Luku 21:26 - FỊAFỊA BAỊBỤLỤ

²⁶ Ḅo tomikiri mẹ la ḅẹ ḅoarị ye mẹ tomina ḅalafama nwenii ịn naịn-ḅọrọ so ḅa. So ḅio ḅẹ opu akụrọ mamgba gboloki ḅa.

Luku 21:26 Iomraidhean Croise

Ayịzaya 5:30

Anị ene mẹ ḅụ, ini ekire Izirẹlị pịrị ḅa, tẹ anị abajị fie ḅara fie ḅa. Paa mị ama mẹ ḍikii! Kanakana na ḅụụ-ḅalaḅala na! Kanakana bele mẹ mẹnị ọkị tẹ.

Lẹvitikọsị 26:36

“Inima tẹ ọmịna ḅụ kirikọn wararị apụ ma kụma, ini na fịya-a apụ ma ama ma ḅio à tẹmẹ-naịn-naịn kẹ ịna ḅioḅẹngbọ ḅụ suu ḅa, ịnyịnya jike tẹ fie kịngẹ sọ ịn mịẹtẹ ini okologie mẹ ḅụ ḍumo-mangị kọn ḅọ ḍumo-mangị kọn ḅara kẹ kụrọ mangị kọn ḅa; anịsakị gbọrụḅọ-sọ in ḍuka-a ogbo ịn ḅịkị ḅa.

Matiyo 24:29

“Arị ene ma ḅẹ ḅụụ-fụka mẹ ḅọrọtẹ soarị, soarị, ịrụa mẹ kanakana sọ ḅa, akalụ mẹ ḅarị ḅịya ḅịa, tẹ lolia ma So-tọrụ ḅụ sime tẹ siin-koro ḅa, tẹ So-tọrụ ḅẹ akụrọ mamgba gboloki ḅa.

Makị 13:25

lolia ma So-tọrụ sime tẹ siin-koro ḅa, tẹ So-tọrụ ḅẹ akụrọ ma ḅarị ọrụ tọn-a ḅara sime ḅa.

Luku 21:25

“Kịrị aị paka ḅa ịrụa mẹ na, akalụ mẹ na lolia ma na ḅụ. Tomikiri ḅẹ asịẹ ma tẹmẹ nyana-a ḅara kẹ ḅalafa ḅa, tọrụ mẹ ḍarịarị ye mẹ na ọnụngọ mẹ ḅakụ-ḅakụ seri sọarị ye mẹ na gotẹ.

Luku 21:27

Anịtẹso Tomḅọ Tụḅọ ḅe ḅụụ pakama tẹ kụrọ na ebube na kẹ So-tọrụ mẹ ḅụ ideri-ḅo ḅa.