Luku 22:19 - FỊAFỊA BAỊBỤLỤ

¹⁹ Anịtẹso ọ̀ nwẹnị fịturu pakịrị ọkị, ịmịẹtẹ kẹ Tamụnọ ḅẹẹ, tẹ anị paịn tẹ kẹ ịn pịrị, tẹ ḅẹẹ, “Mie ì oju tẹ ịn kẹ ó gotẹ pịrị ye mẹ. Ó mie mịẹ tẹ kẹ ị̀ kẹ ḅiokoromaa.”

Luku 22:19 Iomraidhean Croise

Devidi-Anume 111:4

KỊNỊNYANAḄỌ ḅe ḍụkụ tẹ wa ọ̀ ḅụụ-buama amịẹaị ma kẹ ḅioḅọrọma-a; ori iḅi ḅara kẹ kịnị na mịẹarị, ọ̀ pịkị ọkụrụkụrụ nyana wararị.

Sọlọmọnị Ḅẹlẹtẹịn Nume 1:4

Ị̀ ọkị tẹ wa mangị-so; ị̀ amadaḅọ sọ tẹ ị̀ kẹ í ḅio muu. Wa ḅioḅẹlẹ gboloma ḅa; ḅuu gbẹdẹmaa, tẹ ḅẹlẹma ḅio sọ faa. Ereme mamgba ị́ ḅẹlẹmarị ye mẹ ḅụụ-buamaye-o!

Izikẹlị 37:11

Tamụnọ ị̀ ḅẹẹm, “Fịị-fịị tomḅọ, Izirẹlịapụ ma ịn mịna mgbe ma na kịkarị. Ịn ḅẹẹarị mịnẹ ịn samụnọ-kpakịkị tẹ, tọrọkọ-jụ gbọrụ ḅiokpọmaye sọ ịn ḅarị nyana-a.

Izikẹlị 5:5

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Jeruselemu ḍikii. Yẹrị á kẹ tomikiri mẹ karakara ogboku koromam, osi asịẹ mamgba nwẹnị á gbori-ikelema.

Danẹlị 2:38

Ori ị́ kẹ tomikiri angarị apụ mamgba ḅẹrẹtọnḅọ mịẹ tẹẹ, pịkị nama na feni na amẹẹ mamgba ḅẹrẹtọnḅọ naa. Ị́yẹrị anie golu sịḅị mẹẹ.

Matiyo 14:19

Ọ̀ nwẹnị tọn tomi ma pịrị mịnẹ ini osuka mẹ ọgọnọ lẹgị-simee; anịtẹso ọ̀ nwẹnị ịna ḅara fịturu sọnọ akpo ma na inji maa mgbọ ma na daa-ọkị, tọrụ saakị so da, tẹ ịmịẹtẹ kẹ Tamụnọ ḅẹẹ. Ọ̀ nwẹnị fịturu kpo-kpo ma paịn-paịntẹ kẹ ò ḍukamẹnjịapụ ma pịrị, tẹ ini nwẹnị kẹ tomi ma pịrị.

Matiyo 15:36

Anịtẹso ọ̀ fịturu sọnọma akpo ma na inji mẹ na ọkị tẹ ịmịẹtẹ kẹ Tamụnọ ḅẹẹ tẹ arị paịn-paịntẹ kẹ ò ḍukamẹnjịapụ ma pịrị, tẹ ini nwẹnị kẹ tomi ma pịrị.

Luku 22:17

Anịtẹso Jizọsị nwẹnị iru mọngị ọkị, tẹ ịmịẹtẹ kẹ Tamụnọ ḅẹẹ, tẹ ḅẹẹ, “Ó miemẹ ọkị tẹ daa saḅama jụmọ-jụmọ pịrị ḅuu.

Luku 22:20

Anị gbọrụ ḅara ḅụ, in ye mẹ fị fama tẹso, ọ̀ mọngị mẹ kẹ ịn pịrị tẹ ḅẹẹm, “Mie Tamụnọ ịwọ ọḅọkụ mẹ tẹ ị̀ ọmbie mẹ mịẹ kụrọmarị ye mẹ, tẹ ọsụ-sara ọ́ pịrị ye mẹ.

Luku 24:30

Ọ̀ lẹgị sime tẹ ini na ye fị ḅẹ tẹso, ori nwẹnị fịturu mẹ ọkị, tẹ anị boma tẹ paịn tẹ kẹ ịn pịrị.

