Luku 21:1 - FỊAFỊA BAỊBỤLỤ

¹ Jizọsị ḍiki ikelema tẹ ẹrịm, igbigi nyana apụ igbigi kẹ Tamụnọ-warị mẹ ḅio ịn kẹ Tamụnọ pịrịarị igbigi kẹ sụa-sụa igbe ḅio sụarị,

Luku 21:1 Iomraidhean Croise

1 Amadapụ 14:26

Ọ̀ nwẹnị KỊNỊNYANAḄỌ ḅe Tẹkẹ-warị mẹ ḅio na, amadaḅọ ḅe warị mẹ ḅio ịn kẹ koko wẹrị ngọ mamgba ọkị so fama. Ọ̀ nwẹnị pịkị Sọlọmọnị golu kẹ mịẹ ekpeke mamgba kẹ sụa so.

2 Amadapụ 12:9

Anịtẹso Jehohada agbamịẹḅọ ḅe nwẹnị gbọrụ igbe ọkị, anị ḅẹ ḅịḅị-gbaịnye mẹ tolu tẹ anị kẹ agbamịẹ-anga mẹ ḅẹ akaka mẹnjị KỊNỊNYANAḄỌ ḅe warị sọ-muarị ḅọ mẹ ama-ḅara anga ḅụ koroma; tẹ kọrịnama ḅụ simearị agbamịẹḅọ ḅe nwẹnị ịn kẹ KỊNỊNYANAḄỌ ḅe warị mẹ ḅoo igbigi goyegoye kẹ anị ḅio sụa ḅa.

2 Amadapụ 24:13

tẹ KỊNỊNYANAḄỌ ḅe sakị pịrị ḍuko ḅara ḅụ, KỊNỊNYANAḄỌ ḅe warị ḅio ḅẹ ngọ mẹmgba na, amadaḅọ ḅe warị ḅio ḅẹ ngọ mẹmgba na dogi-so, tẹ KỊNỊNYANAḄỌ ḅe Tẹkẹ-warị ḅio sime golu-golu ayesụaị tẹ Sọlọmọnị Izirẹlị ḅẹ amadaḅọ ḅe tẹmẹ-aị mamgba kẹ pakịrị-pakịrị puu.

2 Paka-aị 36:18

Tamụnọ warị mẹ ḅẹ ẹfẹrẹ — opu aị na kala aị na — pịkị KỊNỊNYANAḄỌ ḅe warị mẹ ḅẹ ngọ ma na amadaḅọ ḅe na ori owiapụ-awọmẹ ma na nyana ngọ mamgba ọ̀ kẹ Babịlọnị ḅom.

Nehimaya 13:13

À nwẹnị ngọ-kokoapụ ḅara ḅụ Selemaya agbamịẹḅọ ḅe na, Zadọkụ, ḍiri-kẹẹḅọ ḅe na, Pedaya, Livayị furo-ḅẹ-ḅọ ḅe na tọn; tẹ ịna ḅarasụaḅọ ḅara kẹ Hanani, Zakọ owiḅọtụḅọ, pịkị Metanaya taa-owiḅọtụḅọ ḅe tọnm; gbala ini in kịẹnm ḅioḅẹngbọ-kẹ-sịrẹrẹ-niḅi apụ ẹrẹsị, ịna kọrịnama anie ye ḍie ịna mịnapụ pịrị.

Matiyo 27:6

Agbamịẹapụ ma nwẹnị igbigi ma kolokolo tẹ ḅẹẹ, “Miemẹ anie ọmbie igbigi, anị kẹ mu Tamụnọ-warị mẹ ḅẹ igbigi koko anga suu wamịna Oloko na tụḅụrụ wararị.”

Luku 20:47

Ini ma anie diapụ-fịtẹ-ereme ma sime-ḅara ḍiki tẹ ịn nyana aị fọịn ọkị tẹ nwẹnị nangwọ atẹkẹ kọn-kọn ịn pịrịarị apụ. Ḅo ịn la ḅarị fomu-ḅara sii ḅaka lama ḅa!”

Jọnị 8:20

Jizọsị Tamụnọ-warị mẹ ḅio ye tolumarị sakị mie ọ̀ ma ma ḍuko ye, ịn kẹ Tamụnọ pịrịarị igbigi kẹ sụa, sụa igbe ma kẹ koroma, koroma ḅio mẹ ḅụ. Tẹ gbọrụḅọ-sọ ó kun-a, ọ̀ sakị amụ la-a ẹrẹsị.

Jọsụwa 6:19

Kụma golu na, seleḅa na, pịkị ojo na ikulele na kẹ tẹmẹ ẹfẹrẹ mamgba anie fịafịatẹ sime KỊNỊNYANAḄỌ ḅe pịrị aị ọmịnị arị kẹ KỊNỊNYANAḄỌ ḅe ye koko anga su ḅa.”

Jọsụwa 6:24

Anịtẹrẹmẹ ịn fịnị kẹ opu ama mẹ na, anị ḅio sime aị mamgba na dọkịmam; seleḅa na, golu ma na, pịkị ojo na, ikulele na kẹ tẹmẹ ẹfẹrẹ ma na ngẹrị mie ịn kẹ KỊNỊNYANAḄỌ ḅe warị mẹ ḅẹ ye koko anga ḅụ suu ye.