Biblia Todo Logo
Bìoball air-loidhne

- Sanasan -




Luku 21:36 - FỊAFỊA BAỊBỤLỤ

36 Sakị mamgba ọmịnị ẹbị tẹ tẹkẹẹ, ọmịnị ịnyọ nyana tẹ paka ḅe aị mamgba da-tolu tẹ ḅo Tomḅọ Tụḅọ ḅe tọrọkọ sịẹ ḅarị ḅara.”

Faic an caibideil Dèan lethbhreac




Luku 21:36
34 Iomraidhean Croise  

Kụrọmamgba Nyanaḅọ ḅe ḅụụ ò ḅioḅẹlẹ ḅe? Sakị mamgba ḅụ ọ̀ Tamụnọ sịn ḅa aro?


Tamụnọ ḅẹrẹ-ḅarasii pẹlẹ si-mịẹapụ ma pịrị ḅa tẹ ịn wẹrị ḅelema ḅa ori atomi ma ḅụ.


Mie ḅụ, Yẹrị, Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, mininitẹ mịnẹ Jonadabụ, Rekabụ tụḅọ ḅe sakị mamgba ò furo ḅẹ owiḅọ nyana tẹ fịrịmẹnjị ị̀ pịrị ḅa.”


Kụma tụḅọ inetẹ inema ḅẹ mọọ, ò ḅo sakị? Tụḅọ inetẹ sịẹsime ḅẹ mọọ, ò tolu paka-ḅo sakị? Ò ye-sịkịrị fịafịamarị ọsọn na pịkị ojo fọị fịafịamarị fịnị na kịka ḅa.


“Ọkọẹrẹsị, ọmịnị ẹbị nyana ḅụụ pịrịị, ọ́ Nyanaḅọ ḅe ḅo ḅarị ene mẹ ó nimi-a ẹrẹsị.


Kẹ tọnma ḅụ, ọmịnị sọ inetẹ nimi ḅara ḅụ, warị nyanaḅọ furuḅọ mḅọ warị ḅo ḅẹ sakị nimim namịna, mḅọ mono ḅịa tẹ koru tẹ, mịẹtẹ furuḅọ ḅe warị mẹ kan sọ-mu ḅịa ḅara.


Mị-ḅara ḅụ, ọmịnị sọ ọkọ kẹ sakị mamgba tẹlẹma tẹ koruu, kẹ gotẹ ọkọ ḅẹẹarị, Tomḅọ Tụḅọ ḅe ḅo ḅarị sakị mẹ ḅarị ọ́ kẹ ḅiotọn-a sakị sọ ḅịa ḅara.


Tẹ Jizọsị nwẹnị ẹkwẹn gbaịn, “Ọkọẹrẹsị, ọmịnị ẹbị nyana ḅụụ pịrịị, ọmịnị ene nimi-a, pịkị sakị sọ nimi-a ẹrẹsị.”


Ó koru tẹ tẹkẹẹ, mịẹtẹ ọ́ daaḍiki ḅio sọ ḅịa ḅara. Tẹmẹ ḅe minini wararị, kụma meni-oju mẹ ịnyọ nyana-a.”


Jizọsị nwẹnị ọ̀ pakịrị, “Pụnụ amẹẹ ma ini angarị ịḅụkụ nyana wararị, tẹ feni ma sọ feni-awarị nyana wararị, kụma Tomḅọ Tụḅọ ḅe sịḅị kẹ suu tẹ ịnyọ sara, sara anga kịngẹ sọ nyana-a.”


Ọmịnị ẹbịị, ọ́ tọrụ kiri la ḅara simee, sakị mẹ ḅo ḅẹ sakị mẹ ó nimi-a mẹ ẹrẹsị.


Ọkọẹrẹsị à ḍuko ọ́ pịrịarị ye mẹ, à ḍuko inweni-mgba pịrịarị: Ọmịnị ẹbịị!”


Enjẹlị ḅe nwẹnị pakịrị, “Yẹrị enjẹlị Gebịrẹlị, tẹ sakị mamgba Tamụnọ tọrọkọ sịẹarị ḅọ ḅe, ori anie ị̀ fịrịma ye mịnẹ à ḅo mị iḅi oku mẹ ḍuko ị́ pịrị.


Anịtẹso Jizọsị egberi gbaa ò ḍukamẹnjịapụ ma pịrịm, kẹ ye kẹ in toluma mịnẹ ịn sakị mamgba tẹkẹẹ, tẹ gbala-gbala ḅioḅẹngbọ ḅịkị nyana ma.


Kụma fị-ḅụ-saakị gbẹẹ owiapụ na ereme na, anị ḅo ọkọ la tẹ ịn fị-ḅụ-saakị tẹ ḅẹḅẹ ịn ḅarị owiapụ na ereme na sime ḅẹrẹ nimi-a.


