Luku 22:22 - FỊAFỊA BAỊBỤLỤ

²² So tọn fịị mie Tomḅọ Tụḅọ ḅe kọn ḅẹ muarị, kụma tẹkẹlẹ sime ọ̀ kẹ dẹrịmarị ḅọ ḅe pịrị ḅa!”

Luku 22:22 Iomraidhean Croise

Suku-saakị 3:15

À fịya-a kẹ ị́yẹrị na, ẹrẹḅọ ma na ogboku koroma ḅa, pịkị í furo-ḅẹ-ḅọ na, á furo-ḅẹ-ḅọ na; á furo-ḅẹ-ḅọ ị́ sịḅị fomu kọsịma ḅa, anịsakị ị́yẹrị mḅọ ḅụọ-tongu gbọn ḅa.”

Zẹkaraya 13:7

Kụrọmamgba nyana KỊNỊNYANAḄỌ ḅe ḅẹẹarị, “Mono ḅụ saakị, okologie, tẹ owu kẹ namakọrị ị̀ pịrịarị anana-ḍikiḍikiḅọ ḅe paka! Ọ̀ ḅaa, tẹ anana ma gala-gala ḅa. Yẹrị owu kẹ ị̀ atomi paka ḅa,

Matiyo 26:24

Tomḅọ Tụḅọ ḅe fịị ḅa Fịafịa Ḍiri mẹ wẹrịtẹ ḅẹẹ ḅara, kụma tẹkẹlẹ kpọma sime Tomḅọ Tụḅọ ḅe kẹ dẹrịmarị ḅọ ḅe pịrị ḅa! Ọkọ sime pịrị ḅarị tomḅọ mẹ mḅọ gbala-gbala iyi-a iḅi mḅọ iyim mẹ nẹngịm!”

Matiyo 27:5

Tẹ Judasị nwẹnị igbigi ma kẹ Tamụnọ-warị mẹ ḅio wọịma sara tẹso, ọ̀ nwẹnị mu ọ̀ ḅụụ kpọọ ḅaam.

Makị 14:21

Tomḅọ Tụḅọ ḅe ọ̀ fịị ḅa, Fịafịa Ḍiri mẹ ḅẹẹarị ọ̀ fịị ḅa nwẹn ḅẹẹ ḅara mẹ; kụma anị kpọma ḅalafama ḅara sime anị tomḅọ mẹ tẹ Tomḅọ Tụḅọ ḅe kẹ dẹrịmarị ḅọ mẹ pịrịm! Mimgbe mḅọ gbala-gbala iyi-a iḅi mḅọ miemẹ mịẹ nẹngịm!”

Luku 22:23

Tẹ ịn nwẹnị saakị jụmọ-jụmọ gbela ịna ḅụ tụḅọ ḅọrọ inetẹ miemẹ mịẹ ḅarị ḅoto.

Luku 24:46

tẹ ịn ḅẹẹ, “Mie anị kẹẹ ḅara: Mẹsaya ḅe tọrụsiẹrị ḅa, tẹ tẹra aḍin karama ene ḅụ ọ̀ fị-ḅụ-saakị ḅa,

Jọnị 17:12

Yẹrị na ini na emi sakị ị́ ẹrẹ mẹ ḅẹ kụrọ mẹ mie à kẹ in koko kpaịnma ye, anie ị́ kẹ ị̀ pịrị ẹrẹ mẹ. Àrị ịn wẹrị kpaịnmam, tẹ ịna ḅụ gbọrụḅọ sọ fa-a, sime fa pịrị gbọrụḅọ ḅe sikima, mịẹtẹ Fịafịa Ḍiri mẹ ḍuko ye paka ḅẹ ḅara.

Fịrịmẹnjịapụ 10:42

Ori tọn wa pịrịm mịnẹ wa Iḅi-Oku mẹ ḍuko tomi pịrịị, tẹ pịkị mịẹtẹ in nimi mịnẹ ori anie Tamụnọ kẹ ḍumo wararị apụ na fịtẹ-apụ na kọn ḅẹ ḅọ sọma tẹ ḅọ ḅee.

Fịrịmẹnjịapụ 17:31

Kẹ gotẹ ọkọ ḍukoarị, ori ene pẹlẹ wararị, ọ̀ karakara ḅụ bebe tomikiri mẹ kọn ḅẹ ene, ori sẹlẹ ọkị tẹ gbọrụ tomḅọ ḅe ḅara ḅụ. Ori anị ḅẹ elekima kẹ ọrụḅọ-ọrụḅọ ḍie tẹ, fịị ḅụ anị tomḅọ ḅe saakịma ḅụ!”

Fịrịmẹnjịapụ 2:23

Tamụnọ ḅarana anịngẹ-kụraḅio tọn koroma ḅara ḅụ, in Jizọsị ḅe saḅama ọ́ pịrị tẹ ọmịnị ọ̀ ḅaa ḅa, ọ̀ kẹ si-mịẹapụ pịrị tẹ ini ọ̀ kẹ ẹngbẹsẹ-sịn ḅụ ḅakụ ḅụ

1 Pita 1:11

Ịn pịkị ḍọkị-nimi ḅẹm, sakị mẹ na, anị ḅo ḅẹ ḅara na. Mị sakị mẹ mie Kịrayịsị Tẹmẹ ḅe tẹ ịna ḅụụ ḅio sime ḅọ ḅe ḅara kẹ tọkịma sime ye, tẹ ịn nwẹnị Kịrayịsị ye-inema alama ḅụ ẹrị ḅẹ atọrụsiẹrị ma na arị ḍuka ma-ḅo ḅarị ebube mẹ na ḅẹ ịkịan kuro.

2 Pita 2:3

Ịna opu pọkọ-ḅẹngbọ ḅụ mịna iruo ye-tolumapụ ma, ini ḅarana kuroma ḅo ịlụkụ ma gbaa-gbaa ọ́ pịrị tẹ ọmịna ḅụ sọye fị ḅa. Alatẹ sakị kụra-ḅio ịn kọn ḅarị Ḅẹrẹkọnḅọ ḅe tẹlẹma tẹ emi, tẹ ịn Ḅaa guluguluma ḅarị ḅọ ḅe sọ mono-a tẹ ẹbịarị.