7 Mie ḅụ ịn nwẹnị pakịrị, “Anị ḅo anga wa nimi-a.”
Si kẹ ị́ tọn apụ ma nimi-a mịnẹ í fomu-ḅara kẹ ịn pịrị ḅa. KỊNỊNYANAḄỌ, ịna ḅụụ-jịrịma tẹ mịẹtẹ ịn tọrụsiẹrị; yee ini ị́ tẹlẹma ịn wẹrịma tẹ fomu-ḅara mẹ ḅẹ tọrụsiẹrị da. Kẹ in ḍie ị́ ị́ atomi ma ḅẹlẹma la ḅara.
Mie ḅụ arị ịna ḅụụ-gbiripuma ḅa, in fomu sin, in fomu sin ḅụ. Ye-nimiapụ pịkị ḅo oḅori apụ sọ ḅa, tẹ ịna aka mamgba ḅo mịẹye ḅụ sọ-a ye sọ ḅa.”
À oru-atamụnọ ma ogboku ḅụ ḍiki sakị, ịna ḅụ ḅẹ gbọrụḅọ-sọ ḍuko ḅẹ gberie sọ nyana-a; gbọrụḅọ-sọ à gbela aị ma pakịrị-a.
Ọkọ sime apụ ma ini oḅori-sọ ḅụra tẹ ḅarị ịn mịẹarị ye nimi-a. Ini ịna atọrụngbọ na ịna akuroma na gbaịn karakara mẹ pịrịarị.
Anịtẹso KỊNỊNYANAḄỌ ḅe ị̀ ḅẹẹm, “Pịkị jen gbọrụ sakị kẹ anana-ḍikiḍikiḅọ ḅara mịẹẹ, mị sakị ḅụ ye sọ-a ye.
Anị kẹ mịẹ-mịẹ ye ofori anana-ḍikiḍikiḅọ ḅe ọ́ fa tẹẹ! Ori ori anana-ogbo mẹ koroma mangị-so tẹẹ. Ọmụ gbọrsịḅị ọ̀ ḅaa guluguluma ḅa. Ọ̀ ḅara kọngọ pẹlẹ so ḅa, tẹ ori ama-ḅara ḅẹ tọrụngbọ pụụn ḅa.”
Kụma wa pịkị ḅẹẹm, ‘Tomina aḅara ḅom’ ḅẹ kụma, mị bebe tomina-ogbo mẹ Jọnị ịkịankoroḅọ mẹ minini la ḅara ḅụ, ịn ḍụḅarị kẹ wa gbin ḅa.”
Tẹ Jizọsị nwẹnị ịn ḅẹẹ, “Ọkọ ḅẹḅẹ yẹrị sọ à kẹ mịna aị ma kọrịarị kụrọ mẹ ḅo anga, à ḍuko ọ́ pịrị ḅịa.”
Jizọsị nwẹnị ḅẹẹ, “À gbala ḅẹrẹkọn ḅẹ tẹ mị tomikiri mẹ ḅo ye ọkụ, mịẹtẹ tọrụngbọ-pụụntẹ-apụ ma ye ẹrị, tẹ ye ẹrịarị apụ ma ḅo tọrụngbọ-pụụntẹ-apụ sọ.”
Arịmgba ḅụ tarị ye, ó nimii mịnẹ mịna kunoma ene ma ḅụ, ja atomi tẹ, amịna meni-oju sọlịmarị aị ḅẹrẹtọn pịrịarị apụ, tolu-sịẹ ḅa. Ini ó kombo ḅa
