Luku 20:36 - FỊAFỊA BAỊBỤLỤ

³⁶ Ini enjẹlị apụ kịka ḅa, tẹ ḅarị inetẹ fịị ḅịa. Ịn fị-ḅụ-saakị ye mẹ gotẹ ịn Tamụnọ awọmẹ sọ tẹ.

Luku 20:36 Iomraidhean Croise

Mịẹfinji 21:4

Ori ịna atọrụ ḅẹ owu-minji mamgba sin ḅa. Fị ḅarị jen-maaịn kẹ paka ḅịa; kururu na, owu na, akụ na sọ ḅarị paka ḅịa. Elemu aị ma ḅọrọ so tẹẹ.”

Filipayị 3:21

Ọ̀ wamịna ịnyọ ofori, fịị-fịị oju ma ḍima tẹ arị ori ebube oju mẹ kịka ḅa, ọ̀ kẹ inetẹ ye mamgba ọkị-ḅo ò suku-ḅio suuarị kụrọ mẹ ḅụ.

Matiyo 22:30

Kẹ gotẹ ọkọ ḅẹẹarị, fịtẹ-apụ ma saakị tẹ ḅẹḅẹ in So-ḅio ḅẹ enjẹlị apụ na kịka ḅa, tẹ ịn ḅarị owiḅọ na ẹrẹḅọ na sime ḅẹrẹ nimi ḅịa.

Mịẹfinji 20:6

Mị tarị fị-ḅụ-saakị mẹ ḅụ sọ apụ ma ịn kpọma boma tẹ pịkị ḅioḅẹlẹ tẹ. Maaịn karama fịị mẹ ḅarị ịna ḅụ kụrọ nyana-a; ini agbamịẹapụ sọ Tamụnọ na Kịrayịsị na pịrị ḅa, tẹ ịn pịkị ori na sọ tẹ kụra maa ẹndẹ oyia asi finji kẹ ḅẹrẹtọn ḅa.

1 Kọrịntị 15:42

Mie ịn fịtẹ-apụ ma saakịma tẹ in ḍumo ḅarị sakị anị sime ḅarị ḅara. Oju akpakpa mẹ fịị fịị ḅara ḅụ ini anị ḍiḅim; ini anị saakịma sakị, anị fịị fịị-a ḅara sime ḅa.

Mịẹfinji 22:9

Kụma ori ị̀ dasịẹma tẹ ḅẹẹm, “Ọkọ mịẹ ma! Yẹrị na ị́yẹrị na, ị́ amịnapụ ịkịankoroapụ ma na, inimgba tẹ mị ḍiri mẹ ḅio simearị ẹkwẹn ma minini tẹ mịẹarị apụ mamgba na, pembema fịrịmẹnjịḅọ. Sunsin Tamụnọ pịrịị!”

1 Kọrịntị 15:26

Si kẹ ọ̀ tọn apụ ma ḅụ kunomaḅọ tẹ Tamụnọ nẹngịma ḅarị ḅọ anie fịị.

Makị 12:25

Kẹ gotẹ ọkọ ḍukoarị, fịtẹ-apụ ma saakị tẹ ḍumo ḅarị sakị, in So-ḅio ḅẹ enjẹlị apụ kịka ḅa, tẹ ini ere-sime ḅịa.

1 Kọrịntị 15:49

Mịọkụ wa ịn lịka kẹ tẹmẹḅọ ḅe sime-ḅara mẹ kẹ kapa sọma tẹ sụa ḅara mie wa pịkị So-ḅio ḅo Tomḅọ ḅe sime-ḅara mẹ kẹ kapa sọma tẹ sụa ḅarị ḅara.

Zẹkaraya 3:7

Kụrọmamgba nyana KỊNỊNYANAḄỌ ḅe ḍuko tẹ, “Ị́ ị̀ ḅịḅị poki tẹ ì oloko ma na ị́ mẹnjị ḅẹ tẹ à tọn ị́ pịrị afịrị ma na mịẹarị ḅẹḅẹ, anị sakị rẹ mie í sime tọrọkọ mu tẹ ị̀ Warị mẹ na anị ḅẹ ogigo ma na daarị ḅọ sọ ḅarịye, tẹ arị ị́ atẹkẹ naa ḅa, arị ị̀ tọrọkọ sịẹarị enjẹlị ma atẹkẹ naarị gbọrụ ḅara mẹ.

Hosiya 13:14

Ma tomi ma àrị ịn ḅọrọma ḅịa ḍuḅu ḅio ḅụ, anịanịa ịn pụkọ-pakamaḅo fị kụrọ ḅụ. Fị, ị́ ama-fama obi ma kẹ ḅoo! Ḍuḅu, í guluguluma mẹ kẹ ḅoo! À ḅarị jen kẹ sịḅị-kụrụkụrụ nyana mịna tomi ma pịrị ḅịa.

Ayịzaya 25:8

Tẹịn ḅẹrẹtọn KỊNỊNYANAḄỌ ḅe fịị ḅaa guluguluma gbamaso ḅa! Tọrụngbọ goyegoye ḅụ simearị owu-minji mẹ ò sin ḅa, ọ̀ pịkị bebe tomikiri mẹ ḅụ ori atomi ma nyanatẹ tọrụ-tuu mẹ sọ siin ḅa. KỊNỊNYANAḄỌ ḅe ḅioju ḍuko tẹ!

Romu 8:16

Tamụnọ Tẹmẹ ḅe wamịna tẹmẹ ḅụ sọ tẹ Tamụnọ awọmẹ kẹ wa sịn-arị.