Luku 20:47 - FỊAFỊA BAỊBỤLỤ

⁴⁷ Ini ma anie diapụ-fịtẹ-ereme ma sime-ḅara ḍiki tẹ ịn nyana aị fọịn ọkị tẹ nwẹnị nangwọ atẹkẹ kọn-kọn ịn pịrịarị apụ. Ḅo ịn la ḅarị fomu-ḅara sii ḅaka lama ḅa!”

Luku 20:47 Iomraidhean Croise

Ayịzaya 10:2

Anị ḅọkọ mie ọ́ ḅọrọ tẹ igoin-apụ ma kiki tẹ ịn ḅarị ịn la akiri na karakara ḅẹrẹkọn na nyana-a ye. Anị ḅọkọ mie ọ́ ḅọrọ tẹ diapụ-fịtẹ-ereme na ḍapụ anịanịa iyingi apụ ofori awọmẹ na nyana ye ọkịarị ḅara.

Izikẹlị 22:7

Opu ama mẹ ḅio emi tẹ amịna ḍaḅọ-na-iyingiḅọ-na kụn-arị ḅọ ofori. Ọ́ tọrụ-nimi-a jen asịẹ ḅẹ apụ mingirimarị, pịkị diapụ-fịtẹ-ereme na ḍapụ-na-iyingiapụ-na fịtẹ awọmẹ ma sime-ḅara gotẹ ọmịna ḅiotọn ḅara kẹ ini na mịẹarị.

Izikẹlị 33:31

“Mie ḅụ ị̀ atomi gbii-gbiima paịn sọ-ḅoarị ị́ nyana tẹ ḍuko ḅẹ ye naa ḅẹ ḅara, kụma ị́ ịn ḅẹẹm mịẹ ḅẹ ḅara ịn mịẹ-a. Ini ị́ ẹkwẹn ma kẹ ye ḅụ sọ-a anume ḅara ọkị tẹ paa ịna pọkọ-sịkịrịtẹ etela ma ḅụ mẹnjịarị.

Emọsị 2:7

Ini ịnyọ nyana-a, pịkị ḅarasụa-pịrịḅọ nyana-a apụ ma nanga ḅọrọ tẹ etela ḅụ igoin-apụ ma sukuruma ḅelemarị. Gbọrụ owiḅọ na ọ̀ ḍa na gbọrụ ẹrẹḅọ tụḅọ na gbolomarị, tẹ mie ḅụ ị̀ fịafịa ẹrẹ mẹ pilemarị.

Mayịka 2:2

Ḍụọ ịna aḅụụ ḅẹlẹ-ḅẹlẹ, ini arị kọrị ọkịm; warị ịna aḅụụ ḅẹlẹ-ḅẹlẹ, ini arị ọkịm; gberie-sọ kpaịn sime tomḅọ mẹ pịrị-a mḅọ ere-furo-o, mḅọ nyana aị-o.

Mayịka 2:8

KỊNỊNYANAḄỌ ḅe nwẹnị pakịrị, Sakị ḅụra tẹrẹmẹ, kịnị na fịya-a apụ owu kẹ ị̀ atomi paka-paka ḅara kẹ ọ́ saakị tẹ owu kẹ ị̀ atomi pakam. Owu ḅụ pịkịma ama ḅo apụ ḅiotọn-arị ye ḅarị ịn la ḅịa, kụma ọmịnị anịjụ emi, tẹ ịna oḅukulo ịna ọgọnọ ḅẹ akapa siin-ọkị ḅara kẹ ịna kụn siin-ọkị ḅẹ koruarị.

Mayịka 3:2

Ọmịnị tẹ iḅiye mẹ ḍiki-ḅioḅu, tẹ siye mịẹ ḅẹlẹmarịapụ, ọmịnị tẹ ḍumo tọrụ ḅụ ị̀ atomi ma oju apara mẹ kanị, tẹ ịna mgbe ma ḅụ ịna oju meni mẹ keni-siin-arị apụ.

