Luku 22:26 - FỊAFỊA BAỊBỤLỤ

²⁶ Ọmịnị kụma ọmịnị ọkọ kẹ anị ọkị ma, ọmịna ḅụ opu sọ tẹịn ḅarị ḅọ amịna ḅụụ kẹ iderima tẹịn ḅọ ọkị ḅa, sịḅịda ḅarị ḅọ pịkị amịna ḅụụ kẹ fịrịmẹnjịḅọ sọma ḅa.

Luku 22:26 Iomraidhean Croise

Matiyo 20:26

Ye sime-ḅara, sime-ḅara sọ, ọmịna ogboku ḅụ anị ḅara anie ye sime na-iḅi ḅara-a. Ọmịna ḅụ ḅẹ gbọrụḅọ ḅiiarị mḅọ opuḅọ sọ ḅẹḅẹ, mḅọ rẹ kirikọn-apụ fịrịmẹnjịḅọ sọọ;

Makị 10:43

Anị sime-ḅara, sime-ḅara sọ, anị mị-ḅara sime-a ọmịna ogboku. Ọmịna ḅụ gbọrụḅọ ḅiiarị mḅọ opuḅọ sọ ḅẹḅẹ, mḅọ kirikọn-apụ ma fịrịmẹnjịḅọ sọ nyanam;

Makị 9:35

Jizọsị nwẹnị lẹgị-sime, tẹ ò Ḍukamẹnjị oyi maa apụ finji ma sịn tẹ ịn ḅẹẹ, “Ḅẹḅọ-ḅẹḅọ tẹ ḅiiarị mḅọ tarịḅọ sọọ ḅẹẹ ḅọ, mḅọ amịna ḅụụ kẹ kunoma kiri ḅụ koroma nyanam kịnị mamgba ḅụ, tẹ pịkị kịnị mamgba fịrịmẹnjịḅọ sọọ.”

Luku 9:48

tẹ ịn ḅẹẹ, “Ị̀ ẹrẹ ḅụ ḅị tụḅọ ḅe daa-ọkị ḅọ ọkị ḅọ, ị̀ daa-ọkị tẹẹ; tẹ ị̀ daa-ọkị ḅọ ọkị ḅọ, pịkị ị̀ kẹ fịrịmaḅọ ḅe daa-ọkị tẹẹ. Ọmịna ḅụ iderima tẹịn ḅọ anie ọmịnị-mgba ḅụ tẹịn ḅọ.”

Romu 12:2

Ọ́ mị tomikiri mẹ ḅẹ apụ anga, anga ḅara ḍiki angama, kụma ó minini Tamụnọ pịrị tẹ ori ọmịna ḅụụ ḅio ḅụ ó ḍima, tẹ ọ́ gbọrsịḅị ịwọ ḅioḅẹngbọ sụa. Anịtẹrẹmẹ mie ọmịnị inetẹ Tamụnọ ḅiiarị ye nimi ḅarịye — iḅiye tẹ, ọ̀ ḅụụ-ḅẹlẹ tẹ, kpaịn fama wararị ye.

1 Pita 5:3

Ọ́ ḅẹrẹ tọn-tọn ịn pịrị ḅara kẹ ịn kẹ ọmịna ḅara sụa wararị apụ ma na anga ma, kụma ọmịnị ọmịna ḍumo kẹ in ḍikima tẹ anga ḅẹ ḅara sọma anana ogbo mẹ pịrịị.

1 Pita 5:5

Ọmịnị asawọ ma sọ ọkọ ḍikima tẹ sịḅị-tuu omongiapụ ma pịrịị, tẹ ọmịnị-mgba ḅụụ iderima kẹ tọrọkọ kikima ḅịtẹ sọma tẹ fịrịmẹnjị jụmọ-jụmọ pịrịị, kẹ gotẹ ọkọ ḍukoarị, Fịafịa Ḍiri mẹ ḅẹẹarị, “Tamụnọ ḅụụ-gelemarị ḅọ na tụḅụrụarị, kụma ḅụụ iderimarị ḅọ mẹ mie ori iḅi tọrụ kẹ ḍikiarị.”