Luku 21:17 - FỊAFỊA BAỊBỤLỤ

¹⁷ Ì gotẹ ḅẹḅọ-ḅẹḅọ ó ḍiki ḅioḅu ḅa.

Luku 21:17 Iomraidhean Croise

Matiyo 10:22

Ị̀ sịḅị ẹrẹsị ḅẹḅọ-ḅẹḅọ ó ḍiki-ḅioḅu ḅa. Kụma inema nwenii mu kunoma la ḅọ mẹ ḅọrọma ḅa.

Matiyo 24:9

“Anịsakị ini ó kun tẹ ọ́ saḅama tomi pịrị tẹ in fomu-ḅara kẹ ọ́ pịrị tẹ ọ́ ḅaa ḅa. Ị̀ sịḅị gotẹ tomḅọ nwẹn-sịn tomḅọ ó ḍiki-ḅioḅu ḅa.

Matiyo 5:11

“Ḅioḅẹlẹ sime ọmịnị ma tẹ ì ḍukamẹnjịarị ẹrẹsị tomi ịna ḅịḅị sọ asi-aị, asi-aị kẹ wori sima, tẹ kẹ tọrụsiẹrịma, tẹ pịkị mịẹ-a asi-aị kẹ sịḅị ḅụ sẹịn-arị apụ ma pịrịm.”

Makị 13:13

Ḅẹḅọ-ḅẹḅọ ì gotẹ ó ḍiki-ḅioḅu ḅa. Kụma sịẹsime mu kunoma mẹ laa ḅọ laa ḅọ, ḅọrọma ḅa.

Luku 21:16

Ọmịna ḍapụ-na-iyingiapụ-na, owiapụ-amịnapụ na, furo-ḅẹ-apụ na, ikiapụ na ọ́ kẹ tomina ḅara-ḅio suu ḅa tẹ ini ọmịna ḅụ ḅẹ ja apụ ḅaa ḅa.

Luku 21:18

Kụma ọmịna sịḅị-ḅẹ-inume ḅẹ gbọrụmgbọ sọ faa ḅịa.

Luku 6:22

Tomi Tomḅọ Tụḅọ ḅe gotẹ ó ḍiki-ḅioḅu, tẹ ọ́ sịkị, ó wori sima tẹ ḅịḅị ḅẹ sọye, sọye kẹ ọ́ ḅẹẹarị ḅẹḅẹ, ó boma tẹẹ!

Jọnị 15:19

Ó sime tomikiri mẹ pịrị namịna mimgbe ini ọ́ ḅẹlẹma tẹẹ, sime tomikiri mẹ pịrị apụ ḅara ḅụ. Kụma à tomikiri mẹ ḅụ ọ́ sẹlẹ-ọkị tẹ ẹrẹsị ọ́ ḅarị sime tomikiri mẹ pịrị-a. Anie mie tomikiri mẹ gotẹ ó ḍiki-ḅioḅuarị ye.

Jọnị 15:21

Kụma ó sime ị̀ pịrịm ẹrẹsị ịn mịna aị mamgba kẹ ọ́ mịẹ ḅa, ini ị̀ kẹ fịrịmaḅọ ḅe nimi-a gotẹ.

Jọnị 17:14

Àrị í oku mẹ saakị ịn pịrịm, tẹ tomikiri ḅẹ atomi in ḍiki-ḅioḅum, in sime tomikiri mẹ pịrị-a ẹrẹsị, yẹrị sọ sime tomikiri mẹ pịrị-a ḅara.

Jọnị 7:7

Tomikiri ḅẹ atomi gotẹ ó ḍiki-ḅioḅu-ḅu ye ofori, yẹrị kụma ini ì ḍiki-ḅioḅuarị, àrị ịn mịẹarị asi ma ḍuko, ḍuko ịn pịrịarị ye gotẹ.

Fịrịmẹnjịapụ 9:16

Tẹ yẹrị ḅarana ori ì gotẹ ẹrị ḅarị tọrụsiẹrị mamgba kẹ ò ḍie ḅa.”

2 Kọrịntị 12:10

Ọkọẹrẹsị, ị̀ ịnyọ ofori asakị ma na, wori-anume ma na, kụrọ-kụrọ aị ma na, ḅaa-ḅọkọ kẹ ị̀ ḍọkị ma na, ḅụụ-fụkama aị ma na, tẹ à Kịrayịsị sịḅị gotẹ ẹrịarị aị ma ị̀ na iḅi wararị. Kẹ gotẹ ọkọ ḍukoarị, ịnyọ ị̀ ḅụụ ḅio ofori sakị mẹ ḅụ, mie à pịkị kụrọ wararị sakị mẹ.

2 Kọrịntị 4:11

Jizọsị sịḅị gotẹ, bebe wamịna aḍumo mamgba ḅụ wa fịị akaka sịẹ wararị, mịẹtẹ tomi wamịna fịị-fịị oju mẹ ḅụ ò ḍumo mẹ ẹrị ḅẹ ḅara.

2 Kọrịntị 4:5

Wa wamịna-aḅụụ ḍuko pakama-a; Jizọsị Kịrayịsị anie KỊNỊNYANAḄỌ ḅee mẹ mie wa ḍuko-pakamarị, tẹ wamịnị ma nwẹnị ọmịna afịrịmẹnjịapụ, Jizọsị Sịḅị ẹrẹsị.

Filipayị 1:29

Kẹ gotẹ ọkọ ḍukoarị, ịn fịrịmẹnjị Kịrayịsị pịrị kụn mẹ kẹ ọ́ pịrị wararị ḅẹ sakị, ọmịnị ọ̀ ḅụụ minini nyanam ngẹrị-a, kụma pịkị ò go tọrụsiẹrị na ḅụ.

1 Pita 4:14

Ọ́ Kịrayịsị ḍukamẹnjịarị mẹ gotẹ ini ó wori simearị ḅẹḅẹ, ḅioḅẹlẹ sime ọ́ pịrịm; anie fiearị mịnẹ ebube nyana Tẹmẹ ḅe, Tamụnọ Tẹmẹ ḅe, ọmịna ọgọnọ gbana tẹ.

Mịẹfinji 2:3

Í ye-inema ḍinm, ị́ pịkị ì gotẹ tọrụsiẹrịm, anịsọ ị́ ḅara-siin-a.