Luku 21:34 - FỊAFỊA BAỊBỤLỤ

³⁴ “Ọmịnị ẹbị nyana-a! Anie ofori tẹ ọ́ fị-na-ḅuu-na ngẹrị kẹ mịẹ-mịẹye sọma tẹ, pịkị mị tomikiri ḅẹ ḅalaḅala kọn-arị ogbo, ḅiotọn-a ḅara ḅụ anị Ene mẹ ḅofa ḅo ó kun sịẹma,

Luku 21:34 Iomraidhean Croise

Suku-saakị 19:32

Ḅoo, ye wa mịẹtẹ wamịna ḍaḅọ iru ḅuu tọrụ ḅaama, anịsakị wa ori na ḅọlọlọ gboloma ḅa, mịẹtẹ wa wamịna ḍaḅọ ḅụụ ḅụ ḅọrọ tẹ wamịna furo pakama ḅẹ ḅara.”

Suku-saakị 19:35

Mie ḅụ ịn pịkị anị ḍin ḅụ ịna ḍaḅọ mịẹtẹ ori iru ḅuu tọrụ ḅaamam; kala ẹrẹḅọtụḅọ ma saakị mu ori na ḅọlọlọ gbolomam anịsakị á sọ-mu ḅọlọlọ sakị ò nimi-a, á saakị so sakị sọ ò nimi-a.

Suku-saakị 27:14

Mie ḅụ ò mu in kun tẹ ini ọkị-ḅo ò iyingi pịrịm; tẹ ò iyingi anị sọ tẹlẹma ọ̀ ḍa fị-fị ḅẹlẹ fịye ḅara wẹrịm.

Devidi-Anume 35:8

Kụma amụ in nimi-a ogbo fịị-faa ḅo in kuun-sịẹma ḅa: ini tuu ḍiein mẹ ini ọlọ tẹ ịn ḅịkị tẹ fịị gulugulu ḅa!

Egberima-Ẹkwẹn 21:4

Si-sịḅịḅio-sụa apụ ma ịna ḅụụ-gelema na opu ẹkwẹn na mie ḅẹrẹtọn ịn pịrịarị, anịsakị mie mẹ si mịẹẹ.

Egberima-Ẹkwẹn 23:20

Ị́ ḅụụ kẹ iru ḅuu ḅụramarị, anịanịa fịye kẹ ḅụụ-pikiarị apụ na gboloma ma.

Nimi Tolumaḅọ 9:12

Gbọrụ tomḅọ sọ amịna sakị nimi-a. Inji mu si ịgbọ ḅio sụka ḅara na, feni fiin mu ḍiein ḅio koro ḅara pembe ḅara na mie tomina awọmẹ ma kẹ mu si sakị ḅụ ḍiein ḅio koroarị ḅara, anị bẹkẹma ḅo ịn la tẹso, ọkụma.

Ayịzaya 28:7

Ịkịankoroapụ ma agbamịẹapụ na kịngẹ sọ iru ḅuu nwenii tẹ pụmbụma-pụmbụmarị. Ịn waịnị na kụrọ iru na pikiri ḅuu ḅụrama tẹ pụmbụ tẹ. Ịkịankoroapụ ma iru ḅuu ḅaka tẹ ḅarị Tamụnọ kẹ fịrịmarị ịkịan ma fiearị ye naa-a, tẹ agbamịẹapụ ma sọ iru ḅuu ḅaka tẹ ḅarị inetẹ ịn kẹ ịna tọrọkọ ḅo aḅẹrẹ kọn-pẹlẹa.

Hosiya 4:11

KỊNỊNYANAḄỌ ḅe ḅẹẹarị, “Iru — elemu ye na ịwọ ye na gboloma — mịẹ tẹ ị̀ atomi ḅarị sịḅịḅio nyana-a ḅara simearị!

Lẹvitikọsị 10:9

“Ọ́ mẹnjị Kobiri Akpụrụ-warị mẹ ḅio sọ-mu ḅarị sakị, ị́yẹrị, anịanịa í owiapụ-awọmẹ sọ kẹ ị́ ḅụụ sụa, iru nwẹn-sịn ye, anịanịa, tọrụ-ḅaa gbọrụ iru sọ ó ḅuu ma, anieofori ó ḅofa fịị; anị kẹẹ wararị oloko sọ ọ́ pịrị mu ḅụọ-fa-ḅụọ-paka la ḅa.