Jọnị 6:23

Tayịberiyasị ḅụ ḅo ja arụ nwẹnị KỊNỊNYANAḄỌ ḅe ịmịẹtẹ kẹ Tamụnọ ḅẹẹ tẹ fịturu kẹ tomina-ogbo mẹ pịrị fị anga mẹ na kpeki pọkụ ḅụ sọma.

Jọnị 6:51

Yẹrị anie ḍumo wararị fịturu mẹ, tẹ So-ḅio koro ḅo ye mẹ. Tomḅọ mị fịturu mẹ fị-fị, mḅọ ḍumo gbamaso ḅa. À kẹ ọ́ pịrị ḅarị fịturu mẹ anie ì oju ḅẹ meni mẹ, anie tomikiri mẹ ḍumo gotẹ à kẹ pịrịarị ye mẹ.”

1 Kọrịntị 10:16

Wa KỊNỊNYANAḄỌ ḅe Ḅoḅiri Fịye mẹ fịarị sakị, wa kọpụ ọkị tẹ ịmịẹtẹ kẹ Tamụnọ ḅẹẹ tẹ anị ḅio simearị iru mẹ ḅuuarị. Wa anị ḅuuarị sakị wa Kịrayịsị ọmbie mẹ ḍiyarị. Tẹ wa paịn-arị fịturu mẹ sọ, wa anị fịarị sakị, wa Kịrayịsị oju ḅẹ meni mẹ ḍiyarị.

1 Kọrịntị 10:4

tẹ pịkị gbọrụ tẹmẹ minji mẹ ḅuum. Ini na mẹnjị sime tẹmẹ ḅụ ḅẹ ịkụ ḅe ḅẹ minji mie in ḅuu ye, tẹ anị ịkụ ḅe anie Kịrayịsị ḅioju.

Galesiya 1:4

Mị sakị mẹ ḅẹ si tomikiri mẹ ḅẹ omoni ḅara-ḅio wa pakama-ḅo ẹrẹsị Jizọsị Kịrayịsị amịna ḅụụ kẹ wamịna asi ma ḅẹ agba mịẹ wa pịrịm, wamịna Tamụnọ pịkị wamịna Ḍaḅọ ḅe ḅịḅị poki ḅụ.

Galesiya 4:25

Ega, tẹ sịẹ Sayịnayị, Arebịya ḅẹ Tụndụ mẹ pịrị ḅọ ma, anie ịn kẹ mịọkụ simearị Jeruselemu mẹ tọnma ḅọ, mịọkụ anị na anị ḅẹ atomi mamgba na omoni ḅara-ḅio emi.

Ẹfisọsị 5:2

Ḅẹlẹma ḅẹrẹtọn ọmịna ḍumo pịrị, anie Kịrayịsị kẹ wa ḅẹlẹma tẹ wa gotẹ ò ḍumo saakị Tamụnọ pịrị ḅara mẹ, anị nwẹnị kụnụarị agba sọ tẹ Tamụnọ ḅioḅẹlẹma.

1 Tẹsalonịka 5:18

paka ye, paka ye sọ, ọmịnị ịmịẹtẹ kẹ Tamụnọ ḅẹẹ. Miemẹ anie Tamụnọ ọmịna aḅara ḅiiarị ye, ọ́ Kịrayịsị na gbọrụ ḅụ sime tẹ kọn-arị ḍumo mẹ ḅụ.

Tayịtọsị 2:14

Ọ̀ wa gotẹ ọ̀ ḅụụ saakị pịrịm, tẹ si-sịḅịḅio mẹmgba ḅụ wa pụkọ-pakamaḅo, tẹ wa mịẹtẹ wa kpaịntẹ atomi sọ tẹ sime ori kịngẹ pịrị, tẹ iḅiye ngẹrị mịẹ ḅẹ ḅio-sẹsẹ nyana.

1 Pita 2:24

Kịrayịsị ḅarana ori oju ḅio wamịna asi ma dogi tẹ kẹ ẹngbẹsẹ-sịn mẹ mum, mịẹtẹ wa fịị si pịrị tẹ ḍumo karakara mịẹ pịrị ḅẹm. Ori oju kiri mẹ ḅẹ ịnọ ma ḅụ mie wa ḅọrọ tẹ gwọ ye.