Luku 21:19 - FỊAFỊA BAỊBỤLỤ

¹⁹ Ọ́ sịẹ-kụrọọ, anị ḅụ mie ọmịna ḍumo ḅọrọtẹ ḅọrọma ḅarịye.

Luku 21:19 Iomraidhean Croise

Devidi-Anume 37:7

Inema tẹ KỊNỊNYANAḄỌ ḅe koruu, ọ̀ mịẹ ḅa: lọkọlọkọarị apụ ma gotẹ ị́ ḅụụ-fụkama ma, anịanịa amịna si amịẹaị ịn tọn ḅara pakarị apụ ma.

Devidi-Anume 40:1

Àrị inema tẹ KỊNỊNYANAḄỌ ḅe korum, ọ̀ ḅarasụa ị̀ pịrị ḅẹ ḅara: Anịtẹso ori ì poki tẹ ì owu naam.

Habakọkụ 3:16

À mie mẹmgba naa tẹ oju sẹkịarị, ị̀ ḅịḅị-apakịrị ma jikearị ḅalafa ḅụ. Ì oju fịịarị, tẹ ị̀ aḅụọ pụmbụarị ì suku-ḅio ḅụ. À yaụ-sime tẹ ḅo ḅarị sakị mẹ koruarị Tamụnọ owu kẹ wa pakarị apụ ma fomu ḅẹ sakị mẹ.

Matiyo 10:22

Ị̀ sịḅị ẹrẹsị ḅẹḅọ-ḅẹḅọ ó ḍiki-ḅioḅu ḅa. Kụma inema nwenii mu kunoma la ḅọ mẹ ḅọrọma ḅa.

Matiyo 24:13

Kụma inema mu kunoma la ḅọ, la ḅọ ḅọrọma ḅa.

Luku 8:15

Iḅi kiri koro aị ma anie oku mẹ naa tẹ iḅi tẹ, ḅịḅị pokiarị ḅioḅẹngbọ ḅụ anị koko nwenii anị ḅo mgbọlụ sụa apụụ.

Romu 15:4

Fịafịa Ḍiri mẹ ḅio kẹẹ ye goyegoye, ịn kẹ ye kẹ wa toluma ḅẹ ẹrẹsị ini anị kẹẹm, mịẹtẹ ịn kẹẹ aị ma kẹ wa pịrị ḅarị ye-inema na ḅiokpọma na ḅụ, wa ḅọrọ tẹ ḅiokpọ nyana ḅarị ḅara.

Romu 2:7

Japụ sakị mamgba mịẹtẹ iḅi ẹrẹ na, kụn na sime gbamaso ḍumo na sime ịn pịrị ḅẹ ye ḍọkịarị: sime gbamaso ḍumo anie Tamụnọ pịkị kẹ ịn pịrị ḅarị ye.

Romu 5:3

Wa wamịna ḅụụ-fụka ma sọ kẹ ḅụụ-tọn-arị, gotẹ ọkọ ḅẹẹarị, ḅụụ-fụka ḅụ mie wa ḅọrọ tẹ ye inema ḍawọarị ye,

Romu 5:4

tẹ ye-inema mịẹtẹ Tamụnọ wamịna ḍumo bomarị, tẹ anị nwẹnị ḅiokpọ kẹ wa pịrịarị.

Romu 8:25

Kụma wa nwẹnị wa tọrụngbọ kẹ amụ ẹrị-a ye kẹ ḅiokpọmarị ḅẹḅẹ wa inema tẹ anị koru ḅa.

1 Tẹsalonịka 1:3

Wa wamịna Tamụnọ, pịkị Ḍaḅọ ḅe tọrọkọ ọ́ wẹrị ọ́ nyana minini mẹ kẹ mịẹ ye ḅụ suuarị ḅara na, ọmịna ḅẹlẹma mịẹ tẹ ọ́ kụrọma kọrịnama kọrịarị ḅara na, ọmịna ḅiokpọ wa Nyanaḅọ Jizọsị Kịrayịsị ḅụ sịẹ-kụrọ la ḅara na kẹ ḅiokoromarị.

