayịmọnị, ama ḅẹlẹmaḅọ ḅe na Judasị Isikarịyọtị, anie tọrọkọ Jizọsị kẹ dẹrịma ḅọ ḅe na.

Matiyo 26:23

Jizọsị nwẹnị pakịrị, “Amịna fịturu kẹ ị̀ na gbọrụ ẹfẹrẹ ḅio gbọn-fịarị ḅọ ḅe anie ị̀ kẹ dẹrịma ḅarị ye.

Matiyo 4:10

Anịtẹso Jizọsị nwẹnị pakịrị, “Ekwesu, mịanga ini ị́ fọnọ ḅelemaa! Fịafịa Ḍiri mẹ ḅẹẹm, ‘KỊNỊNYANAḄỌ ị́ Tamụnọ ḅe tẹkẹ tẹ fịrịmẹnjị ori ngẹrị pịrịị.’ ”

Luku 22:21

“Kụma ó ḍikii! Ị̀ kẹ dẹrịmarị ḅọ ḅe na ị̀ na mịanga ḅara gboloma ye fịarị!

Luku 6:16

Judasị, Jemusị tụḅọ ḅe na, Judasị Isikarịyọtị, anie tọrọkọ Jizọsị kẹ dẹrịma ḅọ ḅe na.

Jọnị 12:6

Ori igoin-apụ ma balam kẹ ò miemẹ ḍuko-a, kụma ori furuḅọọ ẹrẹsị. Ori anie ịna igbigi-kokoḅọ, tẹ sakị mamgba ogbo ḅẹ igbigi mẹ ḅụ ye kpọmbị, kpọmbị tẹ kẹ amịna ḅara kuḅu ḅẹ mịẹye mịẹ mịẹm.

Jọnị 13:18

“Àrị ọmịnị-mgba gboloma ye ḍuko-a; à sẹlẹ-ọkị tẹ apụ ma à nwẹn nimi wararị; kụma Fịafịa Ḍiri mẹ ḍuko ye mẹ paka ḅa mịnẹ, ‘Ị̀ na ì fịye fịarị ḅọ amịna ḅụụ kẹ ị̀ na fịya-a ḅọ mịẹ tẹ.’

Jọnị 13:2

Jizọsị na ò ḍukamẹnjịapụ ma na ḅoḅiri fịye fị anga simem. Anị sakị ḅụ Ekwesu ḅe Judasị, Sayịmọnị Isikarịyọtị tụḅọ ḅe, Jizọsị kẹ tomina ḅara-ḅio dẹrịma ḅẹ kuroma mẹ kẹ ọ̀ ḅioḅẹngbọ ḅụ suu wẹrị tẹ.

Fịrịmẹnjịapụ 5:3

Pita nwẹnị ọ̀ ḅẹẹ, “Ananayasị, í tiegotẹ ḍụkụ Ekwesu pịrị tẹ ori í ḅioḅẹngbọ sọ tẹ ị́ mịẹtẹ í iruo Fịafịa Tẹmẹ ḅe pịrịarị, ị́ ḅara la kiri igbigi mẹ ḅẹ pakịrị kẹ wẹrị ḅụ?