Luku 21:10 - FỊAFỊA BAỊBỤLỤ

¹⁰ Ọ̀ pịkị ḅẹẹm, “Ja asịẹ na ja asịẹ na owu-sọ ḅa. Amadapụ owu kẹ ja apụ, ja apụ paka ḅa.

Luku 21:10 Iomraidhean Croise

Ayịzaya 19:2

KỊNỊNYANAḄỌ ḅe ḅẹẹarị, “Ijiputi ḅụ à mịẹ tẹ ama owu kuro ḅa, tẹ mịnaḅọ pịkị tẹ ọ̀ mịnaḅọ na tụḅụrụ ḅa, tẹ kpeki tẹ anga apụ jụmọ-jụmọ na tụḅụrụ ḅa. Pikiyarị ama ma owu kẹ jụmọ-jụmọ paka ḅa, tẹ pikiyarị amadapụ kụrọ nyana jụmọ-jụmọ nẹngị ḅẹ ḅara ḍọkị ḅa.

Zẹkaraya 14:13

Anị ene mẹ ḅụ, KỊNỊNYANAḄỌ ḅe ịn mịẹ tẹ in pikiri-pikiri lama tẹ ḅalafa ḅara ḅụ ọrụḅọ-ọrụḅọ mḅọ palịḅọ kuun-sịẹma tẹ owu kẹ mḅọ paka ḅa.

Makị 13:8

Sịẹ-sịẹ ma jen jen na owu sọ ḅa; amadapụ ma daarị anga ma pịkị owu kẹ jen jen paka ḅa. Anga mamgba kiri jike ḅa, tẹ ḅuru-ḅa paka-paka-paka ḅa. Mịna aị ma kịkarị ye anie tụḅọ iyi ḅẹ ẹrẹḅọ ḅụ tarị saakịarị fụka aị.

Luku 21:11

Kiri ḅalafama ḅara kẹ jike ḅa; ḅuru tomi ḅaa ḅa, ama-fama obi anga, anga la ḅa; jen ene kịnị amụ ẹrị-a ḅalafama aị So-tọrụ paka ḅa.

Luku 21:9

Ọmụ ịba na tomikiri gbolokiarị ye na ọ́ nwẹn naa sọ, anị ọmịna ḅalafa ma ma; ma ma anie tarị mịẹ ḅọrọ ḅarị aị, kụma arị fie-a mịnẹ kunoma mẹ ḅo kpeki tẹ.”

Fịrịmẹnjịapụ 11:28

Ịna ḅụ ḅẹ gbọrụḅọ, Agabọsị nwẹn sịn ḅọ, nwẹnị saakị sịẹ tẹ Tẹmẹ ḅe kụrọ ḅụ ịkịankoro ḅara kẹ ḍuko pakama mịnẹ opu ḅuru-ḅa ḅo bebe tomikiri mẹ gbaịn ḅa. (Anị ḅom Kịladịyọsị tomikiri mẹ daarị sakị.)

Hiburu 12:27

Ẹkwẹn mẹ, “pịkị sin”, banabana ḅara kẹ wa ḍiearị mịnẹ ịn Tamụnọ tẹmẹ-aị ma jike tẹ arị saakị sin ḅa arị sime kiri ḅụ, mịẹtẹ inetẹ jike-a aị ma kirikọn ḅarị ḅara.