Matiyo 13:22

Nangị asịn ogboku koro mgbọlị ma fiearị ye anie, ini tẹ oku mẹ naa apụ, kụma mị ḍumo mẹ ḅẹ ḅụụ-ḅalaḅala na ngọ ḅẹlẹma na oku mẹ temi ḅaa sin tẹ ịn ḅarị mgbọlụ sụaa.

Makị 13:9

“Ọmịnị ma ḅioju ẹbị ḅụ simee. Ini ó kun tẹ ọ́ kẹ ḅẹrẹkọn warị mu ḅa. Ama-awarị ma ḅio ini ó fomu ḅa; ọ́ ḅẹrẹtọn-apụ na, amadapụ na tọrọkọ sịẹ ḅa ị̀ sịḅị ẹrẹsị, tẹ Iḅi-Oku mẹ ḍuko ịn pịrị ḅa.

Makị 4:19

kụma ḍumo ḅalaḅala na, ngọ ḅẹlẹma na, tomi nyana ḅẹ ḅiiarị ja kịrị-kịrị aị na, gbiima ịna aḅioḅẹngbọ sọ mu tẹ oku mẹ temi ḅaarị, tẹ ịn ḅarị mgbọlụ sụa-a.

Luku 10:41

KỊNỊNYANAḄỌ ḅe nwẹnị á pakịrị, “Mata, Mata! Ị́ kpọma tọnwa aị gotẹ ḅalaḅala tẹ,

Luku 12:40

Tẹ ọmịnị sọ ọkọ kẹ tẹlẹma na-iḅim, Tomḅọ Tụḅọ ḅe ó ḅiotọn-a sakị kẹ ḅo ḅarịye mẹ ẹrẹsị.”

Luku 17:3

Ọkọẹrẹsị ọmịnị ọ́ mịẹarị ye ḅụ ẹbị nyana-a. “Ị́ mịnaḅọ si mịẹ-mịẹ, ò ḍiki-ịganịị, ori anị ḅụ pịkịm ḅẹḅẹ wẹrịso ọ̀ pịrịị.

Luku 21:35

ḍiein nama kun-ḅara. Anị ọkọ kẹ ḅo tomikiri sime apụ mamgba kun ḅa.

Luku 21:8

Jizọsị mẹẹ, “Ọmịnị ẹbịị, ó mininitẹ kịnị oḅori kẹ ọ́ sịn ma. Tọnwa apụ ị̀ ẹrẹ kẹ ḅo tẹ ḅẹẹ ḅa, ‘Yẹrị anie Kịrayịsị ḅee!’ Ịn pịkị ḅẹẹ ḅa, ‘Sakị mẹ laa tẹ!’ Kụma ọmịnị ịn ḍuka-mu ma.

Luku 8:14

Nangị asịn ogboku koro mgbọlị ma anie naa tẹ tomikiri ḅẹ ḅalaḅala na, ngọ na mị tomikiri ḅẹ tọrụ-ḅẹlẹ na ḅo ịna ḅioḅẹngbọ ḅụ anị ponoma ḅaa apụ, tẹ ịn ḅụụkụrọma sụa mgbọlụ sọ gbala-gbala ḅịya-a gbamasom.

1 Kọrịntị 5:11

À fiearị ye anie, amịna ḅụụ kẹ Kịrayịsị ḍukamẹnjị mịnaḅọ sịn-arị ḅọ tẹ ama mẹnjị ḍumo kọn-arị ḅọ, anịanịa opu pọkọ-ḅẹngbọ sụa ḅọ, anịanịa oru tẹkẹarị ḅọ, anịanịa kịnị ḍuko simearị ḅọ, anịanịa iru ḅuu ḅụramarị ḅọ, anịanịa furuḅọ, ọmịnị mḅọ na gboloma ma. Ọkọ sime tomḅọ mẹ, mḅọ na lẹgị tẹ ḅara gboloma ye fị sọ ọ́ mịẹ ma.