ḍiein nama kun-ḅara. Anị ọkọ kẹ ḅo tomikiri sime apụ mamgba kun ḅa.


Ori Tamụnọ nimi tomḅọ, tẹ ori na ò bebe warị-kpo mẹmgba na sakị mamgba Tamụnọ tẹkẹ tẹkẹm. Ọ̀ pịkị ḅẹlẹma ḅarasụa Juu-ḅẹ igoin-apụ pịrị, pịrịm, tẹ sakị mamgba Tamụnọ tẹkẹ, tẹkẹm.


Ọmịnị ẹbịị; mininiye mẹ ḅụ ọ́ sịẹ-kụrọọ; ó ḅiokpọọ; ọ́ kụrọ-sịẹ.


Wa nimi wararị mịnẹ, fịị ḅụ KỊNỊNYANAḄỌ Jizọsị ḅe saakịma tẹ ò ḍumo Tamụnọ ḅe, wa kẹ Jizọsị na sụa saakịma tẹ kẹ ọmịnị na sụa ọkị mu ọ̀ tọrọkọ la ḅa.


Tẹkẹ ḅụ ọ́ ḅara-siin ma, tẹ ọ́ tẹkẹarị sakị ọ́ pịkị ẹbị nyana, tẹ ịmịẹtẹ kẹ Tamụnọ ḅẹẹ.


sakị mamgba ọ́ tẹkẹẹ,


Ị́yẹrị kụma, ị́ ḅụụ ọlọ-sịẹma, paka ye, paka ye sọ; tọrụsiẹrị inema alama, Iḅi Oku mẹ ḍukoarịḅọ kọrịnama mẹ kọrị, tẹ Tamụnọ fịrịmẹnjịḅọ ḅara kẹ sime ị́ pịrị fịrị mẹ mẹnjịị.


Ye mamgba ḅẹ kunoma kpeki tẹ. Ọ́ ḅụụ ọlọ tẹ ẹbị ḅara simee, mịẹtẹ ọmịnị inetẹ tẹkẹ ḅẹ ḅara.


Ọ́ tọrụ kẹ kiri lamaa, ọmịnị ẹbịị! Ekwesu, si kẹ ọ́ tọn-arị ḅọ ḅe, ọkụkụ oloku ḅara oloku ma ḅọrọarị, tẹ ọ̀ kanị pẹị ḅẹ ḅọ ḍọkịarị.


Ọkọẹrẹsị, ị̀ awọmẹ, ọmịnị ori na gbọrụ ḅụụ simee, mịẹtẹ ò tolu-sịẹ sakị, wa ḅiokpọ lama tẹ ḅarị ḅụụ-jịrị ḅụ ò ḅoarị Ene mẹ ḅụ ọ̀ ḅụụ ḅụ kikima ḅịa ḅara.


Ori tẹ inetẹ ọmịnị ọlọ-sịẹma tẹ ọ́ ḅarị ḅịkị ḅịa ḅọ ḅe, tẹ pịkị ḅụụ ḅụ ḅẹẹ, ḅẹẹ ye ofori ḅara na ḍereku na ḅụ ọmịnị ọkị-ḅo ori ebube tọrọkọ la ḅarị ḅọ ḅe,


Ḅẹrẹ-kiri sime maa apụ ma anie maa olivu asịn ma na maa atọnjọ ma na, tẹ tomikiri mẹ Nyanaḅọ ḅe tọrọkọ sịẹ wararị aị ma.


Ịna ḅalafama ịganị ene mẹ ḅo la tẹ, tẹ tụḅọ inetẹ sịẹ tẹ anị da ḅẹ!”


Mie ḅọrọ tẹso, à ḍiki tẹ ḅakatẹ inweni-ogbo ẹrịm — inetẹ arị atomi mamgba kịẹn fama ḅẹ ḅọ ofori! Tomi kịrị-kịrị na, furo goyegoye na, sịẹ goyegoye na, ẹkwẹn-ḅịḅị goyegoye na ḅụ in ḅom, tẹ pịna-pịnatẹ vọrọrọ-akapa sụa tẹ emine mẹ na, Anana Tụḅọ ḅe na tọrọkọ sịẹsimem, tẹ ini eneme ọrọrọ ọlọ wararị ịna aḅara ḅụ.


Anịtẹso à sọnọma enjẹlị ma, tẹ Tamụnọ tọrọkọ sịẹ wararị apụ ma ẹrịm, tẹ ịn sọnọma ọdụ kẹ ịn pịrịm.


Lean sinn:

Sanasan


Sanasan