Luku 21:15 - FỊAFỊA BAỊBỤLỤ

¹⁵ gbala ẹkwẹn-aḅịḅị na nimi na tẹ yẹrị kẹ ọ́ pịrị ḅarịye mẹ ḅụ si kẹ ọ́ tọn apụ ma inetẹ ọmịna kuḅu sịẹ ḅịa.

Luku 21:15 Iomraidhean Croise

Egberima-Ẹkwẹn 2:6

KỊNỊNYANAḄỌ ḅe mie nimi kẹ tomi pịrịarị-ḅọ. Ọ̀ ḅara ḅụ mie nimi na yefieye-naa na sime tẹ paka-ḅoarị.

Jerimaya 1:9

Anịtẹso KỊNỊNYANAḄỌ ọ̀ ḅara sụn-pakama tẹ ḅara-tụngbalị kẹ ị̀ ḅịḅị apakịrị lama tẹ ị̀ ḅẹẹm, “Pokii, arị í ḍuko-koroma ḅarị ẹkwẹn ma kẹ ị́ pịrịarị.

Izikẹlị 29:21

Anị ene mẹ ḅụ, àrị Izirẹlịapụ ma mịẹ kụrọma ḅa, tẹ mịẹ tẹ ị́yẹrị, Izikẹlị ḅe, ẹkwẹn pakama ḅa ḅẹḅọ-ḅẹḅọ inetẹ ị́ naa ḅẹ anga ḅụ, mịẹ tẹ in nimi ḅarị ḅara mịnẹ yẹrị anie KỊNỊNYANAḄỌ ḅe.”

Luku 12:12

Kẹ gotẹ ọkọ ḍukoarị, Fịafịa Tẹmẹ ḅe ó ḍuko ḅẹ ye kẹ ó toluma ḅa sakị mẹ laa sakị.”

Luku 21:16

Ọmịna ḍapụ-na-iyingiapụ-na, owiapụ-amịnapụ na, furo-ḅẹ-apụ na, ikiapụ na ọ́ kẹ tomina ḅara-ḅio suu ḅa tẹ ini ọmịna ḅụ ḅẹ ja apụ ḅaa ḅa.

Luku 24:45

Anịtẹso ọ̀ nwẹnị ịna aḅioḅẹngbọ ma finji, ịn Fịafịa Ḍiri mẹ fiearị ye naa ḅẹ ḅara,

Fịrịmẹnjịapụ 2:4

Fịafịa Tẹmẹ ḅe nwẹnị inimgba ḅụụ ḅio sọ ḅin, tẹ ịn nwẹnị saakị kịrị-kịrị ama ḅẹ aḅịḅị fie, Fịafịa Tẹmẹ ḅe kụrọ kẹ ịn pịrịm ini ẹkwẹn nwẹn ḅẹ ḅara ḅụ.

Fịrịmẹnjịapụ 24:25

Kụma Pọlụ ẹkwẹn ma ḅo iḅi ḍumo na, ḅụụ ọlọ kpaịnma na Ḅẹrẹkọn Ene ḅoarị ye na la sakị, Fẹlịkisi ḅalafa tẹ nwẹnị ọ̀ ḅẹẹ, “Mị sakị kẹ so tẹrẹmẹ, jen sakị paka sakị, à pịkị fịrịma ị́ sịn ḅa.”

Fịrịmẹnjịapụ 26:28

Agiripa nwẹnị Pọlụ ḅẹẹ, “Mị kpụlụ sakị mẹ ḅụ ị́ kuromarị ị̀ kẹ Kịrayịsị ḍukamẹnjịḅọ ḅọ mịẹ ḅẹ tẹ?”

Fịrịmẹnjịapụ 6:10

Kụma Tẹmẹ ḅe kẹ Sitivini pịrị nimi la ḅara ḅụ ori ẹkwẹn kụma ini inetẹ ò kuḅu sịẹ-a.

Ẹfisọsị 6:19

Yẹrị sọ, ọ́ tẹkẹ ị̀ pịrịị, mịnẹ Tamụnọ à ḍuko ḅẹ ye kẹ ị̀ pịrị, arị ẹkwẹn ḅarị sakị, mịẹtẹ à ḅiokpọ ḅara kẹ ẹkwẹn tẹ iḅi-oku mẹ ḅụ kikima wararị aị ma mịẹ tẹ kịnị nimi.

Jemụsị 1:5

Kụma ọmịna ḅụ nimi nyana-a ḅọ emi-emii, mḅọ Tamụnọ tẹkẹẹ, ori anị kẹ mḅọ pịrị ḅa; kẹ gotẹ ọkọ ḍukoarị, Tamụnọ anie tọn-a ḅara na ḍiki-ḅụụjịrị nyana ḅara na kẹ ye kẹ kịnị mamgba pịrịarị ye.