Luku 21:23 - FỊAFỊA BAỊBỤLỤ

²³ Arị ene ma ḅụ furatẹ-ereme na, awọ ọlọ wararị iyingiapụ na ịn tẹkẹlẹ tẹ! Ḅalafama opu ḅụụ-fụka ḅo Judiya mẹ la ḅa, tẹ Tamụnọ fomu-ḅara ḅo mịna atomi ma ọgọnọ gbana ḅa.

Luku 21:23 Iomraidhean Croise

Kururu Owu-apọkọ 4:10

Ḍiki-ḅụụjịrị nyana kịnị pịrịarị ereme, ini ḅarana iyi awọmẹ kẹ ḅẹlẹ ḅio sụa sọọm ini ḅo ịna fịye sọm ị̀ atomi ma ẹrẹḅọtụḅọ ma fịị mẹ ḅụ.

Danẹlị 8:19

tẹ ḅẹẹm, “À kẹ í ḍiearị ye anie Tamụnọ ịganị sakị-pakama ḅarị ḅẹrẹ. Ịkịan mẹ ḅara kẹ tọkịmarị ye anie kunoma sakị mẹ.”

Matiyo 21:16

Mie ḅụ ịn nwẹnị Jizọsị gbela, “In ḍukoarị ye ị́ naarị?” Jizọsị nwẹnị pakịrị, “Karakara ye à naarị. Yee àrị ó gbela, jen sakị Fịafịa Ḍiri mẹ ḅio amụ ó go-a? ‘Ị́ ye kẹ awọmẹ na ndoarị kala awọmẹ na toluma tẹ mịnẹ in bebe ḅara kẹ Tamụnọ tokinii.’ ”

Matiyo 21:41

Ịn nwẹnị pakịrị, “Piki-pikiye-ofori ḅara ḅụ, ori arị asi atomi ma ḅaa tẹ ḍụọ mẹ kẹ ja apụ, tẹ kụrọ mgbọlụ ma kaịn-kaịn sakị laarị-laarị kaịn tẹ ọ̀ la kiri kẹ ọ̀ pịrị ḅẹ apụ ọkọ ḅa.”

Matiyo 21:44

Mị ḍụḅarị mẹ ọgọnọ ḅịkị-koro ḅọ koro ḅọ, mḅọ pakịrị-pakịrị puu ḅa; tẹ ḍụḅarị mẹ ḅịkị ponoma ḅọ ponoma ḅọ, anị mḅọ gbẹẹ fọọn sọma ḅa.”

Matiyo 24:19

Arị ene ma kpọma si furatẹ-ereme na, ndo-ndo-awọmẹ ọlọ ereme na, pịrị ḅa!

Makị 13:17

Anị kpọma si furatẹ-ereme na ḍọkọḍọkọ-awọmẹ ọlọ iyingiapụ na pịrị ḅa.

Luku 19:27

Ndẹẹ mịanga sime tẹ ì ḍiki-ḅioḅu tẹ ḅẹẹm yẹrị ḅarị ama-dama ḅẹẹ apụ ma? Ọmịnị ịn fọnọ pakama-ḅo tẹ ịn ḅaa ị̀ tọrọkọ!’ ”

Luku 19:43

Sakị ḅo ḅa, tẹ ị́ na fịya-a apụ anga na, anga na ḅụ í gbori-ikelema tẹ, etela kiki ị́ pịrị tẹ, mẹnjị ḅo ị́ bịan sịẹ ḅa.

Luku 23:29

Gbala sakị ḅoarị, tẹ tomi ḅẹẹ ḅa, ‘Awọ iyi-a, fura-a, pịkị awọ ḍikiḍiki-a ereme ma kụma in boma tẹ!’

1 Kọrịntị 7:26

Mịọkụ simearị ḅụụ-ḅalaḅala mẹ gotẹ, à kuromarị mịnẹ tomḅọ mḅọ simearị, ẹrẹḅọ, anịanịa owiḅọ, sime-a ḅara mẹ sime mḅọ sime nẹngịm.

1 Tẹsalonịka 2:16

Wa ḅọrọma oku mẹ ḍuko Ja asịẹ ḅẹ apụ ma pịrịarị mẹ sọ ini anị dasịẹma ḅẹ ḍọkịm. Mị-ḅara ḅụ ịn gbọrsịḅị ịn mịẹ-mịẹ tẹ asi ma kịẹn-ḅịḅị karama gbasịma tẹ. Tẹ mịọkụ Tamụnọ ịganị, kunoma ḅụ, koro ḅo ini ọgọnọ gbana tẹ!

Hiburu 13:16

Iḅi mịẹ na, ḅarasụa jụmọ-jụmọ pịrị na mẹ ọ́ kẹ ḅioḅọrọma ma, kẹ gotẹ ọkọ ḍukoarị, mịna agba aḅara ma mie Tamụnọ ḅụụ-ḅẹlẹarị ye.

Jemụsị 5:1

Anịsakị mịọkụ, ọmịnị ngọ-kọn apụ, ọmịnị ì pokii! Ọmịnị ó ponoma ḅẹ ḅoarị atọrụsiẹrị ma gotẹ owu tẹ kururuu!

1 Pita 4:17

Ḅẹrẹkọn mẹ saakị ḅarị sakị mẹ laa tẹ, anịsakị Tamụnọ atomi ma mie in tarị kọn ḅarịye. Anị wa kẹ saakịarị ḅẹ kụma, ndẹẹ anị kẹ mu kunoma Tamụnọ ḅara ḅo Iḅi Oku mẹ minini-a apụ ma pịrị ḅẹ ḅara?