Luku 22:18 - FỊAFỊA BAỊBỤLỤ

¹⁸ À ḍuko ọ́ pịrịarị, Tamụnọ Ama-da yọ mẹ ḅo-a ogbo, à ḅarị jen kẹ mị iru mẹ ḅuu ḅịa.”

Luku 22:18 Iomraidhean Croise

Devidi-Anume 104:15

tẹ iru mịẹ pakama-ḅo tẹ anị ịna aḅioḅẹlẹmarị, olivu sịnmgbọlị kẹ mịẹ olo pịkị ịna atọrụ-ḅẹlẹmarị, tẹ fịturu pịkị ịnyọ kẹ ịn pịrịarị.

Sọlọmọnị Ḅẹlẹtẹịn Nume 5:1

Àrị ị̀ ḍụọ sọ-ḅo tẹẹ, ì ḅioḅẹngbọ ḅẹlẹmarịḅọ, arị ịya-ḅẹ-ẹrẹḅọ. Àrị ị̀ kụnụaị na maha na kobiriarị; àrị ị̀ ḅẹm taḅa tẹ kpoo tẹ ye mẹ fịarị; àrị iru na ndo-minji na ḅuuarị. Ḅẹlẹmapụ, ọ́ fị-na-ḅuu-na, nwenii ḅẹlẹma ọmịna tọrụ-ḅaa!

Ayịzaya 25:6

Mị anga Zayọnị tụndụ ọgọnọ ḅụ Kụrọmamgba nyana KỊNỊNYANAḄỌ ḅe opu alalị tẹlẹma tomikiri ḅẹ asịẹ mamgba pịrị ḅa — yela tẹịn fịye na iḅi tẹịn iru na kẹ fị ḅẹ alalị.

Ayịzaya 55:1

KỊNỊNYANAḄỌ ḅe mẹẹ: Minji ḅu pọkọ-tarịarị ḅọ goḅọ-goḅọ ḅoo, mie minji! Ọmịnị igbigi nyana-a apụ, ó ḅo mbịaka fẹ fị! Ḅoo! Iru na ndo-minji na fẹẹ ị́ gbẹẹ ḅẹ gbọrụ igbigi sọ ofori!

Danẹlị 2:44

Arị amadapụ ma sakị ḅụ So-ḅio ḅẹ Tamụnọ ḅe kunoma ḅịa ama-da yọ pakama ḅa. Gbala-gbala kịnị anị nẹngịma ḅịa, kụma anị ye-kọnma-a ḅara kẹ tomikiri ḅẹ ama-da mamgba guluguluma ḅa, anị tẹso, anị sime gbamaso ḅa.

Zẹkaraya 9:15

Kụrọmamgba nyana KỊNỊNYANAḄỌ ḅe ori atomi gbaịn ḅọrọma ḅa, tẹ ini si kẹ ịn tọn apụ ma ḅaa guluguluma ḅa. Owu-kiri ḅụ ini iru-tọrụ-ḅaatẹ owiapụ kịka tẹ oloku ḅa tẹ si kẹ ịn tọn apụ ma ọmbie ọsụma ḅa; anị agba ọmbie tẹ kẹ bọlị ḅio sụa tẹ kẹ agbamịẹ-anga mẹ ḅụ sara tẹ ọsụma paka-ḅoarị ye kịka ḅa.

Zẹkaraya 9:17

Amakiri mẹ tọ-ḅara kẹ iḅi tẹ tọrụ-gbẹ ḅẹ! Asambịrịma apụ ma ḍụḅa paka-ḅo tẹ kụrọ ḅa anị ḅẹ mbịaka na iru na ḅụ.

Matiyo 16:18

Ọkọẹrẹsị à ḍuko Ị̀ pịrịarị, Pita; ịkụụ, tẹ mị ịkụ mẹ ọgọnọ mie arị ị̀ sọsị mẹ nama ḅarị ye, tẹ fị kụrọ sọ inetẹ anị nẹngịma ḅịa.

Matiyo 26:29

À ḍuko ọ́ pịrịarị, à ḅarị jen-maaịn kẹ mị iru mẹ ḅuu ḅịa, nwenii ị̀ Ḍa ḅe Ama-da tẹ ḅẹrẹtọn-arị anga mẹ ḅụ àrị ọmịnị na ịwọ iru mẹ ḅuu sakị la ḅa.”

Makị 14:23

Anịtẹso ọ̀ kọpụ mẹ ọkị tẹ ịmịẹtẹ kẹ Tamụnọ ḅẹẹ tẹ anị kẹ ịn pịrịm; tẹ inimgba anị ḅio sime ye mẹ ḅuum.

Makị 14:25

À ḍuko ọ́ pịrịarị, à ḅarị mị kụrọ mẹ ḅẹ iru mẹ ḅuu ḅịa nwenii à Tamụnọ Ama-da yọ mẹ ḅụ ịwọ kụrọ iru mẹ ḅuu sakị la ḅa.”

Makị 15:23

Anịanga ịn maa nwẹn-sịn ḍiri kẹ gwa tẹ iru kẹ ọ̀ pịrị ḅuu ḅẹ ḍọkịm, kụma Jizọsị ḅuu ḍụkụ-a.

Makị 9:1

Tẹ ọ̀ paa ẹkwẹn tọrọkọ mu tẹ ḅẹẹm, “À ḍuko ọ́ pịrịarị, mịanga ja apụ emi tẹ fịị ḅịa nwenii ịn Tamụnọ Ama-da mẹ kụrọ ḅụ ḅọ ḅarị sakị mẹ ẹrị ḅa.”

Luku 21:31

Anị gbọrụ ḅara ḅụ ọ́ mịna aị ma saakị pakarị mẹ ẹrị ḅẹḅẹ, ó nimi ḅa mịnẹ Tamụnọ Ama-da mẹ ḅo kpeki tẹ.

Luku 22:16

Kụma à ḍuko ọ́ pịrịarị, à ḅarị jen kẹ anị fị ḅịa nwenii Tamụnọ Ama-da yọ mẹ ḅụ anị fiearị ye mẹ giregire paka sakị la ḅa.”

Luku 9:27

Mịẹ ḅarịye mie à ḍuko ọ́ pịrịarị, mịnẹ mịanga simearị ja apụ fịị ḅịa nwenii ịn tọrụngbọ kẹ Tamụnọ Ama-da mẹ ẹrị sakị la ḅa.”

Kọlọsị 1:13

Kẹ gotẹ ọkọ ḍukoarị, ori mie kanakana kụrọ ḅio wa pakama-ḅo tẹ ye wa la-a ḅara kẹ wa kẹ mu ọ̀ ḅẹlẹma Tụḅọ ḅe amakiri mẹ lama ḅọ,

Ḅẹrẹkọn-apụ 9:13

Kụma kụrọ mẹ nwẹnị ịn ḅẹẹ, ‘Àrị ị̀ ḅụụ paka-ḅoarị iru mẹ tẹ oru-atamụnọ ma na, tomi na tọrụ ḅẹlẹmarị ye mẹ wẹrịso tẹ mu yọngọ ama-ḅara na, ere-ḅara na, ọḅụ-na-kuḅu-na da-da opu asịn ma pịrị ḅẹ?’