Luku 21:24 - FỊAFỊA BAỊBỤLỤ

²⁴ Ini okologie kẹ ja apụ ḅaa ḅa; ini ikoliapụ ḅara kẹ osi apụ kun so ja asịẹ mu ḅa; tẹ oru nimi apụ Jeruselemu mẹ ḅio anga tẹ mẹnjịma, mẹnjịma nwenii ịna sakị kara ḅa.

Luku 21:24 Iomraidhean Croise

Suku-saakị 34:26

Ini okologie mẹ kẹ Hamọ na, ori owiḅọtụḅọ Sẹkẹmụ na sọ ḅaam, tẹ Sẹkẹmụ warị ḅio Dayịna pakama ọkị tẹ kẹ som.

Paka-so 17:13

Tẹ Jọsụwa asịra pẹlẹ ḅara kẹ okologie kẹ Amalẹkị na ori atomi na pẹlẹ-ḅaa famam.

Ayịzaya 5:5

“Mie à kẹ ị̀ girepu-ḍụọ mẹ mịẹ ḅarị ḅara: àrị à ḍiḅi anị ikelema wararị asịn ma soku sin ḅa, anị wẹrị kpaịnmarị onu mẹ à sukuruma-gbin ḅa, tẹ piri-ḅio-ḅẹ anama anị ḅio ḍiḅi wararị aị ma fị tẹ nanga kiri pịrị ḅa.

Ayịzaya 63:18

Wamịnị, ị́ fịafịa atomi ma, si kẹ wa tọn apụ mie gbọrụ sakị ḅụ wa dee-pakama ye, ịn nwẹnị ị́ fịafịa yọ mẹ nanga ḅọrọ.

Ayịzaya 66:12

KỊNỊNYANAḄỌ ḅe mẹẹ, “À lolo tọrọkọ-tọrọkọ mu ọkị-ḅo ọ́ pịrị ḅa; anie sịẹ-sịẹ ma ngọ ma tẹ tọrụ kịka tẹ seri-seri sọ-ḅoarị tẹ gbala-gbala faa kụlụkụlụ-a ye. Ọmịnị iyingiḅọ ḅarana ḍikiḍikiarị kalatụḅọ kịka ḅa, á kuḅu ḅio dogi tẹ ḅẹlẹma ḅara kẹ mịẹarị tụḅọ.

Ayịzaya 66:19

tẹ nimi ḅa mịnẹ yẹrị anie fomu-ḅara kẹ ịn pịrịarị ḅọ ḅe.” “Kụma àrị inimgba ḅaa-fama ḅịa, tẹ fịị-a so apụ ma kẹ sịẹ-sịẹ ma na sụma-jụ simearị amakiri ma na tẹ amụ ì eresoo naa-a, anịanịa ì opu na kụrọ na ẹrị-a apụ ma fịrịma ḅa — Sipeni na Libiya na Lidiya na, anie iboli tẹịn ḅara-ḅaa tẹ apụ ma; pịkị Tubalị na Girisi na sọ àrị ịn kẹ fịrịma ḅa. Mịna asịẹ ma ogboku ḅụ ini ì opu ḍuko wasama ḅa.

Kururu Owu-apọkọ 1:15

Ị̀ kụrọ-kụrọtẹ owiapụ mamgba, KỊNỊNYANAḄỌ ḅe ịn kalama famam ì ogboku ḅụ; ị̀ asambịrịma owiapụ ma gbẹẹ kọsịma ḅẹ ḅara gotẹ, ori ọmụ-ogbo sịn kobiri ị̀ ẹngbẹsẹm. KỊNỊNYANAḄỌ ḅe iru pọnjịye ye pọnjị ḅara kẹ Juda ḅẹ apụ ma nanga kọsịma tẹẹ.

Danẹlị 12:7

Enjẹlị ḅe nwẹnị ori maa aḅara saakị so da tẹ tẹmẹ-la ḅara kẹ Sime-gbamaso Tamụnọ ḅe ẹrẹ ḅụ ye minini. Ò ḍukoarị tẹ à naam, “Tẹra akụra na pakịrị na mie anị la ḅarịye. Tamụnọ atomi ma ḅaa ḅẹ ḍọkị mẹ kunoma ḅẹ sakị, mịna aị mamgba paka fama ḅa.”