Matiyo 23:13

“Ọmịnị Oloko Tolumapụ na, Farịsiiapụ na, ọ́ tẹkẹlẹtẹ ḅara ḍikii! Mịẹ tomi ḍie apụ! Ḅọrọ sọ-mu Tamụnọ Ama-da suku-ḅio simearị atomi sọ ḅọkọ mẹ, ọ́ sọ-mu ḅẹ apụ ma tọrọkọ anị gbaịn tẹ; ọ́ sọ-mu ḍụkụ-a, kụma ọ́ pịkị ḍụkụ tẹ ḅụụkụrọma sọ-mu ḅẹ ḍọkịarị apụ ma sọ sọ-mu mu-a!

Matiyo 23:14

Ọmịnị Oloko Tolumapụ na, Farịsiiapụ na, ọ́ tẹkẹlẹtẹ ḅara ḍikii! Mịẹ tomi ḍie apụ! Ọ́ mịẹ ḅẹ ọkụ ofori diapụ-fịtẹ-ereme ma awarị fọịn ọkị fama tẹ nangwọ tẹ epele atẹkẹ kọn-kọn ịn pịrịarị. Miemẹ gotẹ ọ́ daa ḅarị fomu-ḅara ḅaka ḅa.

Makị 12:40

In diapụ-fịtẹ-ereme ma awarị fọịn ọkị tẹ nwẹnị mịẹ tomi ḍie ḅara ḅụ nangwọ atẹkẹ kọn-kọn ịn pịrịarị. Ịna fomu-ḅara ḅaka ḅa!”

Luku 12:1

Tomi ẹndẹ, ẹndẹ ma kobiri ḅin tẹ jụmọ-jụmọ ḅụọ ọgọnọ sịẹ ḅara sime tẹso, Jizọsị nwẹnị tarị ò ḍukamẹnjịapụ ma ḅẹẹ, “Ọ́ Farịsiiapụ ma ye sunmaye mẹ ḍiki ḅụụ-kịẹn, à fiearị ye anie, ịna mịẹ tomi ḍie amịẹaị ma.

Luku 20:46

“Ọmịnị Oloko toluma apụ ma ḍiki ḅụụ kịẹn. Ịn ḍọkịarị ye jen-a, nangwọtẹ opu akapa sụa tẹ mẹnjịma ḅọrọ na, ogumaḅiri ḅụ tomi kụn ḅara kẹ sịn-ḅịḅị kẹ ịn pịrị na, ama-awarị ḅio lẹgị anga sikima ịn pịrị na, fịye kiri iḅitẹịn anga ḍọkị na sikima.

Luku 21:1

Jizọsị ḍiki ikelema tẹ ẹrịm, igbigi nyana apụ igbigi kẹ Tamụnọ-warị mẹ ḅio ịn kẹ Tamụnọ pịrịarị igbigi kẹ sụa-sụa igbe ḅio sụarị,

1 Tẹsalonịka 2:5

Ó nimi lama wararị mịnẹ wa ḅo ye mẹ ḅẹlẹ ḅịḅị kẹ ó furuma ḅẹ ẹkwẹn kọn, anịanịa ẹkwẹn-ḅịḅị kẹ wamịna ḅụụ ḅọị tẹ, nyana ye, nyana ye pọkọ-ta-a kuroma gbaịn tẹ ọmịna aị ọkị ḅẹ ḅo-a — Tamụnọ mie anị sime wa pịrị ḅara nimi ye.

Tayịtọsị 1:16

Ini ọkịarị ịn Tamụnọ nimim, kụma ịna amịẹaị anị pikiarị. Ḍiki-ḅioḅu na ḅịḅịpoki-a na ịna ḅụ emi, ini inetẹ gbọrụ iḅiye sọ mịẹ ḅẹ ḅara sime-a.

Jemụsị 3:1

Ị̀ amịnapụ, ọmịna ḅụ ḅẹ tọnwa-apụ ye-tolumapụ sọ ḅẹ ḍọkị ma. Ọmịnị sọ nimi ḅara ḅụ, ịn kẹ wamịnị ye-tolumapụ ma kọn-arị ḅara kụrọ osi apụ nye nẹngịm.