2 Tẹsalonịka 3:5

Yee KỊNỊNYANAḄỌ ḅe ọmịna kẹ tọrọkọ-sụn mu tarị ọ́ Tamụnọ ḅẹlẹma mẹ nimi ḅara nẹngị ḅara lama, tẹ ọ́ pịkị Kịrayịsị kẹ kịnị pịrị, pịrị ye-inema mẹ nyana.

Hiburu 10:36

Ó ye-inema na-iḅim, mịẹtẹ ọ́ Tamụnọ ḅii ye mịẹ, tẹ ò minini ye mẹ nyana ḅẹ ḅara.

Hiburu 6:11

Wa ḅii lamarị ye anie, ọmịna ḅụ ọrụḅọ-ọrụḅọ mḅọ nyana ḅio-sẹsẹ mẹ ọlọ mu kunoma la, mịẹtẹ ọ́ kẹ ḅiokpọma wararị aị ma ḅo ọmịna ḅara la ḅarị ḅara.

Hiburu 6:15

Ebira-amụ ye-inemam ẹrẹsị Tamụnọ minini ọ̀ pịrị ye mẹ ḅo ọ̀ ḅara lam.

Jemụsị 1:3

kẹ gotẹ ọkọ ḍukoarị, ó nimi ḅara ḅụ, ọmịna minini daaḍiki da-tolu-ḅọrọ tẹ ḅẹḅẹ, anị dogi-ḅo ḅarịye anie, ịnyọ nyana tẹ akụye inema alama.

Jemụsị 1:4

Ọmịnị ẹrị mịnẹ ọmịna ye-inema ó dogi tọrọkọ mu lamam, ọḅụ da-a ḅara ḅụ, mịẹtẹ ó bebe tẹ kara-gbasị tẹ ḅara sime ḅẹ ḅara, gberie-sọ ọmịna ḅara kọn-a ḅara.

2 Pita 1:6

nimi ḅụ ọ́ ḅụụ-ọlọ kẹ sụa; ḅụụ-ọlọ ḅụ ó ye-inema alama kẹ sụa; ọmịna ye-inema alama ḅụ ọ́ Tamụnọ kịka ḍumo kẹ sụa;

Mịẹfinji 1:9

Yẹrị Jọnị, ọmịna mịnaḅọ ḅe, anie ọmịnị na sọ tẹ Jizọsị ḍukamẹnjịarị ḅọ ḅara ḅụ, pịkị ọmịnị na ye-inema ḅara kẹ tọrụsiẹrị gbolomarị ḅọ ḅe wa sime ori Ama-da mẹ pịrịm gotẹ. Ini ị̀ kẹ mu Patịmọsị sọọ mẹ ḅụ koromam, à Tamụnọ ẹkwẹn mẹ na Jizọsị mịẹfinji karakara mẹ na ḍuko wasamam ẹrẹsị.

Mịẹfinji 13:10

Ḅẹḅọ-ḅẹḅọ tẹ kun-ḅara ḅio sọọ ḅẹ ḅọ, piki-pikiye-ofori ḅara ḅụ, ini mḅọ kun ḅa; ḅẹḅọ-ḅẹḅọ tẹ ogie ḅịḅị ḅụ fịị ḅẹ ḅọ, piki-pikiye-ofori ḅara ḅụ, ogie mie mḅọ ḅaa ḅarịye. Miemẹ anị ye-inema na minini na ḅiiarị Tamụnọ atomi ma pakịrị anga ḅụ.

Mịẹfinji 14:12

Miemẹ, Tamụnọ atomi ma pakịrị anga ḅụ, anị ye-inema ḅiiarị, ini ma tẹ Tamụnọ tọn koroma aị ma kokoarị tẹ, pịkị Jizọsị minini apụ ma.

Mịẹfinji 3:10

Ị́ à tọnm inema ḅẹ ḅara mẹ mịẹ tẹ ẹrẹsị, arị ị́ koko kpaịnma ḅa, ḅo tomikiri mẹ gbaịn ḅarị ḅụụ-fụka tẹ tomikiri ḅẹ atomi mamgba daaḍiki ḅarịye mẹ ḅụ.