Biblia Todo Logo
Bìoball air-loidhne

- Sanasan -




Luku 22:17 - FỊAFỊA BAỊBỤLỤ

17 Anịtẹso Jizọsị nwẹnị iru mọngị ọkị, tẹ ịmịẹtẹ kẹ Tamụnọ ḅẹẹ, tẹ ḅẹẹ, “Ó miemẹ ọkị tẹ daa saḅama jụmọ-jụmọ pịrị ḅuu.

Faic an caibideil Dèan lethbhreac




Luku 22:17
15 Iomraidhean Croise  

À ḅo iru kẹ agba mịẹ ọ̀ pịrị ḅa, tẹ ọ̀ kẹ ị̀ ḅọrọma ye mẹ ḅẹ ịmịẹtẹ kẹ ọ̀ ḅẹ ḅa.


Ị́ alalị-fịye kẹ ị̀ pịrị fịarị, ị̀nịna fịya-a apụ tọrọkọ ḅụ; ḅioḅẹlẹ ḅara ḅụ mie ị́ kẹ ị̀ da warị suu ye, tẹ à ḅuu furo ḅinma ḅẹ ḅara kẹ ị̀ kọpụ sụam.


Gbọrụḅọ-sọ jụmọ na fịye fị anịanịa ḅuu gboloma ma, mḅọ ḅẹlẹmarịḅọ fịị ye kẹ mḅọ dedema ḅụ. Gbọrụḅọ-sọ ọkụrụkụrụ nyana jụmọ pịrị ma, fịịḅọ mẹ nwẹnị mḅọ ḍaḅọ anịanịa mḅọ iyingiḅọ sọ.”


Ọ̀ nwẹnị tọn tomi ma pịrị mịnẹ ini osuka mẹ ọgọnọ lẹgị-simee; anịtẹso ọ̀ nwẹnị ịna ḅara fịturu sọnọ akpo ma na inji maa mgbọ ma na daa-ọkị, tọrụ saakị so da, tẹ ịmịẹtẹ kẹ Tamụnọ ḅẹẹ. Ọ̀ nwẹnị fịturu kpo-kpo ma paịn-paịntẹ kẹ ò ḍukamẹnjịapụ ma pịrị, tẹ ini nwẹnị kẹ tomi ma pịrị.


Anịtẹso ọ̀ fịturu sọnọma akpo ma na inji mẹ na ọkị tẹ ịmịẹtẹ kẹ Tamụnọ ḅẹẹ tẹ arị paịn-paịntẹ kẹ ò ḍukamẹnjịapụ ma pịrị, tẹ ini nwẹnị kẹ tomi ma pịrị.


In ye mẹ fịarị ogbo, Jizọsị nwẹnị fịturu ọkị, tẹ ịmịẹtẹ kẹ Tamụnọ ḅẹẹ tẹ, anị paịn tẹ kẹ ò ḍukamẹnjịapụ ma pịrị. Ori mẹẹ, “Ọmịnị ọkị tẹ fị, mie ì oju mẹ.”


In ye fịarị ogbo, Jizọsị fịturu kpoo ọkị tẹ ịmịẹtẹ ḅẹẹ tẹkẹ kọnm. Ọ̀ nwẹnị paịn tẹ kẹ ò ḍukamẹnjịapụ ma pịrị, tẹ ḅẹẹ, “Ọ́ daa, mie ì oju.”


Anịtẹso ọ̀ nwẹnị fịturu pakịrị ọkị, ịmịẹtẹ kẹ Tamụnọ ḅẹẹ, tẹ anị paịn tẹ kẹ ịn pịrị, tẹ ḅẹẹ, “Mie ì oju tẹ ịn kẹ ó gotẹ pịrị ye mẹ. Ó mie mịẹ tẹ kẹ ị̀ kẹ ḅiokoromaa.”


Jizọsị nwẹnị fịturu sọnọ akpo ma na inji amẹngbọ ma na ọkị tẹ tọrụ saakị so ḍiki, tẹ arị gotẹ ịmịẹtẹ kẹ Tamụnọ ḅẹẹ, ọ̀ nwẹnị arị paịn tẹ kẹ ò ḍukamẹnjịapụ ma pịrị mịnẹ in ḍie tomi ma pịrịị.


Gbọrụ ene ọkị gelemarị ḅọ mẹ gotẹ ọkọ mịẹarị ye mḅọ kụn kẹ KỊNỊNYANAḄỌ ḅe pịrị ḅẹ ḅara; fị-fị ye goyegoye fị ḅẹ-ḅiiarị ḅọ mẹ sọ KỊNỊNYANAḄỌ ḅe kụn gotẹ mịẹarị, gbala ọ̀ fịye mẹ gotẹ ịmịẹtẹ kẹ Tamụnọ ḅẹẹarị. Ja afịaị fị ḅẹ ḍọkị-a ḅọ mẹ sọ KỊNỊNYANAḄỌ ḅe kụn ḅẹ gotẹ ọkọ mịẹarị, tẹ ori ịmịẹtẹ kẹ Tamụnọ ḅẹẹarị.


Wa KỊNỊNYANAḄỌ ḅe Ḅoḅiri Fịye mẹ fịarị sakị, wa kọpụ ọkị tẹ ịmịẹtẹ kẹ Tamụnọ ḅẹẹ tẹ anị ḅio simearị iru mẹ ḅuuarị. Wa anị ḅuuarị sakị wa Kịrayịsị ọmbie mẹ ḍiyarị. Tẹ wa paịn-arị fịturu mẹ sọ, wa anị fịarị sakị, wa Kịrayịsị oju ḅẹ meni mẹ ḍiyarị.


À KỊNỊNYANAḄỌ ḅe ḅara daa-ọkị tolumaye mẹ mie à saḅama ọ́ pịrị ye: mịnẹ, KỊNỊNYANAḄỌ Jizọsị ḅe, ini ọ̀ kẹ tomina aḅara-ḅio dẹrịma gbọrụ ḍin mẹ ḅụ, ọ̀ fịturu pakịrị ọkị


Anịsakị ó fịye fị furo ḅinma ḅa, tẹ KỊNỊNYANAḄỌ ọmịna Tamụnọ ḅe kẹ ọ́ pịrị tẹ iḅi ama mẹ gotẹ ò boma ḅa.


Ọmịnị opu ama mẹ ḅio mẹnjị sọ-mu gbọrụ sakị, ọmịnị ọ̀ ḍọkị-ẹrị tẹrẹmẹ ò so gele yọ mẹ ḅụ fịye fị ḅẹ mu ḅa; kẹ gotẹ ọkọ ḅẹẹarị, agba mẹ ori anị boma nyanam, anịtẹrẹmẹ inima tẹ ịn sịn ḅo apụ ma fịye mẹ fị ḅa nwẹn ḅẹẹ sakị, tomi ma fịye mẹ fị ḅịa nwenii ò ḅo ḅa. Mịọkụ ọmịnị iwo muu, kẹ gotẹ ọkọ ḅẹẹarị, anị gbọrụ sakị ḅụ ọmịnị ori na bịama ḅa.


Lean sinn:

Sanasan


Sanasan