Luku 21:16 - FỊAFỊA BAỊBỤLỤ

¹⁶ Ọmịna ḍapụ-na-iyingiapụ-na, owiapụ-amịnapụ na, furo-ḅẹ-apụ na, ikiapụ na ọ́ kẹ tomina ḅara-ḅio suu ḅa tẹ ini ọmịna ḅụ ḅẹ ja apụ ḅaa ḅa.

Luku 21:16 Iomraidhean Croise

Jerimaya 12:6

Ị́ amịnapụ kịngẹ sọ ị́ warị-kuḅu ḅẹ apụ, ị́ kẹ tomina ḅara-ḅio dẹrịma tẹẹ; tomi kẹ ị́ pakarị owu mẹ ini sọ anị ḅio emi. Ḅioḅẹngbọ kẹ ịna ọgọnọ gbana ma, ini ikia ḅara kẹ ẹkwẹn-arị sọ.”

Jerimaya 9:4

Ọrụḅọ-ọrụḅọ mḅọ ikiaḅọ ẹbị nyanam, tẹ gbọrụḅọ-sọ ḅioḅẹngbọ kẹ mḅọ mịnaḅọ ọgọnọ gbana ḅịa; kẹ gotẹ ọkọ ḍukoarị, mịnaḅọ goḅọ-goḅọ Jekọbụ oḅori-kẹ-kịnịsịn ḅara kẹ oḅori-kẹ-kịnịsịn ḅa, tẹ ọrụḅọ-ọrụḅọ amịna ikiapụ ḍuko-simarị.

Matiyo 10:21

“Tomi ịna amịnapụ pakama-ḅo tẹ ini ịn ḅaa ḅa, tẹ anị gbọrụ ḅara mie ḍapụ sọ kẹ ịna awọmẹ mịẹ ḅarị ḅara; awọmẹ ịna ḍapụ-na-iyingiapụ-na tụḅụrụ tẹ ẹrị ḅa mịnẹ ini ịn ḅaam.

Makị 13:12

Tomi ịna amịnapụ pakama-ḅo tẹ ini ịn ḅaa ḅa, tẹ ḍapụ pịkị anị gbọrụ ḅara mẹ kẹ ịna awọmẹ mịẹ ḅa. Awọmẹ ịna ḍapụ-na-iyingiapụ-na tụḅụrụ ḅa, tẹ mịẹtẹ ini ịn ḅaa ḅa.

Luku 12:53

Ḍapụ ịna owiapụ-awọmẹ na tụḅụrụ ḅa; owiapụ awọmẹ ịna aḍapụ na tụḅụrụ ḅa; iyingiapụ ịna eremịna-awọmẹ na tụḅụrụ ḅa; eremịna-awọmẹ ịna iyingiapụ na tụḅụrụ ḅa; iyingiapụ ịna awọmẹ ereme na tụḅụrụ ḅa; ereme ịna diapụ iyingiapụ na tụḅụrụ ḅa.

Luku 21:15

gbala ẹkwẹn-aḅịḅị na nimi na tẹ yẹrị kẹ ọ́ pịrị ḅarịye mẹ ḅụ si kẹ ọ́ tọn apụ ma inetẹ ọmịna kuḅu sịẹ ḅịa.

Luku 21:17

Ì gotẹ ḅẹḅọ-ḅẹḅọ ó ḍiki ḅioḅu ḅa.

Fịrịmẹnjịapụ 12:2

Ori okologie kẹ Jọnị iyimbere Jemusị ḅaam.

Fịrịmẹnjịapụ 7:59

Ini ḍụḅarị tan, tan ò gbin-arị sakị Sitivini KỊNỊNYANAḄỌ ḅe sịn olokuarị, “KỊNỊNYANAḄỌ Jizọsị, ị̀ tẹmẹ ọkịị!”

Mịẹfinji 12:11

Anana Tụḅọ ḅe ọmbie mẹ na in ḍuko wasamarị karakara mẹ na ḅụ mie wamịna amịnapụ ḅọrọ tẹ owu-ḅara-iḅi mẹ nyana ye; tẹ ini ịna aḍumo ḅụ ḅara sin tẹ fịị ḅẹ sọ ịna ḅụụ ḅẹrẹ-a.

Mịẹfinji 2:13

Ị́ angarị anga mẹ à nimi wararị, anie Ekwesu emine simearị anga mẹ. Ị́ ị̀ ḅụụ karakara ḅara sime wararị, ị́ ị̀ ḅụụ nyana minini mẹ ị́ ḅara-siin-a, ini Anịtipasị, ị̀ ḅụụ sịẹ-kụrọ ḅọ ḅe ḅaa sakị sọ, Ekwesu angarị anga mẹ ḅụ.

Mịẹfinji 6:9

Anịtẹso Anana-Tụḅọ ḅe sọnọ karama ye-oḅoloye mẹ kpẹngbẹ finjim. À nwẹnị agbamịẹ-anga mẹ suku-ḅio, ịn Tamụnọ ẹkwẹn mẹ ḍuko pakama ye na, ini ịna minini ḅụ sịẹ-kụrọ ye na gotẹ ḅaa tẹ apụ ma atẹmẹ ẹrị.