Luku 21:25 - FỊAFỊA BAỊBỤLỤ

²⁵ “Kịrị aị paka ḅa ịrụa mẹ na, akalụ mẹ na lolia ma na ḅụ. Tomikiri ḅẹ asịẹ ma tẹmẹ nyana-a ḅara kẹ ḅalafa ḅa, tọrụ mẹ ḍarịarị ye mẹ na ọnụngọ mẹ ḅakụ-ḅakụ seri sọarị ye mẹ na gotẹ.

Luku 21:25 Iomraidhean Croise

Devidi-Anume 46:3

opu atọrụ ma daarị tẹ ọnụngọ ḍụrụkụarị sọ; tẹ tụndụ ma dasịẹma-a ḅara kẹ opuma jikearị sọ.

Ayịzaya 13:10

Lolia goyegoye, na So-tọrụ sime ye goyegoye na, ḅarị ḅịya ḅịa, ịrụa mẹ kanakana ḅa anị saakị sakị, tẹ akalụ mẹ bele pịrị ḅịa.

Ayịzaya 17:12

Opu kụrọ nyana asịẹ ma gboloki ḅụ ḍụrụkụarị, tẹ anị abajị fiearị ye kịkarị, opu ọnụngọ ḅakụarị ye famam.

Ayịzaya 24:23

Akalụ mẹ kanakana ḅa, tẹ ịrụa ḅarị jen kẹ ḅịya ḅịa, Kụrọmamgba nyana KỊNỊNYANAḄỌ ḅe amadaḅọ sọ ḅa gotẹ. Zayọnị tụndụ ọgọnọ mie ò sime tẹ ama-da ḅarịye Jeruselemu ḅụ, tẹ ori atomi ma sịḅịdapụ ma ori ebube ẹrị ḅa.

Ayịzaya 5:30

Anị ene mẹ ḅụ, ini ekire Izirẹlị pịrị ḅa, tẹ anị abajị fie ḅara fie ḅa. Paa mị ama mẹ ḍikii! Kanakana na ḅụụ-ḅalaḅala na! Kanakana bele mẹ mẹnị ọkị tẹ.

Ayịzaya 51:15

Yẹrị anie KỊNỊNYANAḄỌ ị́ Tamụnọ ḅe; àrị abajị mẹ jikema tẹ anị ḅẹ ọnụngọ ma ḍụrụkụarị. Ị̀ ẹrẹ anie Kụrọmamgba nyana KỊNỊNYANAḄỌ!

Jerimaya 4:23

À kiri mẹ ḍikim — anị kẹ gberie-sọ mịẹ-a ḅara kẹ gbin koro-simem; So-tọrụ mẹ ḅụ sọ, bele ofori.

Danẹlị 12:1

Pịna-pịna ferefere kapa sụa enjẹlị ḅe ḅẹẹm, “Anị sakị mẹ ḅụ opu enjẹlị Mayịkẹlị ḅe, ị́ atomi ḍụarịḅọ ḅe tolu-sịẹ ḅa. Anịtẹso kpọma ḅụụ-fụka sakị ḅo ḅa, si tẹịn ye sịẹ-sịẹ ma tarị paka kụra ḅio. Anị sakị mẹ ḅụ, ị́ atomi mamgba tẹ ẹrẹ Tamụnọ ḍiri ḅio kẹẹ wararị apụ ma ḅọrọma ḅa.

Mayịka 7:4

Ịna aḅụụ iḅitẹịn ḅọ ịga nangị piri sime-ḅara simem, ịna aḅụụ karakara tẹịn ḅọ nangị ḅịḅị sime-ḅara simem. Ene mẹ ḅo tẹ, Tamụnọ tomi ma fomu ḅẹ sakị mẹ, ọ̀ wẹrịtẹ ịkịankoroapụ ma ḅụ ịna aḅeri nụnụ ḅara; mịọkụ ịn ḅarị ḅịḅị-kẹ-ogbosọ nyana-a.

Matiyo 24:29

“Arị ene ma ḅẹ ḅụụ-fụka mẹ ḅọrọtẹ soarị, soarị, ịrụa mẹ kanakana sọ ḅa, akalụ mẹ ḅarị ḅịya ḅịa, tẹ lolia ma So-tọrụ ḅụ sime tẹ siin-koro ḅa, tẹ So-tọrụ ḅẹ akụrọ mamgba gboloki ḅa.

Matiyo 27:45

Anị ḅo eneḅaka ogbo la sakị, kanakana ḅo bebe ama mẹ gbaịn tẹ, sonio aso ọkị mu esenia aso la anị nwẹn kẹ ọkọ simem.

Makị 13:24

“Arị ene ma ḅụ, ḅụụ-fụka sakị mẹ ḅo ḅọrọ tẹso, ịrụa mẹ saakị kanakana ḅa, akalụ mẹ ḅarị jen kẹ ḅịya ḅịa,

Makị 13:26

Anịtẹrẹmẹ Tomḅọ Tụḅọ ḅe, opu kụrọ na ebube na kẹ, oḅuto mẹ ḅụ ḅo tolu-paka ḅa.

Makị 15:33

Anị ḅo eneḅaka ogbo la sakị kanakana ḅo bebe ama mẹ gbaịn tẹ ọkọ sime nwenii ḅo tẹra awa lam.

Luku 21:24

Ini okologie kẹ ja apụ ḅaa ḅa; ini ikoliapụ ḅara kẹ osi apụ kun so ja asịẹ mu ḅa; tẹ oru nimi apụ Jeruselemu mẹ ḅio anga tẹ mẹnjịma, mẹnjịma nwenii ịna sakị kara ḅa.

Luku 21:26

Ḅo tomikiri mẹ la ḅẹ ḅoarị ye mẹ tomina ḅalafama nwenii ịn naịn-ḅọrọ so ḅa. So ḅio ḅẹ opu akụrọ mamgba gboloki ḅa.

Fịrịmẹnjịapụ 2:19

So-tọrụ ḅụ à ḅụụ-buama-aị mịẹ ḅa, pịkị ḅụụ-gbiripuma aị na kiri ḅio. Ọmbie na, kọrị-fịnị na, kpiti tẹ onwin na paka ḅa;

Mịẹfinji 20:11

Anịtẹso à pịna-pịna emine na anị ọgọnọ lẹgị ḅọ ḅe na ẹrịm. Tẹ So na Kiri na ọ̀ tọrọkọ mangị faam, tẹ kịnị ḅarị jen kẹ arị ẹrị-a.