1 Kọrịntị 6:10

anịanịa furuarị ḅọ, anịanịa opu pọkọ-ḅẹngbọ sụa ḅọ, anịanịa iru ḅuu ḅụramarị apụ anịanịa ja apụ ḍuko-simarị apụ, anịanịa furuapụ mịna aị ma mịẹarị apụ ma ḅẹ gbọrụḅọ-sọ Tamụnọ ama-da tẹ ḅẹrẹtọn-arị anga mẹ ḅụ sime ḅịa.

Galesiya 5:20

oru tẹkẹ na, arị amịẹaị na ḅụ. Anị mịẹtẹ kịnị fịya-a ḅara sime tẹ owu sọarị; anị pịkị mịẹtẹ kịnị afana na, ịganị na, opu sọlịma na tẹmẹ nyanarị. Ini ịna ḅụụ puu ḅelema tẹ pakịrị, pakịrị na ogbo-ogbo na ḅụ simearị;

Ditẹrọnọmị 29:19

Gbọrụḅọ-sọ ye karị ḅara kẹ fị ọḅọkụ mẹ ḅẹ ẹkwẹn-aḅịḅị ma naa tẹ ḅioḅẹngbọ ḅụ amịna ḅụụ boma tẹ ḅẹẹ ma: Ị̀ la ḅẹ ye ofori, àrị ị̀ kụrọtẹ ḅioḅẹngbọ ḅụ mẹnjị sọ! Miemẹ anị fomu-ḅara na gulugulu na dogi-ḅo tomi mamgba pịrị ḅa — iḅi-apụ na si-apụ na.

Filipayị 4:6

Ó gberie-sọ gotẹ ḅụụ-ḅalaḅala ma, kụma ọmịna tẹkẹ mamgba ḅụ, ọ́ Tamụnọ ḅara ọmịna ḅụụ-fụkamarị aị ma ḅii, tẹ sakị mamgba ịmịẹtẹ ḅẹẹarị ḅioḅẹngbọ kẹ ḅii.

Hiburu 12:15

Ọmịnị ọḅụ pịkị Tamụnọ ḍiki-ḅụụjịrị mẹ gbin mẹ ẹbịị. Yee gbọrụḅọ-sọ akụarị sịn sọ tẹ so-paka tẹ anị ḅẹ akụ mẹ ḅo tọnwa-apụ sima ma.

2 Pita 3:10

Kụma furuḅọ ḅo ḅara mie KỊNỊNYANAḄỌ ḅe Ene mẹ ḅo ḅarị ḅara. Anị Ene mẹ ḅụ So ma ịmaịn-faa ḅa, ḅeri-iningima ḅẹ ḅara ḅẹ fieye ḅụ, tẹ So-tọrụ simearị aị mamgba dọkị gulugulu-faa ḅa, tẹ kiri mẹ na anị ḅio sime ye goyegoye na ịmaịn-faa ḅa.

2 Pita 3:14

Anie ḅụ, ì ikiapụ, ọmịnị anị Ene mẹ koruarị ḅara ḅụ, ọmịnị, ọmịnị inetẹ ḅara, inetẹ ḅara mịẹ tẹ kpaịntẹ, ḅẹẹ, ḅẹẹ ye ofori ḍumo kọn Tamụnọ tọrọkọ, tẹ ori na dein ḅụ simee.

Mịẹfinji 3:3

Ọkọẹrẹsị ịn kẹ í toluma tẹ ị́ naa tẹ ye mẹ kẹ ḅiokoromaa; anị ḍiki anga tẹ ị́ asi ḅụ pịkịị. Í mono mẹ ḅụ saakị-a ḅẹḅẹ, à ḅo ị́ la ḅa, furuḅọ ḅo ḅara, tẹ à ḅo ḅarị sakị í nini ḅịa.

1 Samụẹlị 25:36

Abigẹlị nwẹnị Nabalị ḍọkụma-ḅo; anịsakị ḍikii, ori ọ̀ warị ḅụ amadaḅọ kopini afịaị kịka alalị fịarị. Tẹ Nabalị ḅioḅẹngbọ ò ḅio ḅụ ḅẹlẹarị, kẹ gotẹ ọkọ ḅẹẹarị, ori iru ḅuu-tọrụ-ḅama lama wararị; anieḅụ á gberie-sọ ḍuko ọ̀ pịrị-a nwenii dede-ḅio ene finji-korom.