Luku 21:22 - FỊAFỊA BAỊBỤLỤ

²² Arị ene ma anie ‘Fomu-ḅara ḅo tomi la ḅẹ ene ma,’ tẹ Fịafịa Ḍiri mẹ ḍuko aị mamgba mịẹ fama ḅa.

Luku 21:22 Iomraidhean Croise

Ayịzaya 34:8

Mie KỊNỊNYANAḄỌ ḅe Zayọnị pụkọ-pakamaḅo ḅẹ sakị mẹ, tẹ si kẹ wa tọn apụ ma ḅara gbẹẹfị ḅii.

Ayịzaya 61:2

Ori ị̀ fịrịmam à mu ḍuko wasama Mịnẹ sakị mẹ ḅo la tẹ KỊNỊNYANAḄỌ ḅe ori atomi ḅọrọma ḅẹ sakị mẹ Tẹ si kẹ ịn tọn apụ ma nẹngịma. Ori ị̀ fịrịma tẹ à mu kururuarị apụ mamgba dedema.

Ayịzaya 63:4

À tọn-pẹlẹm mịnẹ ì atomi ḅọrọma ḅẹ sakị mẹ ḅo la tẹẹ; anie à fomu-ḅara kẹ si kẹ ịn tọn apụ ma pịrị ḅẹ sakị mẹ.

Jerimaya 51:6

Babịlonịya ḅụ mangị-soo! Ọmịnị ọmịna aḍumo mangị kọn! Ọ́ Babịlonịya si gotẹ fịị ma. Mịọkụ arị ị̀ gbẹẹfị ḅiiarị, tẹ arị anị gbẹẹ ḅara kẹ anị fomuarị.

Hosiya 9:7

Fomu-ḅara sakị ḅo tẹẹ, tomi sime ịn pịrị gbẹẹ-ye ọkị ḅẹ sakị mẹ. Anie mẹ pakarị sakị, Izirẹlị anị nimi ḅa! Ọ́ ḅẹẹarị, “Ḅị ịkịankoroḅọ ḅe oḅori ḅọ. Ḅie tẹmẹ-jikematẹ tomḅọ ḅe ọ̀ sịḅịḅio-kuḅua.” Ọmịna si ḍụḅa ḅaka ḅara ẹrẹsị ọmịnị tomi ma ì ḍiki-ḅioḅuarị.

Malakayị 4:1

Kụrọmamgba nyana KỊNỊNYANAḄỌ ḅe ḅẹẹarị, “Gbọrụ ene ḅụ, ḅụụ-gelemarị apụ ma na si-mịẹapụ ma na asịra dọkị ḅara kẹ dọkị ḅa. Anị ene mẹ ḅụ, ịn dọkị faa ḅa, tẹ gberie-sọ ịna ḅụ kọọn ḅịa.

Matiyo 1:22

Nwẹn ḍuko ye mẹmgba mịẹm, anie KỊNỊNYANAḄỌ ịkịankoroḅọ ḅe ḅụ ḅọrọ tẹ ḍuko tẹ ye mẹ paka ḅẹm ẹrẹsị,

Romu 2:5

Kụma ị́ kọngọ kụrọ na kụrọ ḅioḅẹngbọ na nyana wararị, miemẹ mịẹtẹ Tamụnọ ịganị na ọ̀ karakara ḅẹrẹkọn mẹ na ḅo ḅẹ Ene mẹ ḅụ anị si ị́ pịrị tẹịn ḅa.

Ditẹrọnọmị 32:34

Miemẹ ngọ warị ḅio ị̀ na ofori, ị̀ ngọ-koko-aḅio ma ḅio gbaịn sime-a?

Ditẹrọnọmị 32:43

Ọmịnị ori atomi tokinii, yei opu asịẹ; gbala ori ori afịrịmẹnjịapụ ọmbie gbẹẹfị ḅiim, tẹ ò ḍiki-ḅioḅẹle-a apụ ma ọgọnọ gbẹẹfị ọkịm, tẹ ḅẹrẹ fama kẹ ori atomi ma ama pịrịm.

2 Pita 2:9

Tẹ mị-ḅara ḅụ KỊNỊNYANAḄỌ ḅe ọ̀ kẹ Tamụnọ nimi atomi ma adaa-ḍiki ma ḅụ ịn pụkọ-pakamaḅo ḅẹ ḅara nimi wararị, pịkị ọ̀ kẹ si-sịḅịḅio-sụapụ kẹ fomu-ḅara wẹrịma mu Ḅẹrẹkọn Ene mẹ la ḅẹ ḅara sọ nimi wararị,

2 Pita 3:7

Kụma mịọkụ simearị So ma na Kiri mẹ na Tamụnọ tọn gbọrụ ḅara mẹ ḅụ mie arị simearị ye, mịẹtẹ kunoma ḅụ fịnị arị guluguluma fama ḅarị ḅara. Ini arị kẹ ịn Tamụnọ nimi-a atomi ma kọntẹ ịn ḅaa guluguluma ḅarị ene mẹ wẹrịmarị.