Danẹlị 8:13

Anịtẹso à gbọrụ enjẹlị kẹ jen enjẹlị gbela ye naam, “Ma ma tẹ ịkịan ḅụ ẹrị aị ma mịẹ mu tọ-sakị la ḅẹ? Tọ-sakị na gbasị ye ḅalafama si ene-ḅaaene-ḅaaene ḅẹ agba ma kiri ọkị ḅẹ? Tọ-sakị na gbasị ye ịn nwẹn kẹ so ḅẹ ọmụ-ogbo mẹ na Tamụnọ-warị mẹ na nanga kiri pịrị ḅẹ?”

Danẹlị 9:27

Anị ḅẹrẹtọnḅọ ḅe tọnwa-apụ na kụrọ-nyanatẹ ḅịḅị-kẹ-ogbosọ nyana ḅa sọnọma kụra ḅụ, tẹ anị sakị mẹ kẹ maa anga ḍiya ḅẹ gbọrụ anga ḅọrọtẹ so ori agbamịẹ ma na ḍiepịrị-aị na dasịẹma ḅa. ‘Ḅalafa Sịḅị-jịrịmaye Mẹ’ ịn nwẹn kẹ Tamụnọ-warị mẹ ḅio geletẹịn anga ḅụ gbana ḅa, tẹ anịanga sime nwenii anị kẹ anị kẹ anịanga koroma ḅọ ḅe ḅo Tamụnọ tẹlẹma ọ̀ pịrị kunoma mẹ na bịama ḅa.”

Malakayị 1:11

Tomikiri mẹ ḅẹ gbọrụ ịkọlị ḅụ ọkị mu osi ịkọlị la tomi ị̀ kụn-arị. Anga-anga ḅụ ịn kụnụaị dọkịma ị̀ pịrị tẹ kẹ agba mịẹ-mịẹ ị̀ pịrịarị. Inimgba ị̀ kụn-arị!

Luku 21:25

“Kịrị aị paka ḅa ịrụa mẹ na, akalụ mẹ na lolia ma na ḅụ. Tomikiri ḅẹ asịẹ ma tẹmẹ nyana-a ḅara kẹ ḅalafa ḅa, tọrụ mẹ ḍarịarị ye mẹ na ọnụngọ mẹ ḅakụ-ḅakụ seri sọarị ye mẹ na gotẹ.

Romu 11:25

Ị̀ amịnapụ, à mịẹtẹ ọ́ gbọrụ kikimatẹ karakaraye nimi ḅẹ-ḅiiarị, ọkọ-a kụma ó ḅofa ọkị mịnẹ ó ye nimi ḅakam. Mịọkụ Izirẹlịapụ ma nyana wararị kọngọ-kụrọ mẹ sime gbamaso ḅịa, kụma anị sime mu la ḅarị sakị anie pịkị Ja asịẹ ḅẹ apụ tẹ Tamụnọ ḍọkụma-ḅo ḅarị apụ kịẹn-ḅịḅị kara ḅẹ sakị.

Hiburu 11:34

ini opu kọrị afịnị ḅinmam, ogie fịị ḅio ịn pụkọ-pakaḅom. Ịnyọ ịna ḅụụ faam, kụma ịn pịkị ịnyọ sụam; ọmụ kiri ḅụ ini kụrọnịapụụ, tẹ ja asịẹ ḅẹ ọmụ-ogbo ma nẹngịma, nẹngịmam.

Mịẹfinji 11:2

Kụma anị ḅioju ḅụ sime tẹ paka-ḅo laarị anga mẹ tọnma, kẹ gotẹ ọkọ ḅẹẹarị, anịanga mẹ ịn kẹ oru nimi apụ ma pịrị tẹ, anie akalụ amesi maa akalụ finji kẹ Fịafịa Opu Ama mẹ ḅio mẹnjịma, mẹnjịma ḅarị apụ ma.